Халыкара “Россия — Кытай” форумында БРИКСка керүче дәүләтләрнең халыкара мультиспорт уеннарын тәкъдим иттеләр, алар Казанда 2024 елның 12 июненнән алып 23 июненә кадәр узачак дип планлаштырыла. БРИКС илләре һәм башка дәүләтләр спортчылары катнашында 25 спорт төре буенча ярышлар көтелә.

Татарстан Республикасы спорт министры вазыйфаларын үтәүче Илдар Садриев Уеннарны оештырганда җәлеп ителәчәк Казан инфраструктурасы турында сөйләде, шулай ук шәһәрнең зур халыкара спорт ярышларын уздыруга әзерлеген билгеләп узды.

“Казан — Россиянең спорт башкаласы. Спорт ярышларын үткәрү буенча гаять зур тәҗрибәгә ия шәһәр. Безнең кирәкле спорт объектлары бар, шуңа без БРИКС илләренең спорт уеннарына әзер дип әйтә алам, һәм без башка хезмәттәшләребездән дә шундый ук омтылыш көтеп калабыз”, — дип билгеләп узды Илдар Садриев.

Татарстан Республикасының Фәннәр академиясе каршындагы “Кытай-Татарстан” фәнни үзәге җитәкчесе урынбасары, ШОС Цифрлы технологияләр ҖЧҖ директоры Чжан Дали БРИКС илләренең спорт уеннары берлеккә керүче илләр арасындагы мөнәсәбәтләрдә зур роль уйнаячагына ышанычын белдерде.

“БРИКС Уеннары — БРИКСның бөтен илләрен берләштерә алучы чара. Әлеге берлек елдан-ел үсә, дөньядагы йогынтысын үстерә. БРИКС Уеннары илләрне бер-берсе белән тагы да якынрак берләштерергә булышачак. Спорт барлык илләр өчен дә мөһим. Аның ярдәмендә бер телдә сөйләшмичә дә хезмәттәшлек итеп була. Мондый чараларны Россия өчен дә, Кытай өчен дә, башка илләр өчен дә ясарга кирәк. Бу уеннарда бик күп команда көтәм”, — дип белдерде Чжан Дали.

Илдар Садриев сүзләренә караганда, Россия һәм Кытайның спорт өлкәсендәге хезмәттәшлеге ике ил өчен дә файдага булачак.

“Спорт — ул берләштерүче күперчек. Хәтта коммуникация белән проблемалар килеп чыкса да, спортчылар һәрчак үзара килешә һәм бер-берсен аңлый ала. Без хезмәттәшлеккә, үзебездә кытай студентларын кабул итәргә, хезмәттәшләребезнең тәҗрибәсен үзләштерергә әзер. Пекинда узган Олимпиада спорт бу илдә бик тиз үсеш алуын күрсәтте. Аларның киберспорт һәм фиджитал спортны үстерүдә Россия белән хезмәттәшлек итәргә әзер булуларын белү бик күңелле булды. Бүгенге аралашу спортны үстерү өлкәсендә яңа этәргеч бирер дип өметләнәбез, — дип билгеләп үтте ТР спорт министры вазыйфаларын үтәүче И.Садриев.

Беренче халыкара “Россия — Кытай” форумы 2023 елның 7-8 сентябрендә ХКҮ “Казан Экспо”да уза.

Пермьдә узучы халыкара “Россия — спорт державасы” спорт форумында Россия Федерациясе спорт министры Олег Матыцин Казанда үтәчәк БРИКС Уеннары ярышларда катнашырга теләгән һәрбер ил спортчылары өчен ачык булачак дип белдерде.

БРИКС илләренең спорт уеннары Казанда 2024 елның 11 июненнән 23 июненә кадәр, 17 спорт объектында 27 спорт төре буенча узачак. Ярышларда 3000 гә якын спортчы катнашыр дип көтелә. Уеннарга чакыру БРИКСның 5 катнашучы иленә (Бразилия, Һиндстан, Кытай, КАР, Россиягә) һәм берлеккә 2024 елның 1 гыйнварыннан кабул ителәчәк тагы алты илгә (Аргентина, Мисыр, Эфиопия, Иран, Согуд Гарәбстаны, Берләшкән Гарәп Әмирлекләренә) җибәрелгән.

“Бу көннәрдә БРИКС Уеннары Көньяк Африка Республикасында уза, һәм хәзерге вакытка Россия спортчылары 14 медаль яулады, шуларның 11-е – алтын. Киләсе БРИКС Уеннары Казанда узачак. Алар теләге булган һәркем өчен ачык булачак. Африка, Азия, Европа һәм Америка илләре спортчыларын чакырасым килә. Безгә кунакка килегез! Россия һәм Казан сезне күрергә һәрчак шат”, — дип билгеләп үтте Олег Матыцин.

Беларусь Республикасының спорт һәм туризм министры Сергей Ковальчук БРИКС Уеннарын үткәрүнең халыкара спорт өчен мөһим булуын билгеләп узды һәм алар югары дәрәҗәдә уздырылачагына ышануын белдерде.

“Без Россия ягы 2024 елның июнендә узачак БРИКС Уеннары һәм сентябрьдә үтәчәк Дуслык Уеннарын үткәрү буенча алга сөрүче тәкъдимнәргә рәхәтләнеп, канәгатьлек белән теләктәшлек күрсәтәбез. Без әлеге масштаблы һәм мавыктыргыч мультиспорт форумнарны зур түземсезлек белән көтәбез. Һәм аларның иң югары дәрәҗәдә оештырылачакларына ышанып калабыз. Бик сыйфатлы итеп оештырылган Кышкы Олимпия Уеннары-2014, Футбол буенча дөнья чемпионаты-2018 һәм башка чаралар әле дә истә. Беларусь бу чараларны оештыруда һәм үткәрүдә бик актив катнашырга әзер”, — дип белдерде Сергей Ковальчук.

БРИКС илләренең спорт уеннары-2024 кысаларында БРИКС илләренең спорт министрлары очрашуы, шулай ук тотрыклы үсеш концепциясе һәм 2025-2030 еллардагы БРИКС уеннарын үткәрү кагыйдәләрен раслау планлаштырыла.

Татарстан Республикасының спорт министрлыгы һәм Матч ТВ телеканалы Казанда узачак БРИКС Уеннары 2024 вакытында хезмәттәшлек турында килеште.

Килешүгә кул Пермьдә узучы халыкара “Россия — спорт державасы” спорт форумында куелды. БРИКС Уеннары-2024нең барлык мөһим ярышларын Матч ТВ телеканалы күрсәтәчәк.

“Матч ТВ телеканалы – безнең күптәнге һәм ышанычлы дусларыбыз. Аның ярдәмендә илебез халкы Татарстан Республикасында узучы зур спорт чараларының бер өлешенә әйләнә. Без телеканалның 2024 елда узачак БРИКС илләренең спорт уеннарында безнең партнерыбыз булачагына һәм дөньяның төрле почмакларында яшәүче миллионлаган спорт яратучы өчен ярышларны онытылмаслык итәргә булышачагына бик шат”, — дип белдерде Татарстан Республикасының спорт эшләре министры Владимир Леонов.

“Федераль канал буларак, без БРИКС уеннарын үз каналларыбызда бик рәхәтләнеп күрсәтәчәкбез. Моннан тыш, без ярышларны аның дәрәҗәсенә туры килерлек сыйфатта күрсәтү өчен Казанга зур техник җиһазлар һәм көчле команда җибәрәчәкбез. Казанның дөнья дәрәҗәсендәге зур халыкара вакыйгалар уздыру тәҗрибәсе бар, һәм оештыру дәрәҗәсе буенча БРИКС илләре уеннары Конфедерацияләр Кубогы һәм Футбол буенча дөнья чемпионаты, зур Россия ярышларының финаллары һәм Дуслык Уеннары белән бер рәттә булачагына һич шик юк”, — диде “Матч ТВ” генераль продюсерының беренче урынбасары Дмитрий Рыжков.

БРИКС илләре уеннары Казанда 2024 елның 11 июненнән 23 июненә кадәр узачак. Ярышлар 17 спорт объектында 27 спорт төре буенча үтәчәк. Алар арасында бадминтон, бокс, брейкинг, байдарка һәм каноэларда ишү, ишү спорты, дзюдо, каратэ, көрәш, җиңел атлетика, өстәл теннисы, йөзү, пляж волейболы, пляж гандболы, суга сикерү, самбо, синхрон йөзү, скейтбординг, спорт көрәше (ирекле көрәш һәм грек-рим көрәше), спорт гимнастикасы, теннис, авыр атлетика, ушу, фехтование, фиджитал спорт (баскетбол һәм футбол), нәфис гимнастика һәм шахмат бар.

БРИКС илләренең спорт уеннарында 5 меңгә якын катнашучы килү көтелә, аларның өч меңе – спортчылар, ике меңе – рәсми затлар. Уеннарга чакыру БРИКСның 5 катнашучы иленә (Бразилия, Һиндстан, Кытай, КАР, Россиягә) һәм берлеккә 2024 елның 1 гыйнварыннан кабул ителәчәк тагы алты илгә (Аргентина, Мисыр, Эфиопия, Иран, Согуд Гарәбстаны, Берләшкән Гарәп Әмирлекләренә) җибәрелгән.

БРИКС илләренең спорт уеннары-2024 кысаларында БРИКС илләренең спорт министрлары очрашуы, шулай ук тотрыклы үсеш концепциясе һәм 2025-2030 еллардагы БРИКС уеннарын үткәрү кагыйдәләрен раслау планлаштырыла.

Россия Хөкүмәте Рәисе урынбасары Дмитрий Чернышенко һәм Россия Президенты ярдәмчесе Игорь Левитин 2024 елда Казанда узачак БРИКС илләренең спорт уеннарын әзерләү буенча оештыру комитеты утырышын үткәрде. Утырыш нәтиҗәләре буенча спорт дисциплиналары һәм ярышлар объектлары исемлеге, шулай ук турнирның рәсми логотибы расланды.

Вице-премьер үткәреләчәк турнирның Россия Федерациясе өчен стратегик мөһимлеген билгеләп узды.

“2024 елда Россия БРИКСта рәислек итә, БРИКС илләренең спорт уеннарының дәүләтара форматы аларны югары дәрәҗәдә оештырырга һәм барлык катнашучыларны тигез шартлар белән тәэмин итәргә булышачак. Россия БРИКС Уеннарын бөтенләй яңа дәрәҗәгә күтәрә – альянс илләрендә популяр булган 29 спорт төре буенча ярышлар планлаштырылган. Без катнашучы илләр ягыннан уңай караш күрәбез, алар көнбатыш функционерлары коткысына бирелми.

Бер айдан соң Казанда инновацион “Киләчәк Уеннары” башлана, әзерлек план буенча бара. Әлеге традиция БРИКС Уеннарына әзерлек кысаларында да дәвам итәчәгенә шикләнмим. Барлык объектлар әзерлеген һәм аларның барлык таләпләргә туры килүен тәэмин итү мөһим”, - диде Дмитрий Чернышенко.

“Татарстанның халыкара масштабтагы зур чараларны әллә ничә тапкыр уздырганы бар. Безнең бай тәҗрибәбез үз өстебезгә теләсә нинди дәрәҗәдәге һәм форматтагы чара үткәрү җаваплылыгын алырга мөмкинлек бирә. Республикада бу проектны тормышка ашыру өчен кирәкле барлык ресурслар да бар. Уеннарны оештыру югары дәрәҗәдә узсын өчен, без бар тырышлыкны куячакбыз дип ышандыра алам, без үз өстебезгә алган барлык бурычларны үтәячәкбез”, - дип белдерде Татарстан Республикасы Рәисе Рөстәм Миңнеханов.

“Безнең инициатива буенча һәм БРИКС илләрендәге коллегаларыбыз белән үзара килешү нәтиҗәсендә, БРИКС Уеннары 2024 не ачык форматта үткәрү карары кабул ителде. Альянста катнашучыларның барысы да тигез һәм дискриминациясез катнашу мөмкинлеге принцибы яклы, без барлык ил спортчыларын турнирда ирекле катнашу мөмкинлеге белән тәэмин итәбез, алар үз илләре флагы астында санкцияләрсез һәм чикләүләрсез катнашачак, җиңүче илнең гимны яңгыраячак.

Казанда узачак БРИКС Уеннарында без 60 тан артык илдән якынча 5000 спортчы килүен көтәбез. Әзерлек эшләнгән һәм расланган Чаралар планы нигезендә тормышка ашырыла, ул үз эченә барлык инфраструктура һәм сервисларны әзерләүне, мәдәни программа һәм волонтерлар программасын оештыруны, санитар-эпидемиягә каршы чараларны үз эченә ала. Иң мөһим юнәлешләрнең берсе – катнашучылар һәм чара кунакларының иминлеген кайгырту, бу бездә һәрчак приоритетта. Казанда узачак БРИКС илләренең Спорт Уеннары 2024 тә барысын да күрергә шат булачакбыз”, - диде спорт министры Олег Матыцин.

Уеннар 2024 елның 11-23 июнь көннәрендә узачак. Уеннарның спорт программасы үз эченә БРИКС илләрендә иң популяр булган 29 спорт төре буенча ярышларны ала: бокс, брейкинг, пляж волейболы, пляж гандболы, байдарка һәм каноэда ишү, ишү спорты, дзюдо, каратэ, көрәш, билбау көрәше, җиңел атлетика, өстәл теннисы, йөзү, суга сикерү, самбо, синхрон йөзү, скейтбординг, спорт көрәше, спорт гимнастикасы, теннис, ушу, фехтование, баскетбол ике төр ярышы, футбол ике төр ярышы, нәфис гимнастика, шахмат, авыр атлетика, бадминтон һәм ат спорты. Барлыгы 389 медаль комплекты уйнатылачак. Чараларны оештыруда 2300 волонтер катнашачак.

Россиянең спорт министрлыгы гомумроссия спорт федерацияләре белән берлектә ярышлар программасы регламенты, судьялар корпусын формалаштыру өстендә эшли.

2024 елның 11-24 июнь көннәрендә Казанда БРИКС илләренең спорт уеннары – БРИКС икътисад төркеменә керүче дәүләтләр арасында ел саен уздырылучы мультиспорт ярышлар узачак. Уеннар 2016 елдан бирле үткәрелә, ләкин Россия Федерациясе аны үз тарихында беренче тапкыр кабул итәчәк.

Казанда чыгыш ясарга 70 тән артык ил, шул исәптән, БРИКСка керүче 10 дәүләт һәм Россия Федерациясе теләк белдерде. Барлыгы Уеннарда 5000 гә якын катнашучы көтелә.

Ярышларның спорт программасы үз эченә 30 спорт төре һәм дисциплинаны ала, аларның 21-е – Олимпия уеннары программасына керә, 9-ы – Олимпия уеннары түгел, өстәвенә күбесенең Казандагы БРИКС Уеннарында дебют булачак. Катнашучылар рекордлы сандагы бүләк – 393 комплект уйнатачак.

Уеннар программасына бокс, брейкинг, пляж волейболы, пляж гандболы, байдарка һәм каноэда ишү, ишү спорты, дзюдо, каратэ, көрәш, билбаулы көрәш, җиңел атлетика, өстәл теннисы, йөзү, суга сикерү, самбо, синхрон йөзү, скейтбординг, спорт көрәше, спорт гимнастикасы, теннис, ушу, фехтование, баскетбол ике төр ярышы, футбол ике төр ярышы, нәфис гимнастика, шахмат, авыр атлетика, бадминтон, ат спорты һәм акробатик рок-н-ролл керә.

Уеннарның ярышлары Казан шәһәренең 17 спорт объектында узачак. Ачылу тантанасы 12 июньдә, ә ябылу тантанасы 23 июньдә үтәчәк.

БРИКС Уеннарында эшләү өчен Медиа вәкилләренә аккредитация үтәргә кирәк, ул 18 мартта башланачак һәм 12 майга кадәр дәвам итәчәк

1. Аккредитация системасына керү мөмкинлеге алу өчен түбәндәге сылтама буенча заявка тутырырга кирәк

2. Заявканы караганнан соң, Оештыру комитеты сез заявкада калган электрон почтага логин һәм пароль, системага керү өчен сылтама, шулай ук системада эшләү буенча инструкция язылган хат җибәрәчәк.

3. Аккредитация системасында шәхси кабинетка кергәннән соң, шәхси мәгълүматны тутырырга, фото (таләпләргә туры килгәнен), паспортның скан/фотосын йөкләргә, Казанга килү датасын һәм вакытын билгеләргә (әгәр сезне каршыларга кирәк булса) һәм шәхси анкетаны Оештыру комитетына каралырга җибәрергә кирәк.

4. «Активен» дигән анкета статусы аның Оештыру комитеты тарафыннан кабул ителүен һәм сезнең аккредитация үзәгендә (аның эш вакыты һәм урнашу урыны соңрак хәбәр ителәчәк) паспорт күрсәтеп, бейдж ала алуыгызны аңлата.

Аккредитация системасына керү мөмкинлеге алмасагыз яки ачык сорауларыгыз калса, безгә языгыз media.info@dspkazan.com.

БРИКС илләренең спорт уенннарын тәкъдим итү Мәскәүдә узган “БРИКС илләрендә спорт. Күпкүчәрле спорт дөньясы” түгәрәк өстәле кысаларында, “Без бергә. Спорт” форумында узды. Анда Россия Федерациясенең спорт министры Олег Матыцин, Татарстан Республикасының спорт министры Владимир Леонов һәм Венесуэладан килгән суга сикерүче Хесус Эдуардо Гонсалес Рейес катнашты.

Уеннар 12-23 июнь көннәрендә Казанда узачак. 5000 якын катнашучы көтелә, турнир программасында 29 дисциплина буенча ярышлар. Спортчылар БРИКС Уеннары өчен рекордлы сандагы бүләк — 380 артыкны уйнатачак.

“Спорт өлкәсендә БРИКС илләре спортчылар өчен ярышларда тигез, дискриминацияле булмаган катнашу принцибына таяна, чөнки безнең төп бурычыбыз – бөтен илдән килгән спортчыларны спорт ярышларында ирекле рәвештә чикләүләрсез һәм үз флагы астында катнаша алу мөмкинлеге белән тигез тәэмин итү. Шунысын әйтергә кирәк, БРИКСның бөтен иле дә Уеннарда катнашачагын раслады. Без альтернатив ярышлар тудыру бурычын куймыйбыз, бу позицияне хуплыйбыз һәм безнең спорт системасын алга таба ныгытабыз. Безнең өчен иң мөһиме – милли кызыксыну. БРИКС уеннарында бары бу оешмага керүче илләр генә ярышачак дип планлаштырылган иде, ләкин вәзгыятьне исәпкә алып, без ярышларны ачык форматлы итү турында карар кабул иттек.

БРИКС Уеннарында 25 артык спорт төре булачак, 50 артык ил катнашачак. Ярышларның эшлекле программасы кысаларында Берлек илләренең халыкара ярышлар проекты үсеше буенча Казан хартиясенә кул куярга телибез”, – дип белдерде Олег Матыцин.

Уеннарның талисманы итеп леопард Бриксик сайланды. Аның исеме җитезлек, көч, тизлек һәм ихтыяр ныклыгын гәүдәләндерә. Бу – чын чемпионнарга хас сыйфатлар. Беренче БРИКС уеннары кебек үк, Бриксик та Азиядә туган, аннары турнир белән бергә үскән, үсеш алган.

Татарстан Республикасының спорт министры Владимир Леонов Уеннар 18 объектта узачак, һәм чараны уңышлы үткәрү өчен Казанда бөтен кирәкле инфраструктура да бар, дип билгеләп үтте.

“Барлык объектлар да төзелгән инде, аларда халыкара һәм бөтенроссия ярышлары үткәрелгәне бар. Мондый форматта БРИКС Уеннары беренче тапкыр узачак. Безнең бурыч – киләчәктә киләсе оештыручылар таяна алырлык көчле спорт нигезле сыйфатлы продукт формалаштыру”, – диде Леонов.

Венесуэланың суга сикерү буенча җыелма командасы спортчысы Хесус Эдуардо Гонсалес Рейес БРИКС Уеннарыннан бөтен катнашучыларга ошарлык һәм истә калырлык бәйрәм көтәм, дип белдерде.

“БРИКС Уеннары Венесуэла спортчылары өчен – әһәмияткә ия вакыйга. Казанда минем илем берничә дисциплинада тәкъдим ителгән, һәм үземне иң югары дәрәҗәдә күрсәтә алу мөмкинлеге – минем өчен зур дәрәҗә. БРИКС Уеннарында барлык илләр дә катнаша алуына, турнирда сәясәт белән бәйле чикләүләргә булмаганга, һәм катнашучыларның бар игътибарларын бары спортка биреп, ярышлар атмосферасыннан ләззәт ала алуына мин бик шат”, – дип өстәде Рейес.

Уеннар кысаларында БРИКС илләренең спорт министрлары очрашуы, шулай ук министр-партнерларның спорт саммиты планлаштырыла. Моннан тыш, Уеннарда БРИКСның Марафон лигасына – берлек илләренең зур Россия йөгерешләре эгидасы астындагы зур марафоннар берләшмәсенә старт биреләчәк. Ярышларның үзләреннән тыш, әллә ничә мәдәни чара, шул исәптән Йога фестивале узачак. Уеннарның кульминациясе бергәләп Казан Сабантуен үткәрү булачак.

Казанда 2024 елның июнендә БРИКС илләре Уеннарында чыгыш ясаячак командалар делегацияләренең башлыклары очрашуы башланды. Анда 35 ил вәкиле катнаша. Казанга алты делегация килде, калганнары очрашуга онлайн режимда кушылачак.

Делегацияләр башлыклары БРИКС илләре Уеннарының оештыру комитеты белән очрашачак, ярышларның спорт программасы, виза белән ярдәм, сервислар, аккредитация һәм теркәлү турында фикер алышачак, шулай ук турнирга җәлеп ителәчәк объектлар һәм инфраструктура белән танышачак.

«БРИКС Уеннары алдыннан уздырылучы мондый очрашулар беренче үткәрелә. Без бу Уеннарны җитди халыкара турнирлар дәрәҗәсенә күтәрәбез. Өч көн дәвамында без сервислар турында сөйләячәкбез, объектларны күрсәтәчәкбез һәм Казанга БРИКС Уеннары катнашучылары сыйфатында килүчеләрнең сорауларына җавап бирәчәкбез. Делегацияләр башлыклары барлык кирәкле мәгълүматны да алачак. Аларның күбесенең Татарстанда булганы юк, шуңа хәзер алар барын да үз күзләре белән күрә алачак”, – дип билгеләп узды Татарстан Республикасының спорт министры Владимир Леонов.

Татарстан Республикасының спорт министры БРИКС илләре Уеннарында медальләр 25 артык спорт төрендә уйнатылачак, диде. Спорт программасының ахыргы варианты май аенда расланачак.

«Без БРИКС Уеннарын иң югары дәрәҗәдә үткәрергә телибез. Бу – безнең бурычыбыз, һәм аны үтәү өчен бөтен мөмкинлекләр дә бар. Казанда, БРИКС Уеннарында Россия җыелмаларының иң яхшы спортчылары катнашачак. Без бөтен спорт төрләре җыелмаларының беренче номерлары белән килештек диярлек», – дип билгеләп узды Владимир Леонов.

Очрашуда катнашу өчен Казанга Әфганстан, Бәхрәйн, Венесуэла, Конго, Берләшкән Гарәп Әмирлекләре һәм Сербия Республикасы делегацияләре вәкилләре килде.

«БРИКС илләре Уеннарында чыгыш ясаячак ил делегацияләре башлыкларына Казанга килү мөмкинлеге өчен зур рәхмәт. Безнең өчен беренче урында Россия һәм Венесуэла арасындагы мөнәсәбәтләрне ныгыту, һәм спорт дуслыгыбызны ныгытучы корал булып хезмәт итә. Латин Америкасы илләре бу бөтендөнья спорт аренасында спорт аша тынычлык хакындагы фикерләрен белдерергә тели. БРИКС Уеннарында Венесуэла 9 дисциплинада катнашачак, Казанга 40-45 спортчыдан торган команда киләчәк», – дип билгеләп узды Венесуэланың спорт һәм яшьләр эшләре министры Пабло Альфонсо Юстиз Араухо.

Белешмә

БРИКС илләре Уеннары 2024 елның 11-23 июнь көннәрендә Казанда узачак. 50 артык илдән биш меңгә якын катнашучы килүе көтелә. Спорт программасына БРИКС илләрендә иң популяр булган спорт төрләре буенча ярышлар керә. Ярышлар 18 спорт объектында үткәреләчәк.

Казанда 2024 елның июнендә БРИКС илләре Уеннарында чыгыш ясаячак командалар делегацияләренең башлыкларының өчкөнлек очрашуы тәмамланды. Чарада 35 илнең спорт министрлыклары һәм милли федерацияләре вәкилләре катнашты. Татарстан башкаласына Әфганстан, Бәхрәйн, Венесуэла, Берләшкән Гарәп Әмирлекләре, Конго һәм Сербия Республикасы делегацияләре килде, ә калганнар исә очрашуда онлайн режимда катнашты.

Очрашу кысаларында делегатлар Уеннарга җәлеп ителәчәк объектларда булдылар, атлетлар өчен Универсиада Авылындагы шартлар һәм кулланып булачак сервислар белән таныштылар, спорт программасы, аккредитация, виза һ.б белән бәйле сораулар хакында фикер алыштылар.

«Делегацияләр башлыклары очрашуы уңышлы узды. Программа бик бай иде, һәм аның нәтиҗәләре буенча, кунаклар күргәннәреннән канәгать калдылар. Без очрашуда катнашучылардан спорт инфраструктурасы, аларга Уеннар вакытында тәкъдим ителәчәк урнаштыру шартлары һәм сервислар буенча уңай кайтавазлар, хәтта соклану сүзләре дә ишеттек, аларның теләкләрен һәм тәкъдимнәрен тыңладык.

Делегацияләр башлыклары белән рәхәтләнеп ярышларны үткәрү буенча бай тәҗрибәбез белән уртаклаштык. Файдалы һәм конструктив аралашу килеп чыкты. БРИКС илләре Уеннары катнашучыларын июньдә көтәбез. Алда әле шактый эш көтелә, ләкин без Казанда барысына да ошаячак искиткеч спорт бәйрәме узачагына шикләнмибез”, – дип билгеләп узды Татарстан Республикасының спорт министры Владимир Леонов.

Шулай ук делегатлар Казанда узучы йөзү буенча Россия чемпионатында булдылар, һәм Су спорт төрләре сарае инфраструктурасына югары бәя бирделәр.

«Без Казанда күргәннәрдән бик зур тәэсир астында. Бар да югары халыкара таләпләргә туры килә. Казан БРИКС Уеннарына әзер дип уйлыйм. Без Казанда күргәннәрнең барысы да – иң яхшылардан яхшылары. Без БРИКС илләре Уеннары беренче чиратта дуслыкка, мөнәсәбәтләрне үстерүгә юнәлдерелгән чара икәнен аңлыйбыз. Мондый ният белән без катнашырга һәм безнең туганлык-дуслык мөнәсәбәтләрен үстерергә әзер. БРИКС илләре Уеннарының киләчәге якты дип уйлыйм! Киләчәктә бу ярышлар тагы да камилләшәчәк һәм үсәчәк», – диде Сербия Республикасының делегация башлыгы Йован Пролич.

Белешмә

БРИКС илләре Уеннары 2024 елның 11-23 июнь көннәрендә Казанда узачак. 50 артык илдән биш меңгә якын катнашучы килүе көтелә. Спорт программасына БРИКС илләрендә иң популяр булган спорт төрләре буенча ярышлар керә. Ярышлар 18 спорт объектында үткәреләчәк.

БРИКС Уеннары 2024 кадәр төгәл 50 көн калды, һәм бүген Казанда 12-23 июнь көннәрендә узачак халыкара турнирның билет программасы старт алды.

БРИКС Уеннарына БРИКС илләреннән һәм чакырылган дәүләтләрдән 4500 артык катнашучы көтелә. Казанның спорт ареналарында Россия җыелмасының әйдәп баручы спортчылары чыгыш ясаячак, әйтик, суга сикерү буенча дөнья һәм Европа чемпионы Евгений Кузнецов, синхрон йөзү буенча күп тапкыр Олимпия уеннары чемпионы булган Светлана Колесниченко, нәфис гимнастика буенча Россия чемпионы Лала Крамаренко һәм тагын бик күпләр.

23 апрель көнне сатуга түбәндәге спорт ярышларына билетлар чыкты: йөзү, спорт гимнастикасы, фехтование, синхрон йөзү, дзюдо, суга сикерү, бадминтон, каратэ, спорт көрәше, самбо, ушу, көрәш һәм билбаулы көрәш.

Билет бәяләре – 100 сумнан алып 300 сумга кадәр. Барлыгы БРИКС Уеннары программасына 20 артык спорт төре керәчәк. Калган дисциплиналарга билетлар сатуга май аенда чыгачак.

“БРИКС Уеннары – безнең атлетлар өчен халыкара аренада үзләренең талантларын һәм осталыкларын күрсәтү өчен шәп мөмкинлек, һәм мин уеннар үзебездә, Россиядә, бай спорт мирасы булган илдә үткәрелүенә бик шат. Аларның Казан кебек матур шәһәрдә үткәрелүе аеруча шатлыклы. Мин Уеннар башлануын зур түземсезлек белән көтәм, бу үзенең үзенчәлекле атмосферасы булган чын спорт бәйрәме булачак!” – дип белдерде фехтование буенча ике тапкыр Олимпия чемпионы Софья Великая.

“Җәйнең иң төп мультиспорт турнирларының берсенә 50 көн кала, һәм мин бу вакыйга Казанда узачагына бик шат. Шәһәр чираттагы кат үзенең Россиянең спорт башкаласы булуын исбатлый. Казанда яшәүчеләр һәм кала кунаклары чираттагы тапкыр шәп спорт тамашасы белән хозурлана һәм үз күзләре белән иң көчле спортчыларны күрә алачак”, – диде Олимпия чемпионы, Россия җыелмасы һәм Казан “Зенитының” волейболчысы Максим Михайлов.

“Казанның кабат зур халыкара турнирны кабул итүенә бик шатмын. Бадминтон БРИКС илләрендә бик популяр, Уеннарда кызыклы матчлар күп булачагына ышанам. Без яхшы нәтиҗәгә өметләнәбез, чөнки өебез диварлары булышырга тиеш. Без сезне көтәбез, кадерле тамашачылар! Бадминтон карарга һәм яраткан спортчыларыгыз өчен җан атарга килегез!” – дип билгеләп узды Россия җыелмасының бадминтончысы, Европа чемпионатлары призеры Евгения Косецкая.

Ярышлардан тыш, тамашачылар матур мәдәни программа, танылган атлетлар, спорт легендалары белән сессияләр, шулай ук интерактив шоулар күрә алачак.

Казанда узачак БРИКС Уеннары 2024 беренче билетларны БРИКС Уеннарының рәсми сайтында яки турнирның рәсми партнеры булган kassir.ru сайтында алып була.

Фехтованиеның кылычлы төрендә ике тапкыр Олимпия чемпионы булган Софья Великая һәм суга сикерү буенча Олимпия чемпионы Илья Захаров БРИКС илләре Уеннары илчеләре итеп сайланды.

Илчеләр өчен багышлау тантанасы Халык хуҗалыгы казанышлары күргәзмәсендәге (ВДНХ) “Россия” күргәзмә-форумында, “Киләчәк мөмкинлекләре: озын һәм актив тормыш. Спорт” пленар сессиясе кысаларында булды. Илчеләр статуэткаларын Олимпия чемпионнарына Россия спорт министры Олег Матыцин һәм Татарстан Республикасы спорт министры Владимир Леонов тапшырды.

“Минем өчен, әле дә чыгыш ясаучы спортчы өчен, БРИКС Уеннары илчесе булу зур дәрәҗә — бу үзеңнең талантыңны, осталыгыңны күрсәтү өчен шәп мөмкинлек. Мондый турнирның безнең илдә үтүе зур әһәмияткә ия, һәм Уеннарның Казанда, һәрчак искиткеч спорт бәйрәмнәре үткәрүче шәһәрдә үтүе аеруча шәп. Мин бу тәкъдимне горурлык белән кабул итеп алам һәм Уеннар илчесе булам”, — дип белдерде Софья Великая.

Илья Захаров сүзләренә караганда турнир халыкара спортта зур әһәмияткә ия вакыйга булачак.

“Минем өчен БРИКС Уеннары илчесе булу бик шатлыклы, чөнки мин бу ярышлар халыкара спортта яңа дулкын булачак дип ышанам. Бу ярышларга һичшиксез килегез һәм безнең спортчыларыбызга көч биреп торыгыз, хәзер бу аеруча мөһим”, — дип сөйләде Илья Захаров.

Татарстан Республикасы спорт министры Владимир Леонов сүзләренә караганда, БРИКС илләре Уеннары зур кызыксыну тудырган кирәкле турнир булып чыккан, бу турыда билетларның уңышлы сатыла башлавы сөйли.

“Без ярышларга билетларны узган сишәмбедә – Уеннар ачылырга 50 көн кала сата башладык – һәм ике көн эчендә генә якынча 100 мең билетның инде 4,5 меңен сатып та өлгердек. Без сатып алу географиясе киң икәнен күрәбез, билетларны Казан һәм Татарстан кешеләре генә түгел, илебездә һәм дөньяның төрле илләрендә яшәүче җанатарлар да сатып ала”, — дип аңлатты Владимир Леонов.

Исегезгә төшерәбез, Казанда узачак БРИКС Уеннары 2024 билетларны БРИКС Уеннарының рәсми сайтында яки турнирның рәсми партнеры булган kassir.ru сайтында алып була.

Казанда 2024 елның 11-23 июнь көннәрендә узачак БРИКС Уеннарына инде 10 мең билет сатылган.

13 спорт төре буенча ярышларга билетлар 23 апрельдә сатыла башлады. Бәяләре – 100-300 сум. Инде хәзердән үк йөзү, спорт гимнастикасы, фехтование, синхрон йөзү, дзюдо, суга сикерү, бадминтон, каратэ, спорт көрәше, самбо, ушу, көрәш һәм билбаулы көрәшкә билетлар алырга мөмкин.

“БРИКС Уеннарына зур кызыксыну күзәтәбез. Нибары берничә көн эчендә без 10 мең билет чиген уздык.

Шунысын әйтәсем килә, 6-7 майда сатуга тагын берничә спорт төре ярышларына билетлар чыгачак. Алар арасында җиңел атлетика, нәфис гимнастика, пляж волейболы, баскетбол ике төр ярышы, бокс, өстәл теннисы, ишү спорты, теннис, авыр атлетика бар.

Билетлар сатып алуны озакка сузмаска киңәш итәбез. Өстәвенә хәзер аларны бик отышлы бәядән алып була”, – диде Татарстан Республикасының спорт министры Владимир Леонов.

Исегезгә төшерәбез, Казанда узачак БРИКС Уеннары 2024 билетларны БРИКС Уеннарының рәсми сайтында яки турнирның рәсми партнеры булган kassir.ru сайтында алып була.

10-12 май көннәрендә Казанда 10 нчы юбилей Ак Барс Банк Казан марафоны узачак.

Ике көн дәвамында 17 илдән килгән 30 мең катнашучы 3 км, 10 км, 21,1 км һәм 42,2 км дистанцияләрендә көч сынашачак. Шулай ук балалар өчен 300 һәм 600 метрга йөгерүләр оештырылачак, ә әлегә бары үрмәләүче нәниләр өчен 40 метр дистанцияле TIMERBABY ярышлары узачак.

10 нчы Ак Барс Банк Казан марафоны кысаларында марафон буенча Россия чемпионаты үтәчәк, анда әйдәп баручы Россия чемпионнары чыгыш ясаячак. 10 км лы дистанциядә башка спорт сөючеләр белән бергә популяр Россия комигы һәм актеры Денис Дорохов та йөгерәчәк.

БРИКС Уеннары 2024 Ак Барс Банк Казан марафонының партнерлары булды. 10 май көнне Уеннар талисманы леопард Бриксик TIMERKIDS балалар йөгерешендә катнашачак, һәм барлык теләүчеләр тиздән Казанда узачак халыкара ярышлар герое белән таныша һәм фотога төшә алачак.

11 май көнендә “Хезмәт резервлары” стадионында “Милләтләр парады: БРИКС Уеннарын каршы алабыз” дип исемләнгән чара узачак, анда 150 кеше катнашачак. Алар үз илләре, Россия төбәкләре һәм Татарстан Республикасы районнары флаглары белән узачак. Казан марафоны хөрмәтенә оештырылган концертта “Отпетые мошенники” һәм “Мураками” кебек популяр музыкаль төркемнәр чыгыш ясаячак.

9-12 май көннәрендә Казан марафонының ЭКСПОсында (Үзәк стадионның җиңел атлетика манежы, Ташаяк, 2а) БРИКС Уеннары фотозонасы урнашачак, анда килүчеләр истәлекле призлар ала һәм 2024 ел җәенең иң көтелгән спорт чарасы турында тулырак белә алачак.

Казан марафоны БРИКС марафоннар лигасының әгъзасы булып тора, бу – Россиянең (Мәскәү, Санкт-Петербург, Казан) иң зур марафоннарын берләштерүче проект, киләчәктә аңа шулай ук Бразилия, Һиндстан, Кытай, Көньяк Африка һәм БРИКСның башка илләре дә кушылыр дип планлаштырыла.

Белешмә өчен: БРИКС Уеннары 12-23 июнь көннәрендә Казанда узачак. Егермедән артык спорт төре буенча ярышларга БРИКС илләре һәм чакырылган илләрдән 4500 дән артык катнашучы килер дип көтелә.

Казанның яңартылган спорт объектларында Россия җыелмасы лидерлары, әйтик, суга сикерү буенча дөнья һәм Европа чемпионы Евгений Кузнецов, синхрон йөзү буенча күп тапкыр Олимпия уеннары чемпионы булган Светлана Колесниченко, фехтованиеның кылычлы төрендә ике тапкыр Олимпия чемпионы булган Яна Егорян, нәфис гимнастика буенча Россия чемпионы Лала Крамаренко, Токиода узган Олимпия уеннарында дзюдо буенча бронза яулаган Нияз Ильясов чыгыш ясаячак.

Уеннарның җиңел атлетика ярышларына билетлары сатуга 7 майда чыгачак. Билетлар сатып алу һәм БРИКС илләре Уеннары турында тулырак белү өчен Уеннар сайтына керегез: https://bricskazan2024.games/ru

Казанда узачак БРИКС илләре уеннары 2024нең рәсми җыры исеменә Filatov & Karas төркеменең «Чемпион 1» композициясе лаек булды. Трекның кушымтасын РСФСРның халык артисты Лев Лещенко башкара.

Бу җыр – спорт гимны гына түгел, ә һәркем өчен мотивацияле теләктәшлек тә. Ул хәтта авыр тормыш ситуацияләрендә дә төшенкелеккә бирелмәскә өнди.

БРИКС илләре уеннары 2024 12-23 июнь көннәрендә Казанда узачак. Татарстан башкаласында 60 артык илдән 5000 якын спортчы җыелачак, алар 27 спорт төрендә ярышачак.

БРИКС Уеннарының рәсми җырын бүген «Вечерний Звук» дип аталган чарада башкарачаклар. https://vk.com/video-36259836_456240459

7 июньнән башлап композицияне Россиядә гамәлдә булган барлык музыкаль сервисларда тыңлап булачак.

Әйдәп баручы кыска видеолар берләшмәсе Likee БРИКС илләре уеннары 2024нең рәсми мәгълүмати партнеры итеп сайланды.

Турнир вакытында Likee БРИКС Уеннарының рәсми аккаунты (Likee ID: kazan2024_brics) белән бергә #BRICS2024 челленджына старт бирәчәк, бу бик күп кулланучыларга талисман Бриксикның сурәте булган махсус фильтр ярдәмендә челленджда катнашырга һәм спортның матурлыгын тоярга булышачак. Казанга Likee блогерлары да киләчәк, алар ярышлардагы кызык мизгелләр һәм “сәхнә арты” кадрлары белән бүлешәчәк.

“Без, мартта Киләчәк Уеннары белән уңышлы хезмәттәшлек иткәннән соң, 2024 елның календарендәге тагы бер грандиоз спорт вакыйгасы — БРИКС Уеннары белән берләшүебезгә бик шатбыз, — диде Likee Россия генераль директоры Дмитрий Щербинин. — Спорт һәрвакыт безнең кызыксынулар берләшмәсе контентының төп баганаларының берсе иде, шулай ук ул безнең кулланучыларның, аеруча яшь буынның физик һәм психик сәламәтлеген ныгыту буенча эшчәнлегебез белән тыгыз бәйләнгән. Шунысын әйтергә кирәк, спортта дан тотучылар, шул исәптән, “Зенит” футбол клубы һәм фигуралы шуу чемпионы Камилә Вәлиева да Likee берләшмәсенә кушылды. Шулай ук без безнең платформада сыйфатлы контент ясый һәм биредә дусларын-фикердәшләрен очрата алачак яңа кулланучыларны һәм спорт яратучыларны сәламлибез”.

БРИКС Уеннары 12-23 июнь көннәрендә Казанда узачак. Алтмышка якын илдән килгән 5 меңнән артык спортчы 27 спорт төрендә якынча 400 бүләк комплекты уйнатачак.

“Без илебездә актив үсеш алучы һәм яшь аудиторияне җәлеп итүче Likee компаниясенең БРИКС Уеннарының рәсми мәгълүмати партнеры булуына бик шатбыз. БРИКС Уеннары — алда көтелүче, аеруча яшьләргә кызык булырга тиеш спорт бәйрәме: яңартылган спорт объектлары, Россия һәм дөньяның иң яхшы спортчылары. Әлбәттә, без Казанга килгән мөмкин кадәр күбрәк кеше Уеннар караудан ләззәт алыр дип өметләнәбез. Ләкин алар нинди сәбәпләр буенча килә алмаса, без БРИКС Уеннарының ни икәнен һәркем тоя алсын өчен, ярышларда төшерелгән иң кызыклы кадрлар белән социаль челтәрләрдә бүлешергә шат булачакбыз”, — диде “Спорт һәм социаль проектлар дирекциясе” КБАО генераль директоры урынбасары Михаил Леонов.

Казанда узачак БРИКС Уеннары 2024 билетларын БРИКС Уеннарының рәсми сайтында (https://tickets.bricskazan2024.games) яки турнирның рәсми партнеры kassir.ru сайтында сатып алырга мөмкин.

Белешмә.

Likee — кыска видеороликлар ясап һәм аларны бар дөньяга таратып, сыйфатлы туры трансляцияләр алып бара була торган оригиналь платформа. 2017 елда эшләтеп җибәрелгән Likee кушымтасы 180 артык илдә эшли, һәм дөньяның 100 миллионнан артык халкы әлеге платформаны күңел ачу, үзеңне күрсәтү һәм дуслар табу өчен сайлый. Likee — Россиядә популяр социаль челтәр, аның платформага тугрылыгын күрсәтүче һәм анда актив үсеш алучы миллионлаган язылучысы бар.

Хөкүмәт Рәисе урынбасары Дмитрий Чернышенко БРИКС илләренең спорт уеннарын әзерләү һәм үткәрү буенча оештыру комитеты утырышын уздырды. Уеннар 12-23 июнь көннәрендә Казанда узачак. Шулай ук утырышта Президент киңәшчесе Игорь Левитин, спорт министры урынбасары Алексей Морозов, Татарстан Республикасы премьер-министры Алексей Песошин, Татарстан Республикасы премьер-министры урынбасары – республиканың Кабинетлар министры аппараты җитәкчесе Шамил Гафаров һәм Хөкүмәт Рәисенең штаттан тыш киңәшчесе Олег Матыцин катнашты.

“2024 елда Россия Федерациясе БРИКС оешмасында рәислек итә, һәм хәзерге шартларда әлеге мәйданчык безнең ил өчен приоритетлы әһәмияткә ия. Президент Владимир Путин кушуы буенча үткәрелүче БРИКС Уеннары – илебезнең оешмада рәислек итү планының мөһим өлеше, бу чарада катнашачакларын инде 97 ил раслады. Алда көтелүче ярышларны югары дәрәҗәдә уздырырга кирәк. Казанның халыкара спорт ярышларын үткәрүдә тәҗрибәсе зур. Быел Татарстан башкаласында зур уңыш белән Киләчәк Уеннары узды, бу традиция БРИКС Уеннары белән дә дәвам итәр дип өметләнәм”, – дип билгеләп узды вице-премьер.

Ул Уеннар башланырга 12 көн калганын искә төшерде, шуңа барлык әзерлек чараларын тәмамларга кушты.

Россиянең спорт министры урынбасары Алексей Морозов БРИКС илләренең спорт уеннарын үткәрүгә әзерлек белән бәйле чараларны гамәлгә ашыру турында доклад белән чыгыш ясады.

“Чакыру кампаниясе тәмам. Катнашуларын раслаган заявкалар 97 илдән килде. Без якынча 5 мең катнашучы, шул исәптән 4 меңнән артык чит ил спортчысын көтәбез. Оештыру комитеты кушуы буенча Россиянең спорт министрлыгы алынган заявкаларны исәпкә алып гомуми спорт программасын төзеде. Аңа 27 спорт төре керде”, – дип билгеләп үтте ул.

Шулай ук министр урынбасары алда көтелүче БРИКС илләренең спорт министрлары очрашуы турында сөйләде, ул 22 июньгә планлаштырылган: “Кытай, Берләшкән Гарәп Әмирлекләре, Мисыр, Эфиопия һәм Иран министрлары, шулай ук Һиндстан, Көньяк Африка Республикасы (КАР) һәм Бразилия министрларының вәкилләре үзләренең катнашуларын раслады инде. Әлеге очрашу кысаларында берләшмәгә керүче илләрнең спорт өлкәсендәге хезмәттәшлегенә кагылышлы актуаль сораулар һәм киләчәктәге үсеш перспективалары, шулай ук БРИКС пространствосында уртак проектларны тормышка ашыру турында фикер алышу планлаштырыла”.

Шулай ук Россия партнерларга БРИКС Казан спорт хартиясен эшләде һәм тәкъдим итте. Хартиядә БРИКС пространствосында спорт хезмәттәшлегенең максатлары, принциплары, юнәлешләре, аларны тормышка ашыру механизмы, шулай ук берләшмәдә рәис булган илнең Уеннарны үткәрү шартлары билгеләнгән.

Моннан тыш, БРИКС Уеннарында җиңгән һәм призер булып калган Россия спортчыларына, шулай ук тренерларга һәм белгечләргә акчалата бүләк билгеләү мәсьәләсе дә хәл ителгән.

“Әлеге чараны республика территориясендә үткәрү мөмкинлеге һәм ышанычыгыз өчен рәхмәт белдерәсем килә. Уеннарга әзерлек чорында республикада зур масштаблы эшләр алып барылды, бөтен министрлыклар да, ведомстволар да әлеге эшкә максималь дәрәҗәдә җәлеп ителде. Ышаныгыз, без БРИКС Уеннары иң югары дәрәҗәдә узсын өчен бөтен тырышлыгыбызны куячакбыз һәм безнең өскә йөкләнгән барлык бурычларны да үтәячәкбез”, – дип билгеләп үтте Алексей Песошин.

Казанга алда көтелүче БРИКС илләре уеннары 2024 катнашучылары килүләрен дәвам итә. Бүген Татарстан башкаласына Венесуэладан зур делегация килеп төште. Аның составында 41 спортчы. Венесуэла җыелмасы БРИКС Уеннарының 12 спорт төрендә, шул исәптән шахмат, авыр атлетика, йөзү, каратэ, суга сикерү, бокс, фехтование һәм башкаларда катнашачак.

«Без Венесуэла спортчыларының БРИКС Уеннарында илебезне тәкъдим итүләре белән горурланабыз. Каратэ һәм футбол ике төр көрәшенә зур өметләр баглыйбыз. Казанда узучы БРИКС Уеннары күп илләрне берләштерү, алар арасында дуслык күпере сузуга юнәлдерелгән икәнен аңлау мөһим. Һәм, әлбәттә, бу спортчыларга үзләрен яхшы яктан күрсәтү өчен шәп мөмкинлек», – диде БРИКС Уеннарындагы Венесуэла командасы делегациясе башлыгы Пабло Юстиз.

БРИКС Уеннарында Венесуэла данын каратэ буенча дөнья рейтингы лидеры, 50 кг авырлык категориясендә чыгыш ясаучы Йорхелис Салазар яклаячак.

«Мин бу Уеннарга күп әзерләндем, ә узган атнада Мароккода узган турнирда җиңү яуладым. Бераз ардым, ләкин алай да Казанда җиңү яуларга исәплим. БРИКС Уеннарында җитди көндәшлек булачак. Рейтингның беренче номеры булсам да, Казанда Төркия, Россия, Мисыр һәм Казахстаннан килгән югары дәрәҗәле спортчы кызлар чыгыш ясаячак. Мин Россиядә 2022 елда Мәскәүдә узган турнирда булган идем инде, тик ул чакта беренче була алмадым. Казанда җиңә алырмын дип өметләнеп калам! » – дип белдерде спортчы.

Казанда февральдә узган Киләчәк Уеннарында Венесуэла командасы фиджитал-футболның сайлап алу турында иң яхшысы булды, һәм алар уңышларын БРИКС Уеннарында да кабатларга тели.

«Бу – барлык Венесуэла спортчылары өчен үзләрен халыкара дәрәҗәдә күрсәтүнең шәп мөмкинлеге. Без БРИКС Уеннарына бик озак әзерләндек, үзара ничек эш итәчәгебезне өч айдан артык шомарттык. Максатыбызга — Уеннар медальләрен яулау һәм Венесуэла халкын шатландыру өчен хәлдән килгәннең барын да эшләячәкбез! Без яхшы чыгыш ясарбыз дип уйлыйм. Мин Киләчәк Уеннарында катнаша алмадым, ләкин командабызның күп кенә уенчылары анда булды», – дип билгеләп узды Венесуэланың футбол ике төр көрәше җыелмасының уенчысы Даниэль Молина.

Татарстан Республикасының спорт министры Владимир Леонов сүзләренә караганда, якын арада Казанда БРИКС Уеннары катнашучыларының тагы берничә зур делегациясен каршы алачаклар. Барлык объектлар да ярышлар уздыруга әзер.

Исегезгә төшерәбез, БРИКС илләре уеннары 12-23 июнь көннәрендә Казанда узачак. Анда 97 илдән килгән якынча 5000 спортчы катнашыр дип көтелә. Уеннарга билетларны БРИКС Уеннарының рәсми сайтында яки турнирның рәсми партнеры – kassir.ru сайтында сатып алырга була.

Казанда алда көтелүче БРИКС илләре уеннары 2024 катнашучылары көннән-көн арта. Бүген иртән спортчылар яшәячәк Универсиада Авылында тантаналы рәвештә Бразилия, Буркина-Фасо һәм Мали делегацияләрен каршы алдылар, ә берничә сәгатьтән үз бүлмәләренә спорт гимнастикасы буенча Россия җыелмасы урнашты.

Бразилия командасы составында 100 артык спортчы. Алар 12 спорт төре буенча ярышларда, шул исәптән бадминтон, дзюдо, каратэ, өстәл теннисы, йөзү, фехтование һәм башкаларда катнашачак.

«Кәеф шәп, Бразилияне бу турнирда тәкъдим итүемә бик шатмын, – дип сөйләде бадминтончы Педро Мендонка. – Мин Россиядә беренче тапкыр, бу ил турында аз беләм, ләкин миңа монда кызык. 2018 елда биредә футбол буенча дөнья чемпионаты узганын беләм. Бу ярышларга сайланып алу җиңел булмады, монда булуыма бик шатмын. Төп көндәшләрем арасында Россия спортчысы Сергей Сирантны, шулай ук Кытай спортчыларын билгеләп үтә алам. Аларның осталыклары да бик югары».

Мали Республикасы исеменнән БРИКС Уеннары 2024тә дүрт бадминтончыдан торган команда чыгыш ясый, ә Буркина-Фасо исеменнән – бадминтончылар һәм җиңел атлетика спортчылары.

«Минем Россиягә беренче килүем, ләкин бу ил турында күп ишеттем. Илегез турында телевизор һәм YouTube’тан күп видеолар карадым, – дип билгеләп узды Мали командасының бадминтон тренеры Бубакар Траоре. – Соңгы вакытта Россия һәм Мали үзара хезмәттәшлекне үстерә, Россия – минем илем өчен яхшы дус. Малиның бадминтонда җиңгән беренче Африка иле булуын телим, ләкин безнең көндәшләребез бик күп».

Россиянең спорт гимнастикасы буенча җыелмасы – БРИКС Уеннары командалары арасында иң-иңнәрен генә җыйган командаларның берсе. Делегация башлыгы – Токио-2020 Олимпия уеннарының командалы ярышында алтын яулаган, күп тапкыр дөнья чемпионы булып калган Никита Нагорный. Аның белән БРИКС Уеннары 2024тә ил данын Токиода бергә чыгыш ясаган чемпионнар командасындагы коллегалары – Европа һәм дөнья чемпионатлары җиңүчеләре – Давид Белявский һәм Артур Далалоян, Олимпия уеннарының алтын медаль иясе Ангелина Мельникова һәм башка танылган спортчылар яклаячак.

«Минем өчен Казан – йөрәгемдә аерым урын алып торучы шәһәр. БРИКС Уеннары 2024тә зур шатлык белән чыгыш ясыйм. Җиңүгә өмет итәбез. Уеннарга иң көчле команданы – Олимпия уеннары чемпионнары, дөнья чемпионнарын алып килдек, тик арабызда бу алар өчен беренче халыкара турнир булган яшьләр дә бар. Халыкара вакыйга атмосферасы искиткеч, безнең өчен хәзер команда белән яшәү һәм йөрү мөһим, бу җитми иде», – дип белдерде Никита Нагорный.

«Ярышларга өметләр зурдан. Казан – гимнастика шәһәре, монда җылы каршы алалар, җанатарлар да һәрчак бик күп», – дип билгеләп узды Артур Далалоян.

БРИКС Уеннарының бадминтон һәм спорт гимнастикасы буенча ярышлары 13 июньдә башланачак. Уеннарга билетларны БРИКС Уеннарының рәсми сайтында яки турнирның рәсми партнеры – kassir.ru сайтында сатып алырга була.

Казанда узучы БРИКС Уеннары 2024нең беренче алтын медальләренә синхрон йөзү буенча Россия җыелмасы спортчылары — Светлана Колесниченко һәм Александр Мальцев лаек булды.

Күп тапкыр Олимпия уеннары чемпионы булган Светлана Колесниченко солода, техник программада җиңүгә иреште. Ул 313.69 балл җыйды һәм алтын медаль яулады. Беларусь Республикасы спортчысы Василина Хондошко икенче урынга лаек булды — 296.475 балл, бронза исә Үзбәкстан кызы Диана Онкеста (229.9334).

«Кәеф шәп, ярышларда хисләремне җиткерергә теләдем. Эш көнендә Казанда шулкадәр җанатар булуына, безнең өчен көч биреп торуларына бик шатмын. Мин үземә һәрчак таләпчән, ләкин, өстендә эшләрлек нәрсәләр булса да, чыгышым белән канәгатьмен. Минем өчен иң мөһиме – тренер куйган бурычларны үтәү, чыгышны иң югары дәрәҗәдә күрсәтәсе килә.

Барысының да һәрчак югары дәрәҗәдә оештырылуы һәм һәрчак югары дәрәҗәдә уздырылуы өчен Казанга зур рәхмәт. Казан минем өчен икенче өем кебек», — дип уртаклашты Светлана үз хисләре белән җиңүдән соң.

Дүрт тапкыр дөнья чемпионы булган Александр Мальцев ир-атлар солосы, техник программада иң яхшы нәтиҗә күрсәтте — 267.3216 балл. Ул Таиланд спортчысы Кэнтинан Адисаисирибутрны (209.9967) артта калдырды.

«Чыгыш ясаганда барын да иң югары дәрәҗәдә башкарырга дигән максат куябыз. Беркайчанда теге яки мондый медаль яуларга дигән максат куймыйбыз. Беренче чиратта безнең яхшы чыгыш күрсәтәсебез килә. Җанатарларга синхрон йөзүне яратыгыз дип теләр идем. БРИКС Уеннарында шулкадәр тамашачы күрүемә бик шатмын. Безнең белән булыгыз, бу бәһасез, көч бирә», — дип билгеләп узды Александр.

БРИКС Уеннары кысаларындагы синхрон йөзү ярышлары бүген дуэтлар һәм акробатик төркемнәр белән дәвам итәчәк.

13 июнь көнне Казанда узучы БРИКС Уеннары 2024нең беренче медаль ияләре билгеле булды.

БРИКС Уеннарының беренче медальләрен иртән хатын-кызлар арасында да, ир-атлар арасында да соло, техник программада иң яхшы чыгыш күрсәткән синхрон йөзү буенча Россия җыелмасы яулады.

Светлана Колесниченко Беларусь Республикасы җыелмасы спортчысы Василина Хондошко һәм Үзбәкстан вәкиле Диана Онкесны җиңеп, үзенең бай җиңүләр коллекциясен тагы бер алтын медальгә баетты. Судьялардан иң яхшы билгеләр алган Александр Мальцев Таиланд спортчысы Кэнтинан Адисаисирибутрга караганда күбрәк балл җыйды, һәм ул да БРИКС Уеннары җиңүчесе итеп танылды.

«Безнең ярыш көннәре икәү генә – дөресрәге, рәсми рәвештә, өч, ләкин безнең пар ике көн генә чыгыш ясый. Бу иртәгә безнең ярышлар тәмам дигән сүз. Бер яктан караганда, шатланмый булмый, чөнки ярышлар тиз уза. Ә икенче яктан – Уеннар атмосферасына чумарга өлгермисең.

Казанга «рәхмәт» әйтәсем килә. Мондагы ярышлар, һәрвакыттагыча, иң югары дәрәҗәдә уза, бар да шәп оештырылган. Казан минем өчен – икенче өем, мин монда килергә һәрчак шат. Бик зур рәхмәт!» – диде Светлана Колесниченко.

Колесниченко-Майя Дорошко дуэты 304.0783 балл җыеп, техник программада беренче урын яулады. Икенче урын Беларусь спортчылары Анастасия Добровольская һәм Александра Мирончикта, бронзага исә Корея Халык Демократик Республикасы (КХДР) спортчылары Пак Хён А һәм Юн Кён Рён лаек булдылар. Акробатик төркемдә дә җиңүне Россия синхрончылары яулады – Анастасия Бахтырева, Татьяна Гайдай, Дарья Гелошвили, Екатерина Коссова, Варвара Креопалова, Елизавета Минаева, Елизавета Смирнова һәм Агния Тулупова.

Чемпион кызлар 280,6800 балл җыйды. Икенче урынны Беларусь Республикасы вәкилләре алды – 210,3266 балл. Өченче урын исә Таиландны тәкъдим итүче төркемдә – 204,2334 балл.

Спорт гимнастикасының беренче ярыш көнендә БРИКС Уеннары катнашучылары индивидуаль күп төр ярыш җиңүчесен ачыкладылар. Ир-атлар арасында ике тапкыр Россия чемпионы булган Даниел Мариновка тиңнәр булмады – ул 84,700 балл җыеп, җиңү яулады. Икенче урынны исә аның милләттәше, Олимпия чемпионы Артур Далалоян (79,950 балл) алды, бронзага исә белорус Егор Шарамков (77,950) лаек булды. Олимпия чемпионы Никита Нагорный борысларда чыгыш ясаган вакытта кулын җәрәхәтләде, шуңа күп төр ярыштан төшеп калырга мәҗбүр булды.

«Үзебезнең трибуналарның көч биреп торуы миңа дулкынлануны җиңәргә булышты, ни дисәң дә, бу минем халыкара аренада дебютым, – дип уртаклашты Даниел Маринов. – Бүген иртәнге аштан соң йоклап алып булмады, гәрчә җыеннарда мин һичбер авырлыксыз ятам һәм йокы туйдырам. Ә бүген мин йокламаган да кебек, һәм ике снарядны узганчы мин дулкынландым, йөрәгем еш-еш типте. Бары аркылы борыстан соң гына җиңеллек килде: бөтен артык тир чыкты, бирешмәдем, нык булдым – һәм хәлем яхшырды».

«Уеннар атмосферасы без чыгыш ясаган Олимпия уеннары, Европа фестивальләре атмосферасына да, төрле илләрдән җыелган спортчылар очрашып, халыкара дәрәҗәдә ярышучы Бразилия гимназиадасы атмосферасына да бик охшаган. Алар бер-берсенә бик охшаш дип ышанып әйтә алам, һәм бу бик шәп», – дип билгеләпуздыАртур Далалоян.

Хатын-кызлар күп төр ярышында җиңүче итеп дүрт күнегүдә 56,450 балл җыйган россияле Ләйлә Васильева танылды. Көмешне Россиянең тагы бер вәкиле Анна Калмыкова (56,100 балл) яулады, призерлар өчлеген исә Беларусь Республикасыннан килгән Кира Магаревич (48,750) япты. Спорт гимнастикасының аерым төр буенча ярышлары 14 һәм 15 июнь көнне узачак.

БРИКС Уеннары кысаларындагы самбо ярышларында пәнҗешәмбе көнне 7 медаль комплекты уйнатылды. Хатын-кызлар арасында алтын медальләрне Россия спортчылары Софья Емелюкова (50 кг кадәр) һәм Эльмира Кахраманова (59 кг кадәр), шулай ук Монголия вәкиле Баярмаа Нехиитбаатар (54 кг кадәр) яулады. Ир-атлар арасында Россия спортчылары Павел Иванов (58 кг кадәр), Кирилл Бажин (64 кг кадәр) һәм Даниил Орлов (79 кг кадәр), шулай ук Үзбәкстаннан Убайдилло Муминов (71 кг кадәр) җиңде.

«Бу ярышларда җиңүемә бик шатмын, – дипуртаклашты үз кичерешләре беләнСофья Емелюкова. – Аларның нәкъ менә Россиядә уздырылуына аеруча шатмын. Мин беренче урынга исәп тоттым, БРИКС Уеннарына бертуктамыйча ай ярым әзерләндем, һәм минем бар да килеп чыкты».

Самбо буенча ярышлар 14 июнь көнне тәмамланачак, ул көнне тагын җиде авырлык категориясе призерлары билгеләнәчәк.

БРИКС Уеннары кысаларындагы ушу буенча ярышларның беренче көнендә Саньда дисциплинасының ир-атлар арасындагы (56, 60 һәм 65 кг) 1/8 финал ярышлары узды, шулай ук Таолу дисциплинасында төрле стильләрдәге чыгышлар буенча алты медаль комплекты уйнатылды. Даошу программасында чемпион титулын россияле Сандра Константинова яклады. Наньгуньда «алтынга» Кытай вәкиле Ци Чжоу лаек булды. Тайзцицзянь стилендә исә Россия спортчысы Анастасия Каденова җиңде.

Ир-атлар арасында нәтиҗәләр болайрак: цяншуда – Павел Муратов (Россия), гуньшуда – Чжухан Сюй (Кытай), ә наньдаода Лухао Танг (Кытай) җиңде.

«Россия турнирлары белән чагыштырганда, халыкара ярышларда чыгыш ясау – бөтенләй икенче нәрсә. Безнең федерация Мәскәүдә чемпионатлар уздырырга тырышты, шуңа без формабызны саклый алдык, түбән тәгәрәмәдек, ә өскә күтәрелдек, – дип уртаклашты БРИКС Уеннары җиңүчесе Сандра Константинова. – Хәзер бераз ял итсәң була, ләкин безне иртәгә дә ярышлар көтә, өч көн шулай булачак. Әмма мин бик канәгать. Зур юл үтелде, без бу Уеннарга озак килдек. Дөнья чемпионатында да, Европа чемпионатында да җиңгәнем булса да, эмоцияләр буенча бүгенге ярышлар – иң мөһимнәре».

Пәнҗешәмбе көнне БРИКС Уеннары кысаларында «Тулпар» спорт комплексында авыр атлетика ярышлары башланды. Катнашучылар медальләрне дүрт авырлык категориясендә уйнаттылар.

Хатын-кызлар арасында 49 килограммга кадәрге категориядә Елизавета Жаткина җиңде. Россия чемпионы ыргылу һәм күтәрү суммасы 171 кг булган нәтиҗә күрсәтте. Көмешне аның милләттәше Полина Андреева (162 кг) яулады, пьедесталның өченче урынында исә Венесуэла вәкиле Виктория Назарет Товар Милано (143 кг) урнашты.

59 килограммга кадәрге категориядә җиңүне күнегүләрдә сумма буенча 218 кг җыйган белорус кызы Алина Щепанова яулады. Икенче урынга Россия спортчысы Ольга Тё (212 кг) лаек булды, өченче урынны исә Беларусь Республикасының тагы бер вәкиле Юлия Гулина (198 кг) алды.

Ир-атлар арасында, 61 килограммга кадәрге авырлык категориясендә, Хаидер Султан Пакыстан җыелмасына БРИКС Уеннарының беренче медален китерде. Ул күнегүләрдә сумма буенча 261 кг җыйды. Икенче урынга россияле Олег Мусохранов (260 кг) лаек булды, өченче урында исә аның милләттәше Элкан Гвазава (258 кг) урнашты.

«Мин Уеннарга җиңү максаты белән килдем, көмеш яки бронза турында уйламадым да хәтта, – диде чемпион калганХаидер Султан. – БРИКС Уеннары миңа бик ошады. Көндәшлек бик зур, бар да югары дәрәҗәдә. Казанда чыгыш ясавыма бик шатмын. Бу матур шәһәр, ул миңа бик ошады. БРИКС Уеннарын оештыручыларга да бары җылы сүзләр генә җиткерәсем килә. Бар да искиткеч».

73 килограммга кадәрге категориядә чемпион исеменә 2021 елгы дөнья чемпионатының бронза призеры Зөлфәт Гәрәев лаек булды, ул сумма буенча 336 кг җыйды. Икенче урынны тагы бер Россия вәкиле Сергей Петров (332 кг) алды, бронза исә белорус Вадим Лихорадта (326 кг).

«Өйдә җиңү икеләтә куанычлы. Уңышлы чыгышка өмет иттем, яхшырак нәтиҗә дә күрсәтеп була иде. Ыргылуда куйган рекордтан соң әллә нинди хисләр кичермәдем, чөнки алда тагы бер күтәрү күнегүе бар иде. Ә күтәрүдән соң зур шатлык булды. Бу – быел узучы иң җитди ярышлар. Мин Россиядә шундый ярышлар узуына бик шатмын, күпме ил килгән! Бу минем өчен бик кадерле медаль, мин аны үземнең гаиләмә багышлар идем», – диде Зөлфәт Гәрәев.

БРИКС Уеннарының ишү спортында беренчел ярышлар узды. Ялгыз ишүчеләр ярышында үз төркемнәрендә җиңүне Александр Яковлев (Россия), Мехрожбек Маматкулов (Үзбәкстан) һәм Анастасия Любич (Россия) яулады. Ялгыз ишүнең җиңел авырлык категориясендә җиңүгә Никита Корнеев (Беларусь), Александр Туфанюк (Россия) һәм Анастасия Лебедева (Россия) иреште.

Шулай ук ярышлар рульчесез ике ишүче дисциплинасында да башланды. Хатын-кызлар арасында да, ир-атлар арасында беренчелекне Россия спортчылары яулады, җиңүчеләр исеменә Илья Иванов белән Иван Кладов һәм Марина Рубцова белән Валентина Плаксина парлары лаек булды.

«БРИКС Уеннары – спорт дөньясындагы бик мөһим вакыйга. Күп ил кешеләрен берләштерүче бик әһәмиятле турнир. Мин ишү спортының Уеннар программасында булуына шатмын», – дип уртаклашты Һиндстан спортчысы Пунит Кумар.

БРИКС Уеннарының өстәл теннисы буенча төркемле ярышларында ярымфиналга чыгучылар билгеле булды. Россия җыелмасы спортчылары хатын-кызлар арасында да, ир-атлар арасында да топ-дүртлеккә керә алды. Россиянең теннисчы кызлары Таҗикстан командасын 3-0 исәбе белән җиңде, ә ир-атлар җыелмасы исә коры исәп белән Бәхрәйн командасын отты. Хатын-кызлар разрядында иң яхшылар дүртлегенә шулай ук Һиндстан, Иран һәм Кытай спортчылары керде.

«Хәзер без барыбыз да яхшы формада. Бүген безнең Бразилия белән матч булды. Без бик яхшы нәтиҗәләр күрсәттек. Россия җыелмасы белән очрашу кызык булачак. Тулаем алганда, бар да әйбәт, һәм безгә Казанда бар да ошый», – дип билгеләп узды Иран теннисчысы Элина Рахими.

Ир-атлар арасында ярымфиналга Кытай, Беларусь Республикасы һәм озакка сузылган матчта Һиндстанны 3-2 исәбе белән откан Иран чыкты.

Шулай ук БРИКС Уеннарында теннс белән бадминтон ярышлары да башланды. Катнашучылар төркемнәргә бүленеп, уеннар үткәрделәр, аларның хәлиткеч матчлары әле алда.

«Бар да бик әйбәт, оештыру һәм ярышлар урыны югары дәрәҗәдә. Безгә бик ошый. Казан – истәлекле урыннары күп булган матур һәм чиста шәһәр. Көндәшлек бик җитди. Россия һәм Беларусь спортчылары бик көчле», – дип уртаклашты турнир турындагы фикере белән Әфганстан бадминтончысы Мөхәммәд Саддыйк Баракзаи.

Казанда узучы БРИКС Уеннарында тагы 40 медаль комплекты уйнатылды.

Ишү спорты ярышларының икенче көнендә БРИКС Уеннары спортчылары алты медаль комплекты өчен көрәштеләр. Нәтиҗәдә Россия җыелмасы биш алтын медальгә баеды. Ялгыз ярышларның җиңел авырлык категориясендә Наталья Гужинова җиңсә, гади авырлык категориясендә Кира Ювченко җиңү яулады, ә рульчесез парлар арасында иң яхшылар исеменә Валентина Плаксина белән Марина Рубцова лаек булды. Ир-атлар арасында ялгыз ярышларда Александр Яковлев җиңде, ә рульчесез парлы ярышларда алтынны Илья Иванов белән Иван Кладов яулады. Ялгыз ярышларның җиңел авырлык категориясендә җиңүгә Беларусь спортчысы Никита Корнеев иреште.

«Җиңү һәрчак рәхәт, мин алтынга бик шат, әлбәттә. Тик «мондый нәтиҗә булачак» дип сирәк фараз кылам. Бүген стартка бары «үземнең яхшы эшемне күрсәтергә» дигән уй белән генә чыктым. Минем килеп чыкты, мин канәгать.

Мин мондый масштабтагы ярышлар оештырылуына бик шат. Аларда катнашуым белән бик горурланам. Бу көннәрдә, бу сәгатьтә янәшәмдәге барлык кешеләргә, шул исәптән көндәшләремә дә зур хөрмәт белән карыйм. Бу медаль миңа беренче чиратта шунысы белән мөһим – бу мондый Уеннарның әлеге төрендә беренче алтын медаль. Бу аеруча кыйммәтле. Һәрбер медаль – спортчы белән бергә хезмәт куючы тулы бер команда эшенең нәтиҗәсе ул», – дип белдерде Кира Ювченко.

БРИКС Уеннарында беренче медальләр каратэда да уйнатылды. «Санкт-Петербург» волейбол үзәгендә уннарча җитди көрәш узды, кайбер очрашуларның нәтиҗәләре чын мәгънәсендә диярлек соңгы секундларда хәл ителде. Көрәш шундый киеренке һәм тигез барды, шуңа алтын медальләрнең барысы да төрле ил спортчыларына эләкте – хәтта уен көне эчендә ике медаль яулаучы булмады.

«Ката» дисциплинасында алтынны Бразилия спортчысы Ёнамине Мота Николь Хелена яулады. Икенче урынга Кытай кызы Ляо Илинь лаек булды, бронзаны исә Беларусь спортчысы Виктория Руденченко һәм тагы бер Кытай вәкиле Тао Ивей бүлеште.

Күк асты иле спортчысы Се Юй 50 кг авырлык категориясендә алтын медаль яулады. Финалда ул Үзбәкстан данын яклаучы Гульшан Алимарданованы җиңде. Бронза медальләргә исә Россия каратэчылары Айгөл Садыйкова һәм Анастасия Разумных лаек булды. 55 кг авырлык категориясендә БРИКС Уеннары чемпионы булып Азәрбәйҗан спортчысы Мәдинә Садигова танылды, ул финал ярышта Хоу Цзюиннан (Кытай) көчлерәк булып чыкты. Бронзаны Казахстан кызы Мәдинә Алиманова һәм Россия вәкиле Озода Нуридинова бүлеште.

Ир-атлар арасында, 60 кг авырлык категориясендә алтынны Мехриддин Турахонов (Үзбәкстан) яулады. Киеренке, тигез диярлек көрәштә ул Жоламан Бигабылны (Казахстан) җиңде. Өченче урын исә россияле Юрик Оганесян һәм серб Павел Дуйаковицта.

«Бу минем комплекслы ярышларда яулаган беренче медалем. Ул минем өчен бик әһәмиятле, – дип уртаклашты Мехриддин Турахонов. – Мин бик каты тырышып әзерләндем, бары җиңүгә генә исәп тоттым. Казахстан, күршеләребез белән, бик еш ярышабыз. Бу юлы без җиңдек. Беренче чиратта, мин алтын медалемне туган ягым Үзбәкстанга багышлыйм. Шулай ук минем әти-әниемә һәм хәзергә җәрәхәтләнгән һәм шуңа ярышларда катнаша алмаган якын дустыма. Тулаем алганда, ярышларның оештырылу дәрәҗәсе миндә зур тәэсир калдырды. Катнашучы илләр саны, әзерлек гаҗәпкә калдыра. Бик нык әзерләнгәннәре күренә. Бик зур рәхмәт!»

67 кг авырлык категориясендә җиңүгә Әрмәнстан спортчысы Сурен Харутюнян иреште, ул финал ярышта россияле Сергей Спицыннан көчлерәк булып чыкты. Өченче урынны Нурланбек Уулу Калыс (Кыргызстан) һәм Мухаммадабдулазиз Ходжакулов (Үзбәкстан) бүлеште.

Соңгы, 75 кг авырлык категориясендә БРИКС Уеннары чемпионы исеменә россияле Эрнест Шәрәфетдинов лаек булды. Финалда ул Беларусьтан килгән Дэвид Нгуенны җиңде. Бронзаны исә Казахстан спортчысы Назим Нурланов һәм Үзбәкстан спортчысы Дастонбек Отаболаев алды.

«Минем өчен бу медаль бик мөһим, чөнки узган ярышлар минем өчен уңышлы тәмамланмады, һәм алтын, кем әйтмешли, узган уңышсызлыкларым өчен әҗер булды, – дип сөйләде Эрнест Шәрәфетдинов аңа җиңү китергән очрашудан соң. – Көндәшлек бик югары. Төрле континентлардан килгәннәр. Тагы бер кабатлыйм, ярышларның масштабы таң калдыргыч. Җиңүемне минем өчен җан аткан, борчылган барлык Россия җанатарларына багышлыйм. Шулай ук әнигә, үземнең шәһәрем Казанга».

БРИКС Уеннарының ушу буенча ярышларында алты медаль комплекты уйнатылды. Һәм кабат өчәр «алтын» Россия һәм Кытайга китте – әлегә бу спорт төрендә әлеге илләр хисабында ике ярыш көне нәтиҗәләре буенча алтышар беренче урын. Алда тагы киеренке ике көн.

Спортчылар бер-берсе белән чирекфиналда очрашкан арада, ир-атлар һәм хатын-кызлар арасында өч дисциплинада финал чыгышлар узды. Цзяншуда иң көчле спортчы исеменә россияле Аксинья Щукина лаек булды, ул меңнән биш баллга Иран спортчысы Захра Кианидан көчлерәк булып чыкты. Бронзаны исә Бразилия данын яклаучы Мишель Сильва Дос Сантос алды.

Наньдао Россия спортчылары беренче өчлеккә кермәгән бердәнбер дисциплина булып чыкты. Алтынны Кытай спортчысы Ян Цзеся яулады, икенче урынга Үзбәкстан вәкиле Дарья Латшева лаек булды, бронзаны исә Ираннан килгән Назанин Баздар алды.

Быелгы БРИКС Уеннарында икенче алтынын Сандра Константинова гуньшуда яулады (кичә ул даошу ярышларында җиңгән иде). Көмеш тагы бер Россия спортчысы Анна Леоновага эләкте, бронза исә Кытай кызы Цю Синьюэга китте.

Тайци цзянь стиленең ир-атлар арасындагы ярышларында иң көчле спортчы булып Кытайдан килгән Леи Ли танылды. Аның төп көндәше россияле Иван Краснобаев иде, нәтиҗәдә ул көмеш медальгә лаек булды, ә бронзаны тагы бер Күк асты иле вәкиле Дачанг Ли яулады.

Ә менә чанцюаньда беренче ике урынны россиялеләр алды – Кирилл Зуи Бондаренко меңнән ун баллга Павел Муратовны артта калдырды. Шунысы кызык, бер көн алданрак Кирилл – көмеш, ә Павел алтын медаль алган иде. Россиялеләрдән соң пьедесталда Иран спортчысы Хоссеин Гебленамай Могадам урнашты.

Наньцюань стилендә исә җиңүгә Кытай спортчысы Чжан Ченкай иреште. Көмешкә иранлы Шахин Баниталеби лаек булса, бронзаны россияле Камил Халилюлин алды.

БРИКС Уеннары кысаларында «Ак Барс» көрәш сараенда самбо буенча финал ярышлар узды. Соңгы ярыш көнендә 7 медаль комплекты уйнатылды.

88 килограммга кадәрге категориядә ир-атлар арасында алтын медальне россияле Аслан Абазов яулады. Финалда ул 2023 елгы дөнья чемпионы, Кыргызстан спортчысы Жамалбек Асылбек Уулудан көчлерәк булып чыкты. Тагы бер Россия самбочысы Кирилл Князьков 98 килограммга кадәрге авырлык категориясендә җиңүгә иреште.

«БРИКС Уеннары – зур халыкара ярышлар, көндәшлек бик югары иде. Җиңел алышлар булмады, һәрбер җиңүгә зур авырлык белән ирешелде. Шуңа үз чыгышымнан зур шатлык тоям», – дип билгеләп узды Кирилл Князьков.

Россиягә тагы бер алтын медальне 98 килограммнан артык авырлык категориясендә үзбәк спортчысы Нурбәк Нураевны җиңгән Степан Солдатенков китерде.

Хатын-кызлар арасында 65 килограммга кадәрге авырлык категориясендә Беларусь Республикасы самбочысы Даниэла Ждан җиңде.

«Мин һәрчак беренче урынга гына исәп тотам. Минем өчен һәрбер җиңү зур әһәмияткә ия. Безнең Казанга беренче килүебез түгел, бу ачык йөзле халыклы, бик кунакчыл шәһәр. Спортчылар өчен бар да мөмкин кадәр уңайлы итеп оештырылган», – диде Даниэла.

Россия җыелмасының медальләр коллекциясен тагын бер алтын медальгә Евгения Чиреш баетты, ул 72 килограммга кадәрге авырлык категориясендә финалда Анжела Жилинскаяны (Беларусь Республикасы) җиңде. 80 килограммга кадәрге авырлык категориясендә алтын Ольга Михеевада (Россия), ә 80 кг авырлык категориясендә иң яхшы спортчы исеменә Беларусь Республикасы вәкиле Карина Шут лаек булды.

Җомга көнне Су спорт төрләре сараенда синхрон йөзү буенча ярышларда биш медаль комплекты уйнатылды. Берьюлы ике алтын медальне Александр Мальцев яулады. Россия спортчысы соло ярышта, ирекле программада һәм Майя Гурбанбердиева белән микст-дуэтта техник программада җиңде. Әллә ничә титул яулаган данлыклы синхрончылар катнаш парлар ярышларында 261,7983 балл җыеп, Үзбәкстаннан килгән Анна Ващенко һәм Вячеслав Рудневны (188,5133), шулай ук Казахстан вәкилләре Ясминә Исламова һәм Алдияр Рамазановны (183,5267) артта калдырдылар.

«Бездә аңлатып булмаслык кичерешләр, чөнки пар буларак әле күптән түгел генә чыгыш ясый башладык, – дип уртаклашты көмеш призер Анна Ващенко. – Җиңел булмаган эш мизгелләре булды инде, ләкин аларны җиңеп, медаль яулый алуыбыз искиткеч шәп!»

Хатын-кыз дуэтлары арасында ирекле программада, кичәге техник программадагы кебек, Светлана Колесниченко белән Майя Дорошкога тиңнәр булмады. Россия җыелмасы лидерлары үз чыгышлары өчен 310,9737 балл алды. Көмешне белорус кызлары Валерия Волосач белән Маргарита Кирилюк (215,4473) яулады, өченче урынга Таиланд вәкилләре Супичия Сонпан һәм Понгимпон Понгсуван (168,6500) лаек булды.

Хатын-кызлар арасында солода, ирекле программада беренчелекне 288,8397 балл җыйган Беларусь Республикасы спортчысы Василина Хондошка яулады. Токиода узган Олимпия уеннары катнашучысы һәм дөнья чемпионатының бронза призеры алтын өчен көрәштә юниорларда чыгыш ясаучы Александра Кузнецовадан (274,4105) һәм Казахстан вәкиле Полина Мерзляковадан (204,0460) өстен калды.

«Мин Василинага шундый сокланам. Ул бу спортта миңа караганда озаграк, – дип белдердеАлександра Кузнецова. – Ләкин бар да гадел, бар да тиешенчә. Үз өстемдә эшләячәкмен!»

«Бу бик яхшы нәтиҗә! Нәрсә өчен эшләдек, шуны алдык та! – дип белдерде Василина Хондошка. – Кузнецованың сүзләре? Мондый сүзләрне ишетү бик рәхәт. Ләкин мин алай дип әйтә алмыйм. Старт алдыннан барыбыз да тигез, алда ничек буласын беркем белми. Әмма бүген шулай килеп чыкты. Александра – көчле солист һәм лаеклы көндәш».

Ярыш көне Россия җыелмасының техник программада җиңүе белән тәмамланды. Команда өчен Анна Андрианова, Анастасия Бахтырева, Екатерина Коссова, Варвара Креопалова, Елизавета Минаева, Эвелина Симонова, Елизавета Смирнова һәм Агния Тулупова чыгыш ясады. Җиңүче кызларның нәтиҗәләре 341,7363 баллга тигез иде. Көмешне 273,2816 балл җыйган Корея Халык Демократик Республикасы (КХДР) вәкилләре яуласа, өченче урынны Беларусь командасы синхрончылары алды (260,5641).

Җомга көнне БРИКС Уеннарының спорт гимнастикасы буенча ярышларында аерым дисциплиналарда биш медаль комплекты ияләре билгеле булды.

Ир-атлар арасында ирекле күнегүләрдә алтын медальне белорус Егор Шарамков яулады. Ул Россиянең Олимпия чемпионы Никита Нагорный (14,133) һәм милләттәше Ярослав Крутовны (13,966) артта калдырып, 14,933 балл алды.

«Чыгыштан соң кәефем бик әйбәт, күтәренке. Мин бүгенге көн нәтиҗәсе белән канәгатьмен, – дип белдердеЕгор Шарамков. – Минем Казанда Россия чемпионатында булганым бар иде, монда бар да бик яхшы оештырылган. Миңа ошады».

Россия гимнасты Владислав Поляшов 14,566 балл җыеп, аттагы күнегүләрдә җиңү яулады. Көмеш медальгә Казахстан вәкиле Диас Тойшыбек (14,366) лаек булды, бронзаны Монголия спортчысы Энхтувшин Дамдиндорж (13,866) алды. Олимпия чемпионы Давид Белявскийга исә дүртенче урын белән генә канәгатьләнергә туры килде (13,033).

Россиянең тагы бер Олимпия чемпионы Артур Далалоян 13,733 балл җыеп, боҗралардагы ярышларда икенче урынны яулады. Аны Төркия гимнасты Юнус Эмре Гундогду (13,766) уза алды. Кичә индивидуаль күп төр ярышта җиңү яулаган Россия спортчысы Даниел Маринов исә өченче урында урнашты (13,066).

Турнирның хатын-кызлар өлешендә Олимпиада чемпионы Ангелина Мельникова ике медаль яулады. Россия спортчысы 14,766 балл җыеп, борыслардагы күнегүләрдә җиңде һәм милләттәше Ләйлә Васильева (14,666) белән белорус кызы Елена Титовецны (14,233) артта калдырып, пьедесталның иң югары баскычына менде. Таянып сикерүдә җиңүгә 13,500 балл җыйган Анна Калмыкова иреште. Мельникова (13,466) икенче урынны алды, өченче урында исә Үзбәкстан кызы Жасмина Мәхмүдова (12,616) урнашты.

Бокс һәм өстәл теннисы үзәгендә өстәл теннисының командалы ярышларында хәлиткеч матчлар узды.

Ир-атлар арасындагы ярымфиналда Россия җыелмасы ышанычлы рәвештә 3:0 исәбе белән Беларусьны җиңде, ә Кытай теннисчылары Иран җыелмасыннан көчлерәк булып чыкты – 3:1. БРИКС Уеннарының финалында, гомуми вакыты дүрттән артык сәгать тәшкил иткән драматик көрәштә, Россия 3:2 исәбе белән Кытай җыелмасын җиңде һәм алтын медальләр яулады.

«Тамашачылар булышты, безнең өчен җан атучыларның барысына да рәхмәт. Гадәттә мондый авыр матчларда тамашачылар ара, тик бүген тамашачылар безгә ахыргача көч биреп торды. Бу ахыргача көрәшерлек көч бирә», – дип уртаклашты үзенең хисләре белән Кытай белән Россия арасындагы финал ярышның геройларының берсе, финалның хәлиткеч бишенче матчында җиңү яулаган Владимир Сидоренко.

Хатын-кызлар разрядында Россия җыелмасы индивидуаль матчларның һәрберсендә җиңде һәм Иранны коры исәп – 3:0 исәбе белән отты. Ә Кытай Һиндстаннан көчлерәк булып чыкты – 3:1.

Финалда Россия җыелмасы ышанычлы рәвештә җиңү яулады. Кытай бер индивидуаль ярышта та җиңә алмады һәм БРИКС Уеннарының көмеш медальләренә лаек булды – ярыш Россия кызлары файдасына 3:0 исәбе белән тәмамланды.

«Без бер команда идек, үзебезне җиңәрбез дип ышандырдык, бик тә туган җиребез Россиядә җиңәсе килде. Мин бик бәхетле, без барыбыз да бәхетле. Җанатарлар, сез супер, рәхмәт сезгә!» – дип уртаклашты матчтан соң үзенең кичерешләре белән өстәл теннисы буенча Россиянең хатын-кызлар җыелмасы уенчысы Элизабет Абраамян.

Җомга көнне «Тулпар» спорт комплексында БРИКС Уеннары кысаларында авыр атлетика буенча ярышлар дәвам итте. Катнашучылар медальләрне өч авырлык категориясендә уйнаттылар.

Хатын-кызлар арасында 71 килограммга кадәрге категориядә 230 кг (ике күнегү суммасы буенча) нәтиҗә күрсәткән Россия спортчысы Зарина Гусалова җиңде. Көмеш һәм бронзаны Беларусь вәкилләре Диана Мойсеевич (217 кг) һәм Полина Погуляева (216 кг) яулады.

«Җиңүдән алган тәэсирләр бик әйбәт. Ярышлар югары дәрәҗәдә уза. Бар да ошый, бар да яңа. Бу чыгышка бик озак әзерләндек, бу минем өчен бик мөһим медаль. Әлеге Уеннар – быел уздырылучы иң төп стартларның берсе. Бөтен җиңүләремне дә үземнең тренерыма багышлыйм. Ул һәрчак янәшә, һәрчак янымда. Бу җиңү минеке генә түгел, аныкы да. Җиңүемне аңа да, әти-әниемә дә багышлыйм.

Бер айдан соң бездә Россия чемпионаты, аңа әзерләнәчәкмен һәм тагы да яхшырак нәтиҗә күрсәтергә тырышачакмын. Ә иртәгә Казанны карарга барачакмын. Бу бик матур шәһәр, ул миңа ошый», – диде 71 килограммга кадәрге категориядә чемпион калган Зарина Гусалова.

81 килограммга кадәрге категориядә җиңүгә күнегүләрдә 249 кг җыйган белорус кызы Дарья Наумова иреште. Икенче урынны россияле Мария Груздова (245 кг) яуласа, өченче урынны тагы бер Россия вәкиле Дарья Ахмерова (241 кг) алды.

Ярышларның ир-атлар өлешендә медальләр 89 килограммга кадәрге категориядә уйнатылды. Күнегүләр суммасы буенча җиңүне россияле Артём Окулов яулады (ике күнегү буенча сумма 362 кг). Икенче урынны Беларусьтан Юлиан Курлович (360 кг) алды, лидерлар өчлеген Михаил Подкорытов (320 кг) япты.

Казан теннис академиясендә теннис буенча командалы ярышлар матчлары уза. Алда әле тагы ике ярыш көне, аларның кысаларында җыелмалар бер-берсе белән төркем этабында уйнаячак.

«Уеннардан алган тәэсирләр бик әйбәт, чара югары дәрәҗәдә оештырылган. Мин биредә, Казанда беренче тапкыр, һәм монда бик матур. Халкы әйбәт, кунакчыл, миңа барысы да ошый. Соңгы уеныма килгәндә, ул бик яхшы үтте, үз-үземнән канәгатьмен. Безнең җыелманың киләсе уеннарга максаты һәм бурычлары, әлбәттә, җиңү, төркемнән плей-оффка чыгу, ә аннары, язган булса, югарырак урын яулау, чөнки, ни дисәң дә, монда көндәшлек зур. Иң көчле командалар җыелган», – дип уртаклашты матч нәтиҗәләре буенча үз фикере белән теннис буенча Таҗикстан җыелмасы уенчысы Косими Ахмадджон.

Бадминтон үзәгендә бадминтон буенча ялгыз разрядта ⅛ һәм ¼ финал уеннары узды.

Берьюлы өч россияле – Сергей Сирант, Владислав Добычкин һәм Артур Печенкин Әфганстан, Беларусь һәм Сүрия Гарәп Республикасыннан килгән көндәшләрен җиңеп, ир-атлар арасында БРИКС уеннарының ярымфинал стадиясенә чыкты. Дүртенче ярымфиналист исеменә бразилияле Велтон Жувенал Менезис лаек булды.

Җиңүләр Россия бадминтончыларын парлы һәм катнаш разрядларның төркем этабы матчларында да көтә иде, алар партияләр буенча 2:0 исәбе белән Бразилия, Буркина-Фасо, Сүрия Гарәп Республикасы һәм Беларусь бадминтончыларын җиңде.

Шимбә көнне БРИКС Уеннарының спорт гимнастикасы буенча ярышлары тәмамланды. Спортчылар аерым дисциплиналарда тамашачыларга катлаулы техник элементларны төгәл итеп башкарып күрсәттеләр һәм биш медаль комплекты уйнаттылар.

Ир-атлар арасында таянып сикерүдә җиңүне милләттәше Даниел Мариновны узган Олимпия чемпионы Никита Нагорный яулады. Әмма Татарстанның талантлы спортчысы борысларда иң яхшы чыгыш күрсәтеп, БРИКС Уеннарының тагы бер медален алды. Аркылы борыста җиңүгә Сергей Найдин (Россия) иреште.

Хатын-кызлар арасында бүрәнәдә иң яхшы нәтиҗәне Мария Агафонова (Россия) күрсәтсә, ирекле күнегүләрдә тагы бер Россия спортчысы Анна Калмыковага тиңнәр булмады.

Ярышлар тәмамлангач, Нагорный һәм Маринов җанатарлар өчен автограф-сессия уздырдылар һәм көч биреп торганнары өчен аларга рәхмәт белдерделәр.

«Безнең белән булганыгыз өчен рәхмәт. Сезнең барлыгыгыз безнең өчен бик мөһим. Гимнастиканы, Даниел Маринов кебек талантлы спортчыларны күзәтеп баруыгызны дәвам итәрсез дип өметләнәм. Рәхмәт сезгә!» – дип мөрәҗәгать итте тамашачыларга Никита Нагорный.

БРИКС Уеннарының синхрон йөзү буенча ярышларының соңгы көне Россия җыелмасына тагы ике алтын медаль китерде. Микст-дуэтлар арасында җиңүне Олеся Платонова белән Александр Мальцев яулады, алар Таиланд һәм Үзбәкстан спортчыларыннан өстен калды. Бу – Мальцевның Казанда узучы БРИКС Уеннарында яулаган дүртенче алтыны.

Төркемнәр арасындагы ирекле программада җиңүне Россиянең юниорлар җыелмасы яулады. Команда өчен Алена Бакай, Елизавета Бренер, Ксения Ефимова, Александра Кузнецова, Александра Кленина, Алина Румянцева, Александра Шмидт һәм Ольга Тютюник чыгыш ясады, аларның чыгышларын судьялар 396,0988 баллга бәяләде. Икенче урын КХДР җыелмасында (293,6501), өченче урынны Беларусь командасы (293,1792) алды.

«Төркемебез чыгышының катлаулыгы бар иде, һәм шуның хисабына шундый баллар алып булды. БРИКС Уеннарында без бар көчебезне куйдык. Бу – безнең иң яхшы чыгышларның берсе иде. Уеннардагы атмосфера безгә бик ошый, биредә чит ил спортчылары күп. Дулкынлану булды, тик без нәрсә эшли алганыбызны беләбез», – дип сөйләде Россия җыелмасы спортчысы Алена Бакай.

Үзәк стадионда БРИКС Уеннары программасының иң мавыктыргыч һәм иң күп медальле төрләренең берсе – җиңел атлетика башланды. Беренче көнне әлеге дисциплинада 21 медаль комплекты уйнатылды.

Ир-атлар арасында алтын медальләрне Россия спортчылары Данила Тен (100 метрга йөгерү), Савелий Савлуков (400 метрга йөгерү), Владимир Никитин (5000 метрга йөгерү), Федор Иванов (400 метрга каршылыклар аша йөгерү), Валерий Пронкин (чүкеч ыргыту), Данил Лысенко (биеклеккә сикерү), Артем Чермошанский (озынлыкка сикерү), Вячеслав Скудный (1500 метрга йөгерү), шулай ук белорус Олег Томашевич (ядрә ыргыту) яулады. Моннан тыш, Россиянең ир-атлар җыелмасы 4х100 м эстафетасында җиңүгә иреште.

«Минем ярышларда зур тәнәфес булып алды, һәм БРИКС Уеннары ярышлар атмосферасын искә төшерү мөмкинлеген бирә. Миңа бу яшүсмерләр Олимпиадасын хәтерләтә – Олимпия авылы буйлап барасың һәм кайдадыр музыка уйный», – диде биеклеккә сикерүче Данил Лысенко.

Хатын-кызлар арасында җиңүне Россия спортчылары Полина Кнороз (колга белән сикерү), Кристина Макаренко (100 метрга йөгерү), Эмилия Тангара ( 400 метрга киртәләр аша йөгерү), Рәйхан Каграманова (10000 метрга йөрү), Полина Ткалич (400 метрга йөгерү), Виолетта Игнатьева (диск ыргыту), Мария Прохорец (800 метрга йөгерү), Екатерина Ивонина (3000 метрга киртәләр аша йөгерү), шулай белорус кызлары Виолетта Скворцова (өчле сикерү) һәм Татьяна Холодович (сөңге ыргыту) яулады. 4х100 метр эстафетасында Беларусьның хатын-кызлар җыелмасы җиңде. Шунысы кызык, сезонның дөнья буенча иң яхшы нәтиҗәсен Каграманова күрсәтте – 41:57.800.

«Җиңәргә дигән максат куйдым. Бездә көндәшлек бик югары, һәм мин беренче урынның дөнья буенча иң яхшы сезон нәтиҗәсе булачагын белдем. Без бик күп хезмәт куйдык. Дөньяда беркем дә болай эшләмидер, мөгаен», – дип билгеләп узды Рәйхан Каграманова.

Бадминтон ярышларының бөтен разрядларында да финалистлар билгеле булды. Биш финал да якшәмбе көнне Бадминтон үзәгендә узачак, шунысы кызык, анда бары Россия спортчылары гына катнашачак. 12.00 дә кортка микстта Глеб Светлаков/Алинә Дәүләтова һәм Владислав Добычкин/Мария Голубева чыгачак, аннары ир-атлар финалында Сергей Сирант белән Артур Печенкин очрашачак, ә хатын-кызлар арасында алтын өчен Евгения Косецкая белән Мария Голубева көрәшәчәк. Парлы разрядта Артур Печенкин/Глеб Степаков пары Павел Монич/Сергей Сирант дуэты, ә Алинә Дәүләтова/Евгения Косецкая пары Дарья Харлампович/Галина Лисочкина белән алышачак.

«Бүген бик дулкынландыргыч көн булды, беренче уен мин теләгәнчә бармады. Бу әти-әнием һәм миңа монда көч биреп торган җанатарлар алдындагы җаваплылык аркасында дип уйлыйм. Шулай да мин уенны үз файдама бора алдым һәм матчта җиңдем.

Мин ир-атларның ялгыз разрядтагы уеннарын да карадым, бүген махсус иртәрәк килдем. Бразилиядән ир-атларның да, хатын-кызларның да бик көчле җыелмасы килгән, мин моны аларның бер спортчылары белән уйнагач бик яхшы аңладым. Шулай ук Сирия Гарәп Республикасы җыелмасын билгеләп үтәр идем, бу ил спортчысы бик тырышты һәм миңа азмы-күпме кыенлык тудырды», – дип уртаклашты үз кичерешләре белән Мария Голубева.

15 июнь көнне «Санкт-Петербург» волейбол үзәгендә БРИКС Уеннарының каратэ ярышлары тәмамланды. Икенче һәм соңгы көнне алты медаль комплекты уйнатылды. Һәм һәрбер финалда, ким дигәндә, бер Россия вәкиле чыгыш ясады. Тулырак – безнең материалда.

68 кг авырлык категориясендә беренче ике урынны Россия спортчылары алды – финалда Александра Мешкова Анна Кудрявцеваны җиңде. Шунысы кызык, бу Александраның туган көнендә булды. «Бу, беренче чиратта, үзем, якыннарым, минем өчен өчен җан аткан, миңа көч биреп торган һәркем өчен бүләк. Мондый көнне, үземнең туган көнемдә, бер дә җиңеләсе килми. Минем өчен бу бик зур әһәмияткә ия җиңү, – дип уртаклашты БРИКС Уеннары чемпионы. – Монда гаять зур көндәшлек. Бар дөньядан үзләрен яхшы күрсәткән лаеклы спортчылар килгән, ләкин мин безнең җыелмабыз, безнең нәтиҗәбез өчен бик шатмын, без булдырдык, барын да уза алдык», – диде Александра.

61 кг авырлык категориясендә Россия спортчысы Алтана Басангова Кытай кызы Гун Лига каршы көрәште, ләкин оттырды һәм нәтиҗәдә көмеш медаль алды.

68 килограммнан артык авырлык категориясендә Бразилия вәкиле Падилья Перейра Бренда финалда россияле Сунита Хәлимованы җиңде.

Ката дисциплинасында алтынга дәгъва кылучы ир-атлар арасында россияле Варишан Бакиров та бар иде, ләкин ул Кытай вәкиленә оттырды. «Тренерларыма рәхмәт. Без җыеннарның биш этабын үттек, безнең белән сабыр булганнары, безнең өчен куйган көчләре өчен рәхмәт аларга. Шулай ук әти-әниемә дә рәхмәт әйтәсем килә. Алардан башка бу уңыш булмас иде», – дип сөйләде Варишан турнир тәмамлангач.

84 кг авырлык категориясе ярышларында БРИКС Уеннары чемпионы исеменә россияле Эдуард Гаспарян лаек булды. Ул финалда Беларусьтан килгән Никита Кириевичны җиңде. «Көндәшлек шактый җитди. Мин дүрт көчле алыш уздым, финалга җиттем, финалның соңгы секундларында җиңүгә ирештем, – дип уртаклашты Эдуард. – Җиңүемне әтием, тренерым Артёму Гаспарянга һәм әнием Алёна Гаспарянга багышлыйсым килә. Рәхмәт сезгә, якыннарым».

84 килограммнан артык авырлык категориясендәге финал да россияле һәм белорус арасында узды – нәтиҗәдә җиңүне милләттәшебез Александр Пшеницын яулады.



БРИКС Уеннары нәтиҗәләре буенча Россия каратэчылары дүрт алтын медаль, биш көмеш һәм биш бронза медаль яуладылар. Кытай өч алтын, ике көмеш һәм дүрт бронза алды. Үзбәкстанның 1-1-5. Бразилия хисабында ике алтын һәм бер бронза.

Баскетбол күп төр ярышының беренче көнендә төркем этабының беренче җиде уены узды. А төркемендә Сербия Республикасы башта киеренке көрәштә Бразилия җыелмасына 18:21 исәбе белән оттырды, ә аннары 23:16 исәбе белән Берләшкән Гарәп Әмирлекләре командасын җиңде.

«Уен авыррак бирелде. Без цифрлы этапта җиңелдек, һәм баскетбол мәйданчыгында ун баллга калышуны бетерүне авыр булды. Нәтиҗәдә уен ахырына кадәр ун секунд кала нибары ике-өч балл җитмәде. Бразилия командасын бу җиңүләре белән котлыйм, – дип уртаклашты Серб Республикасы уенчысы Александр Иветич. – Миңа БРИКС Уеннарының оештырылу дәрәҗәсе ошый. Аеруча баскетбол мәйданчыгын яратам, чөнки бу Казан УНИКСының өе, мин аларның матчларын һәр пәнҗешәмбе кич карап барам. Монда булу рәхәтлек бирә».

Үзбәкстан җыелмасы ике уңышлы нәтиҗә күрсәтте: Берләшкән Гарәп Әмирлекләренә каршы – 21:19 һәм Кубага каршы – 28:17. Бу җиңүләр Үзбәкстанга беренче көнне төркем лидерына әйләнергә ярдәм итте.

Б төркемендә иң саллы нәтиҗәне Россия җыелмасы күрсәтте: алар Абхазиядән килгән көндәшләрен шактый зур аерма – 55:12 исәбе белән җиңде. Колумбиягә каршы дебют матчында Әрмәнстан ышанычлы җиңү яулады – 36:18, ләкин киләсе матчта, Беларуська каршы тигез көрәштә, ул бирелергә мәҗбүр булды. Шулай итеп, Б төркемендә беркемдә дә бердән артык җиңү юк.

БРИКС Уеннары кысаларындагы академик ишү ярышларының өченче көне Россия өчен уңышлы булды – аның спортчылары алты алтын медальгә лаек булды. Беренче җиңүне ике ишкәкле парлы ишүчеләр арасында, җиңел авырлыкта Александр Туфанюк белән Юрий Щелоков яулады – алар Беларусьтан килгән көндәшләреннән ике секундка җитезрәк булып чыкты. «Оештыру дәрәҗәсе һәрвакыттагыча югары, Казан бу мәсьәләдә – №1. Киләчәктә монда Олимпия уеннары узса, мин бер дә гаҗәпләнмәячәкмен, әлеге Уеннарның дәрәҗәсе Олимпиаданыкы белән чагыштырырлык, – дип уртаклашты чемпионнар. – Мондый ярышларда җиңү күңелгә рәхәтлек бирә. Кичә безгә көмеш һәм бронза белән генә канәгатьләнергә туры килде, бүген кичә ычкындырган уңышны койрыгыннан эләктереп аласы һәм алтын белән кайтасы килде. Шулай килеп чыгуына шатбыз».

Икенче җиңүне Россия җыелмасы рульчесез дүрт ишүче дисциплинасында яулады. Җиңүгә Алексей Воробьев, Илья Иванов, Иван Кладов һәм Роман Ломачев иреште. Алар да Беларусь спортчыларыннан ике секундка җитезрәк булып чыктылар. «Кичә подиумда парлы ишкәкләр белән басып тордык, узышлар яхшы булды, көндәшлек зур, мондый һава торышы өчен барысы да яхшы вакыт күрсәтә, әйбәт көрәш. Илебез һәм безнең өчен җан аткан кешеләр өчен яуланган теләсә кайсы җиңү кебек, бу медаль дә мөһим, әлбәттә», – дип сөйләде җиңүчеләр.

Соңрак ике ишкәкле парлы ишүчеләр арасында тигез көрәштә Анастасия Любич белән Кира Ювченко Казахстан җыелмасын уннан алты секундка узды. Җиңел авырлыктагы ике ишкәкле парлы ишүчеләр арасында ышанычлы рәвештә Наталья Гужинова белән Анастасия Лебедева җиңде. Ике ишкәкле парлы ишүчеләр арасындагы тагы бер алтын медаль – Антон Васин белән Максим Жевлаченкода. Һәм, ниһаять, рульчесез дүрт ишүче узышларында барысыннан да тизрәк Валентина Плаксина, Марина Рубцова, Екатерина Глазкова һәм Екатерина Севостьянова йөзеп узды.

БРИКС Уеннарындагы өстәл теннисының командалы ярышлары финаллары тәмамланганнан соң, ир-атлар һәм хатын-кызлар арасында ялгыз разряд турнирлары башланды. Бүген 1/16 финал уеннар узды, аларның нәтиҗәләре буенча киләсе этапка 9 Россия теннисчысы, шулай ук Кытай, Һиндстан, Беларусь, Венесуэла һәм Иран спортчылары чыкты.

«Минем өчен беренче матч шактый җиңел бирелде. Ә икенчесе, Венесуэладан килгән көндәшемә каршысы, киеренкерәк узды. Ул катлаулы туплар җибәргәләде, ә мин, әйтерсең лә, уянмаган төсле идем, эләктерә алмадым. Безнең җыелма алтын яулый алган командалы ярышлардан соң, уен темпына кереп киткән идем, әмма мин анда ике көн эчендә нибары бер индивидуаль очрашу гына үткәрдем. Кичә бик нык борчылдым, дулкынландым, бар да мактауга лаек.

Плей-оффта билгеле бер көндәшне дә көтмим, барысына да тигез дәрәҗәдә әзерләнергә кирәк», – дип билгеләп узды Россия җыелмасы спортчысы Влада Воронина.

Авыр атлетика ярышларының соңгы көнендә Россия спортчылары өч алтын медаль яулады. Георгий Купцов 102 кг авырлык категориясендә җиңде, Даниил Вагайцев 102+ кг категориясендә җиңүгә иреште, ә хатын-кызлар арасында 81+ кг авырлык категориясендә беренче урынны Виктория Орлова алды.

«Мин бу медальгә озак әзерлек һәм нык тырышлык аша ирештем. Бу озакка сузылган максат иде. Ә чиксезлек чик түгел. Безнең чыгышларны күзәтүегез өчен рәхмәт. Сез безнең өчен бик кадерле. Оештыру дәрәҗәсе бик югары. Казанда бик әйбәт кешеләр яши. БРИКС Уеннары волонтерларына зур рәхмәт», – дип билгеләп узды Даниил Вагайцев.

БРИКС Уеннарының ушу ярышларында Россия һәм Кытай спортчыларының көрәше дәвам итә. Алдагы көнне турнир хуҗалары һәм Кытай өчәр алтын медаль яулаган иде. Бу юлы россиялеләр көчлерәк булып чыкты.

Тайзцицюань дисциплинасында беренче ике урынны турнир хуҗалары яулады: Анастасия Деева йөздән ун баллга Анастасия Каденованы узды. Өченче урында исә Мисыр вәкиле Сара Салах Хосин урнашты. «Бүгенге чыгышым ярыйсы, беренчесенең килеп җитмәгән җирләре бар иде кебек. Хәзер чыгышымны яхшы бәялим. Дөрес, бераз дулкынландыра, – дип сөйләде Анастасия Деева. – Мин Казанда беренче тапкыр, миңа бар да ошый. Бар да яхшы оештырылган: тәмле ашаталар, вакытында илтеп җиткерәләр, кешеләре әйбәт һәм аралашучан».

Бер көн эчендә җыелмага ике алтынны чанцюань стилендә Сандра Константинова китерде. Көмеш тә Россия спортчысына, Аксинья Щукинага эләкте, ә бронзага Иран кызы Джаалили Парни Захра лаек булды. Цяншу стилендә җиңүче итеп Күк асты иле спортчысы Янлин Лиу танылды, икенче урында ярышларны Иран вәкиле Захара Киани тәмамлады, ә бронзаны Аксинья Щукина алды.

Цзяньшуда җиңүне Кытай спортчысы Цзюньке Пань яулады. Аның төп көндәше Россия данын яклаучы Павел Муратов иде, бронза медальгә исә Иран спортчысы Аболфазл Гарехбаги лаек булды. Ләкин даошуда Россия җыелмасы коллекциясе алтынга баеды – һәм кабат иң яхшы нәтиҗәне Кирилл Зуи Бондаренко күрсәтте. «Тәэсирләр чынлыкта бик күп. Төп максатны үтәдем, ләкин хаталар да китте, алар өстендә эшләячәкмен, – дип уртаклашты БРИКС Уеннары чемпионы. – Оештыру күзлегеннән миңа бар да бик ошый. Мин мондый масштаблы чарада беренче тапкыр. Дөнья чемпионатына барган идем, анда мондый шәп, төсләргә бай атмосфера юк иде!»

Бу дисциплинадагы көмешне Иран вәкиле Хоссеин Гебленамай Могадам алса, өченче урында россияле Ильяс Хөснетдинов урнашты.

Наньгуньдагы алтынчы алтын медальгә Иран спортчысы Шахин Баниталеби лаек булды. Икенче һәм өченче урынны Артем Загибалов белән Камил Халилюлин яулады.

Казанда узучы БРИКС Уеннары ярышлары якшәмбе көнне дәвам итәчәк.

Якшәмбе көнне, Казанның Үзәк стадионында БРИКС Уеннары кысаларында узучы җиңел атлетика буенча ике көнлек турнир тәмамланды.

Соңгы көнне ир-атлар арасында алтын медальләргә Россия спортчылары Константин Крылов (200 м), Артем Макаренко (110 метрга каршылыклар аша йөгерү), Константин Плохотников (3000 метрга каршылыклар аша йөгерү), Сергей Кожевников (10000 метрга спорт йөреше), Борис Бездольный (сөңге ыргыту), Алексей Худяков (диск ыргыту), Дмитрий Чижиков (өчле сикерү), Михаил Шмыков (колга белән сикерү) һәм Степан Кекин (ун төр көрәш) лаек булды. Шулай ук Россиянең ир-атлар җыелмасы 4х400 м эстафетасында җиңде. Белорус Дмитрий Савин 800 метрга йөгерүдә беренче килде.

«Миңа бары минем яулаган урыным һәм 13,70 секундлык нәтиҗәм генә ошамады, ә болай ярышлар бик әйбәт. Оештыру дәрәҗәсе бер дигән, – дип билгеләп узды 110 метрга каршылыклар аша йөгерүдә икенче урын алган 2015 елгы дөнья чемпионы Сергей Шубенков. – Париж белән чагыштырганда, масштаб бераз тыйнаграк икәнен аңлыйм, ләкин калган нәрсәләрдә аерманы бөтенләй күрмим».

«Үземнең чыгышым белән бик канәгатьмен, мин, көчле көндәшлеккә карамастан, үземнең сезондагы иң яхшы нәтиҗәм белән җиңдем, – диде 200 метрга йөгерүдә җиңгән Константин Крылов. – БРИКС Уеннары, тулаем алганда, миндә бик зур тәэсир калдырды. Хәзер, миннән кала, Россиядән дә, Беларусьтан да бер спортчы да чапмады. Бик кызык, разминкада хәтта сизмисең дә – төрле менталитет, төрле культура. Бу – минем карьерамдагы беренче халыкара ярышлар».

Ярышларның хатын-кызлар өлешендә БРИКС Уеннары чемпионнары исеменә Россия спортчылары Наталья Комбарова (200 м), Светлана Аплачкина (1500 м), Любовь Дубровская (5000 м), Елена Соколова (озынлыкка сикерү), Мария Кочанова (биеклеккә сикерү) һәм Елизавета Слободянюк (җиде төр көрәш) лаек булды. Шулай ук Россиянең хатын-кызлар җыелмасы 4х400 м эстафетасында да беренче булды. Беларуська исә алтын медальләрне Эльвира Граборенко (100 метрга каршылыклар аша йөгерү), Анастасия Маслова (чүкеч ыргыту) һәм Алена Дубицкая (ядрә ыргыту) китерде.

«Минем өчен бу мондый дәрәҗәдәге беренче ярышлар, хисләр кайнады гына. Уеннарның җаваплы старт кына түгел, ә яхшы кәеф бүләк итүче чын бәйрәм икәне сизелде. БРИКС Уеннары Казанда узачагын белгәч бик шатландым. Минем монда ярышларыма килеп, миңа көч биреп тора алучы якыннарым һәм туганнарым күп. Мин аларның энергетикасын тоеп тордым, шуңа яхшырак нәтиҗә күрсәтәсе килде», – диде җиде төр ярышта икенче урын яулаган Юлия Сохацкая.

БРИКС Уеннарының җиңел атлетика ярышларының нәтиҗәләре буенча Россия вәкилләре 33 алтын, 25 көмеш һәм 23 бронза медаль яуладылар. Беларусь спортчылары хисабында 9 алтын, 13 көмеш һәм 9 бронза. Призлы урыннарны шулай ук Кытай (2 көмеш, 1 бронза), Бразилия (1 көмеш, 2 бронза), Көньяк Африка Республикасы (1 көмеш), Һиндстан (3 бронза), Эритрея, Буркина-Фасо һәм Кыргызстан (барысының да берәр бронза) атлетлары да алды.

БРИКС Уеннарының бадминтон буенча ярышлары тәмамланды. Финалларда иң көчле бадминтончылар – Олимпия уеннары катнашучылары Сергей Сирант белән Евгения Косецкая, халыкара класслы спорт остасы Алинә Дәүләтова, спорт остасы Артур Печенкин уйнады.

Катнаш парлы разряд финалында Глеб Степаков белән Алинә Дәүләтова җиңел булмаган матчта Владислав Добычкин белән Мария Голубеваны җиңделәр – 2:0 (21:13, 21:18). Ялгыз разряд финалларында Сергей Сирант Артур Печенкиннан көчлерәк булып чыкты – 2:0 (21:14, 21:13), ә Евгения Косецкая катлаулы уенда Мария Голубеваны отты – 2:1 (15:21, 21:8, 21:13).

«Җиңүемә, әле дә җиңә алганымны исбатлавыма шатмын. Мин дулкынлануымны җиңә алуыма һәм җиңү яулавыма да шат. Башта бик каты дулкынландым. Волан очып-очып киткәли иде, мин шунда ук аңламадым һәм хаталар җибәрдем. Маша бик көчле, бар көчкә уйнады. Аңа туктамаска һәм алга таба көрәшергә киңәш итәм. БРИКС Уеннары бик яхшы оештырылган, залы әйбәт, ризыклары тәмле, бар да яхшы, барысы да ачык йөзле», – дип билгеләп узды Евгения Косецкая финалда җиңгәннән соң.

Иң соңгы матчлар итеп тамашачылар парлы разряд уеннарын карадылар, ир-атлар арасында Артур Печенкин белән Глеб Степаков ышанычлы рәвештә 2:0 (21:15, 21:7) исәбе белән Павел Монич белән Сергей Сирантны оттылар, ә хатын-кызлар арасында, тагы да киеренкерәк матчта Алинә Дәүләтова белән Евгения Косецкая 2:1 (21:8, 10:21, 21:5) исәбе белән Дарья Харлампович һәм Галина Лисочкинаны бирелергә мәҗбүр иттеләр.

«Без уйлаганның барысы да килеп чыкты. Нәтиҗә чынлап та әйбәт, бар да шәп. Уеннары яхшы тәмамланды.

БРИКС Уеннары – бик яхшы халыкара турнир. Бу ярышларның бар атмосферасын тою бик мөһим», – дип билгеләп уздылар Артур Печенкин белән Глеб Степаков.

Су спорт төрләре сараенда БРИКС Уеннарының суга сикерү ярышлары башланып китте. Алар 16 июньнән алып 18 июньгә кадәр дәвам итәчәк.

Өч метрлы трамплиннан сикерүдә Россия, Бразилия, Аргентина, Венесуэла, Таиланд, Беларусь һәм Үзбәкстан спортчылары катнашты. Бу дисциплинадагы беренче алтын медальне россияле Никита Шлейхер (529,80 балл) яулады, көмеш Венесуэла вәкиле Хесус Эдуардо Гонсалес Рейгеста (434,20), өченче урын һәм бронза Никитаның милләттәше Александр Черепахинда (430,35).

Алга таба тамашачыларны хатын-кызлар арасында ун метрлы каланчадан сикерү көтә иде: бу төрдә алтын һәм көмешне Россия вәкилләре – Виктория Казанцева (345,10 балл) белән Юлия Тимошинина (305,70) яулады.

Ярыш көнен катнаш парларның өч метрлы каланчадан сикерү ярышлары тәмамлады. Россиягә алтын медальләрне Илья Молчанов белән Елизавета Кузина (307,80 балл) китерде, көмеш Бразилия җыелмасында (272,70), бронза исә 253,74 балл җыйган Беларусь командасына китте.

Дүшәмбе көнне дә өч медаль комплекты уйнатылачак: ир-атлар арасында (10 метрлы каланча), хатын-кызлар арасында (трамплин, 3 метр), шулай ук катнаш разрядта (10 метрлы каланча).

Баскетбол ике төр көрәшенең икенче көнендә ике төркемнең дә лидерлары билгеле булды. Бразилия ышанычлы рәвештә Куба (42:19) һәм Берләшкән Гарәп Әмирлекләрен (42:13) отып, ике җиңү яулады, ә Үзбәкстан тигез диярлек көрәштә 24:23 исәбе белән Сербия Республикасын җиңде. Хәзер бу илләр – А төркеменең өч җиңү яулаган һәм бер дә җиңелмәгән лидерлары.

«Безнең Куба командасын элек тә күргән бар иде, һәм аларның безне мәйданчыкта җиңәчәкләрен аңлый идек, шуңа цифрлы этапта мөмкин кадәр күбрәк балл җыеп, өстен калырга тырыштык, һәм безнең килеп чыкты. Аннары мәйданчыкта без шул аерманы сакларга тырыштык», – дип сөйләде Бразилия җыелмасы уенчысы Луиз Гильерме Матос.

Б төркемендә көннең иң яхшы уенын Россия күрсәтте: ул 28:24 исәбе белән Әрмәнстанны һәм 40:9 исәбе белән Колумбияне отты. «Бар да яхшы. Кайбер хәрәкәтләребезне чынга ашырып булмады, ә болай бар да әйбәт. Иң мөһиме – җиңә алдык», – диде Россия командасы уенчысы Юрий Беспалов. Шулай ук бу төркемдә Абхазия 25:18 исәбе белән Колумбияне җиңде, ләкин аннары Беларуська оттырды – 12:29. Шулай итеп, өч җиңү яулаган Россия лидер булып бара, икенче урында – ике уенда ике җиңү яулаган Беларусь.

БРИКС Уеннарының академик ишү ярышларында финаллар узды. Алар дүрт көн дәвам итте, медальләр өчен ун илдән килгән 150 артык спортчы көрәште.

Соңгы ярыш көнендә иң күп ишүчеләр катнашкан узышлар – пар ишкәкле дүрт ишүче һәм рульчесез сигез ишүче дисциплиналары ярышлары булды. Ике дисциплинада да Россиянең спортчы кызлары бик ышанычлы чыгыш күрсәтте – хәлиткеч узышларда көндәшләре алардан биш секундтан артык вакытка калыша иде. Нәтиҗәдә парлы ишкәкле дүрт ишүче дисциплинасында БРИКС Уеннары чемпионнары булып Анастасия Любич, Мария Боталова, Татьяна Усцелемова һәм Кира Ювченко калды. «Безнең өчен ярыш һәрьяклап уңышлы булды, моннан да зуррак уңышны күз алдына китерү мөмкин түгел. Монда булуыма бик шатмын, хәзер өйгә зур горурлык белән кайтырга була, – дип уртаклашты Кира Ювченко. – БРИКС Уеннарының үсеш алуын телим, аларда кабат катнашырга шат булачакмын».

Соңгы көннең икенче алтыны – Россиянең кызлар сигезлегендә. Ә менә ир-атлар узышларында лидерлар урыннары белән алмашты – рульчесез дүртлек һәм рульчесез сигезлек дисциплиналарының икесендә дә Беларусь вәкилләре җиңде, россиялеләр исә көмеш яулады.

«Без җиңүгә исәп тоттык. Бу көндәшләр белән инде ничә ел ярышабыз, һәм ярышлар безнең җиңә белүебезне күрсәтте. Ярышу рәхәт иде, бар да бик кызык булды. Теләсә кайсы медаль, аеруча алтын, бик мөһим һәм шатлык бүләк итә. Аеруча мондый матур Уеннарда яуланганы. Оештыру ягы бик ошады, монда булуыбызга бик шатбыз», – дип белдерделәр Беларусьның җиңү яулаган ишүчеләр дүртлеге – Павел Синенко, Николай Шарлап, Денис Кучерев һәм Михаил Иванчиков.

Бокс һәм өстәл теннисы үзәгендә өстәл теннисы ярышлары тәмамланды. Ир-атлар арасындагы ялгыз разряд финалында Кирилл Скачков озакка сузылган матчта 3:2 исәбе белән Владимир Сидоренконы отты, ә хатын-кызлар финалында Мария Тайлакова партияләр буенча 3:1 исәбе белән Элизабет Авраамянны җиңде.

«Финал матчына мин яхшы әзерләндем, атмосфера, уеннан ләззәт аласы килде, иң мөһиме – үз көчеңә ышанып эш итү иде. Элиздан реванш алдым, җиңүемә шатмын, чөнки без быел инде җиденче тапкыр очрашабыз. Бик тыныч уйнадым һәм кайсыдыр мизгелдә хисләр турында бөтенләй оныттым. БРИКС Уеннарында ике алтын яулау – бик яхшы нәтиҗә, бу бик абруйлы дип уйлыйм», – дип уртаклашты үз тәэсирләре белән финал нәтиҗәләре буенча Россиянең беренче ракеткасы булган Мария Тайлакова.

Казанның теннис академиясендә зур теннис буенча командалы ярышларның төркем этабы тәмамланды.

Ир-атлар арасында плей-оффка үз төркемнәрендә беренче урынны яулаган Россия һәм Беларусь командалары, шулай ук икенче урынны алган Үзбәкстан һәм Һиндстан командалары чыкты. Хатын-кызлар арасында ярымфиналга алдан ук Россия һәм Беларусь командалары чыкты, калган ике юлламага Иран белән Сербия Республикасы, Һиндстан белән Үзбәкстан җыелмалары дәгъва кыла. Үз ярышларын алар дүшәмбе үткәрәчәк.

«Тәэсирләр бары уңай. Төркем этабында өч матчта да оттык, һәркайсында 3:0 исәбе белән җиңдек. Бүген ялгыз разрядта уйнап җиңгәч, шунда ук парлы матчка киттем. Командамның лаеклы уйнавына шатмын, без төркем этабын лаеклы үттек һәм ярымфиналга беренче урыннан чыктык. БРИКС Уеннары җиңүчесе булу хокукы өчен финалда Россия һәм Беларусь җыелмалары очрашырга тиеш дип саныйм.

Оештыру ягы югары дәрәҗәдә, мондый пландагы ярышларда булуыма шатмын, Уеннар ачылу тантанасы бик ошады. Куркынычсызлык, күп тапкыр ашату, мондый эссе һава торышында һәр почмакта су булу – оештыручыларга хөрмәтем зур», – дип уртаклашты үз кичерешләре белән Беларусь теннисчысы Михаил Дубровский.

БРИКС Уеннарында ушу ярышларының соңгы алышлары да узды.

Бүгенге көн ушу-таолуда Россия белән Кытайга икешәр алтын китерде – медальләрне Иван Краснобаев белән Анастасия Каденова, шулай ук берьюлы ике алтын алган Ян Гуанглинь яулады. Берешәр алтынга Дарья Латишева (Үзбәкстан) һәм Захра Киани (Иран) лаек булды.

Ушу-санда Кытай спортчылары өч алтын яулады, Иран өч беренче урынга лаек булды, Россия исә ике чемпион титулын алды. Шуларның берсе – ир-атларның 56 кг авырлык категориясендә һинд ушучысы Сунил Сингх Маянгламбамны җиңгән Арсен Умалатов.

«Бар да җиңел узды дип әйтү дөрес булмас иде. Икенче раундта уңышсызлыкка тарыдым. Көндәшем тәҗрибәле иде. Алай да минем килеп чыкты, – дип уртаклашты үз тәэсирләре белән Арсен Умалатов. – Минем өчен БРИКС Уеннары – гаҗәеп ярышлар, минем спорт карьерамдагы зур старт. Бик нык көч биреп тордылар. Россия өчен тырыштым».

Нәтиҗәдә Россия спортчылары ушу ярышларында 14 алтын, 11 көмеш һәм 8 бронза яуладылар. Кытай исәбендә 14 алтын, 4 көмеш һәм 3 бронза медаль. Иран 4-8-11 күрсәткече белән лидерлар арасында өченче урында.

17 июнь көнне Су спорт төрләре сараенда БРИКС Уеннарының тагы 3 медаль комплекты уйнатылды.

Хатын-кызлар арасында өч метрлы трамплиннан сикерү ярышларында Россия, Бразилия, Венесуэла һәм Беларусь спортчылары катнашты. Алтын медальне Россия вәкиле Елизавета Кузина (333,75 балл) яулады, көмеш аның милләттәше Кристина Ильиныхта (330,45), бронза Александра Альшаникта (Беларусь Республикасы) (250,50).

«Беренче сикерүем бөтенләй килеп чыкмады, һәм, миңа калса, мин шул сикерүдән соң ничектер коелып төштем, ә миңа, киресенчә, үземне кулга алырга булган. Һәркем үзен ярышларга мораль яктан үзенчә әзерли, кайчак миңа көндәшләремнең финалда ничек сикерүләре дә кызык хәтта. Кул да чаба алам, бу миңа берни тормый. Миңа калса, өченче, дүртенче сикерүдә мин үземне кулга алдым, ә бишенчесендә инде үземнең нәрсә белгәнемне күрсәттем. Миңа шулай көч биреп торулары күңелемә бик хуш килде, миңа калса, без ниндидер мини-тарихка кердек», – дип уртаклашты Елизавета Кузина үзенең кичерешләре белән өч метрлы трамплинда җиңгәннән соң.

Соңрак ун метрлы каланчага ир-атлар күтәрелде. Алтын һәм көмешне Россия вәкилләре – Александр Бондарь (533,75 балла) белән Никита Шлейхер (518,50) яулады, бронза Венесуэла вәкиле Хесус Гонсалеста (428,30).

Каланчадан катнаш дуэтлар сикерү ярышларында да җиңүне Уеннарның хуҗалары яулады. Россиягә алтын медальләрне 347,97 балл җыйган Руслан Терновой белән Юлия Тимошинина китерде.

Сишәмбе көнне БРИКС Уеннарындагы суга сикерү ярышларының соңгы көне узачак. 4 медаль комплекты ир-атлар һәм хатын-кызлар арасында өч метрлы трамплиннан һәм ун метрлы каланчадан синхрон сикерүдә уйнатылачак.

Баскет-холлда баскетбол ике төр ярышы турнирының ярымфиналистлары билгеле булды. Әлеге төр ярышта уенчылар башта спорт симуляторында уйный, ә аннары чын мәйданчыкта очраша.

Россия җыелмасы топ-дүртлеккә беренче урыннан чыкты: ул төркем этабының соңгы матчында 30:28 исәбе белән Беларусь командасын җиңде. Цифрлы этаптан соң 3 баллга калышса да, турнир хуҗалары үзләрен кулга алып, җиңә алдылар.

Ярымфиналда Россия баскетболчылары Үзбәкстан белән очрашачак, ә Беларусь исә А төркеменең лидеры булган Бразилия белән көрәшәчәк. Хәлиткеч матчлар сишәмбе узачак.

Казанның теннис академиясендә плей-офф стадиясе матчлары старт алды. Ир-ат командалары ярышларында ярымфинал очрашулары узды. Россия җыелмасы 2:0 исәбе белән Һиндстанны отты: Илья Симакин Каран Сингхны (7:6, 1:6, 6:0), ә Данила Панарин Чираг Духанны (6:1, 6:2) җиңде. Беларусь та Үзбәкстан белән уенда бернинди кыенлык кичермичә, аны 2:0 исәбе белән бирелдерде. Хәзер җиңгән командалар финалда очрашачак, финал 19 июнь көнне Казанның теннис академиясендә узачак.

«Ике сетны да начар башладым. Беренче сетта җиңә алдым, икенчесендә исә юк. Бәлки, артык эссегәдер, бәлки, арыгангадыр. Өченче сетка мин бөтенләй башка уенчы булып чыктым, яхшы башладым, иң мөһиме – җиңдем. Бүгенге һава торышы алдагы көннәргә караганда яхшырак. Күләгә, кояш өченче сетка гына чыкты, миңа ошады. Һиндстаннан килгән көндәшем яхшы уйный, ул дөнья рейтингында 600 нче урында. Миңа калса, ул күбрәк хардта түгел, ә грунтта уйный, шуңа бүген тупны әллә ничә тапкыр кыска арадан җибәрде. Ул шундый план коргандыр дип уйлыйм, берничә тапкырны санамаганда, аның килеп чыкты дияргә була. Атмосфера бик әйбәт, миңа һәм безнең командага көч биреп торган һәм көч биреп торачак һәркемгә дә рәхмәт әйтәсем килә. Барыгызга да бик зур рәхмәт!» – дип уртаклашты үз кичерешләре белән Илья Симакин БРИКС Уеннарының финалына чыкканнан соң.

Хатын-кызларның командалы ярышларында плей-офф матчлары ¼ финал стадиясеннән башланды. Сербия Республикасы Иран командасын җиңде – 2:1, ә Һиндстан Үзбәкстаннан көчлерәк булып чыкты – 2:0.

Инде иртәгә, 18 июньдә, ярымфиналларда аларга үз төркемнәрендә беренче урынны яулаган һәм 1/2 финалга турыдан-туры юллама алган Россия белән Беларусь командалары кушылачак.

Спорт көрәшенең беренче көнендә ир-атлар арасында беренчел һәм ярымфинал ярышлар узды. Финалга түбәндәге спортчылар чыкты:

Рәмиз Гамзатов (Россия) — Нодирбек Жуманазаров (Үзбәкстан), 57 килограммга кадәрге авырлык категориясе

Бәшир Магомедов (Россия) — Сардар Рузимов (Үзбәкстан), 61 кг кадәр

Абасгаджи Магомедов (Россия) — Мурад Хагвердиев (Азәрбәйҗан), 65 кг кадәр

Курбан Шираев (Россия) — Бегиджон Кулдашев (Үзбәкстан), 70 кг кадәр

Мурат Джакупов (Казахстан) — Анзор Закуев (Россия), 74 кг кадәр

Орхан Аббасов (Азәрбәйҗан) — Магомед Магомаев (Россия), 79 кг кадәр

Бабур Исламов (Үзбәкстан) — Мәлик Шаваев (Россия), 86 кг кадәр

Нуркали Нуркайпулы (Казахстан) — Гаджимурад Магомедсаидов (Азәрбәйҗан), 97 кг кадәр

Шамил Мусаев (Россия) — Азамат Зассеев (Көньяк Осетия), 125 кг кадәр.

92 килограммга кадәрге авырлык категориясе турнирында Шамил Зөбәеров (Азәрбәйҗан), Ярослав Ядковский (Беларусь), Алан Багаев (Россия) һәм Исламбек Ильясов (Казахстан) катнаша. Аларга берәр көрәш кенә уздырасы калды. Әлеге алышлар да, калган авырлык категорияләренең финаллары кебек, 18 июнь көнне «Ак Барс» көрәш сараенда узачак.

БРИКС Уеннарының суга сикерү һәм баскетбол ике төр ярышы җиңүчеләре билгеле булды.

Сишәмбе көнне Су спорт төрләре сараенда БРИКС Уеннарының суга сикерү ярышларында соңгы медаль комплектлары уйнатылды.

Өч метрлы трамплиннан синхрон сикерүләрдә җиңүне Евгений Кузнецов белән Никита Шлейхер дуэты яулады. Аларның чыгышын судьялар 446,34 баллга бәяләде. Көмеш Бразилия җыелмасы спортчылары Рафаэль Фогак белән Рафаэль Макста (348,03 балл), бронза – Беларусь вәкилләре Евгений Кондратович белән Владислав Сонинда (341,73).

«Женя белән сезонда бик әйбәт эшләп алдык, алда без лаек ял, котлаулар өчен барысына да рәхмәт, халыкара стартлар бик мөһим. Сикерүләр чыннан да яхшы килеп чыкты, баш тренеребызга, белгечләребезгә бик нык рәхмәтлемен, зур эш алып барылды. Безгә алтынчы сикерү ошады, тамашачылар белән алкышлар аша аралашып алдык, алар – безгә, без аларга көч биреп тордык. Казанда трибуналар еш кына тулы була, монда килүе аеруча рәхәт. Татарстанга, җанатарларга рәхмәт. Җитешсез яклары булса да, сикерүләребезне яхшы бәялибез. Оештыру ягы һәм атмосфера, калган халыкара стартлардагы кебек, югары дәрәҗәдә», – дип уртаклашты үзенең тәэсирләре белән Никита Шлейхер җиңүдән соң.

Хатын-кызлар арасында исә өч метрлы трамплиннан сикерүләрдә җиңүчеләр исеменә 305,40 балл җыйган Ульяна Клюева белән Надежда Трифонова лаек булды. Көмеш Беларусь җыелмасы спортчылары Александра Альшаник белән Алена Забродскаяда (253,86), бронзаны Бразилия вәкилләре Анна Сантос белән Моура Мария (241,56) яулады.

Соңрак ярышлар ун метрлы каланчада дәвам итте. Ир-атлар арасында алтын медальләрне Александрь Бондарь белән Руслан Терновой (456,18 балл) алды, көмеш Беларусь сикерүчеләре Александр Колосков белән Сергей Малашонокта (342,36), бронза медальләр – Таиланд дуэты Адитхеп Хопуекланг белән Наттанон Сипратумта (268,26).

Хатын-кызлар арасында алтын медальләргә 321,54 балл җыйган Анна Конаныхина белән Юлия Тимошинина лаек булды.

Казанда узучы БРИКС Уеннары илчесе, суга сикерү буенча Олимпия чемпионы Илья Захаров ярышлардан соң Уеннар волонтерлары белән очрашты һәм аларга спортчыларга көч биреп торулары өчен рәхмәт белдерде.

«Хезмәтегез өчен миннән шәхсән зур рәхмәт. Ярый әле безнең сез бар, мин моңа бик рәхмәтле. Ярышларны үткәрү һәм кәеф тудыру күзлегеннән караганда, бу – чып-чын тыл. Мин моны элекккеге спортчы буларак әйтәм. Кайчак ярышлар алдыннан иртәнге алтыга бассейнга кәефсез киләсең, ә сез монда елмаеп безгә булышасыз. Бу безнең өчен бик мөһим!» – дип мөрәҗәгать итте Захаров волонтерларга.

Россиянең суга сикерү буенче җыелмасы БРИКС Уеннарын ун алтын медаль белән тәмамлады. Беларусь командасында ике көмеш һәм өч бронза, ике көмеш һәм бер бронза Бразилиядә. Бер көмеш һәм бер бронза Венесуэлада, бер бронза Таиландта.

БРИКС Уеннарының баскетбол буенча ике төр ярышы да Россия командасының җиңүе белән тәмамланды. Финалда алар 23:15 исәбе белән Беларусь җыелмасын җиңде. Бронза Бразилия спортчыларында, Үзбәкстан дүртенче урында.

Финалда, цифрлы этаптан соң, Россия җыелмасы 7:8 исәбе белән җиңелеп бара иде, әмма ул үзендә көч табып, очрашу барышын үзгәртә алды һәм җиңү яулады. Шунысын искәртик, җыелмабыз составында февральдә Казанда узган Киләчәк Уеннары чемпионы исеменә лаек булган Владислав Мелешкин да бар иде.

«Без монда медальләр яулау максаты белән килдек. Кызганычка каршы, финалга чыгып булмады, ләкин бронза медаль дә – бик яхшы нәтиҗә, – дип уртаклашты бразилияле Луиз Гильерме Матос. – БРИКС Уеннары безгә бик ошады, без мондый атмосфера, оештыручылар һәм тамашчылар тарафыннан шундый җылы караш көтмәгән идек».

«Без үзебезгә максат итеп беренче урынны яулауны куйдык, нәтиҗәдә шулай килеп чыкты да. Бу бик күңелле. Вакыт узу белән бу спорт төре үсәчәген, андагы көндәшлек артачагын, тагы да көчлерәк уенчылар киләчәген аңлыйм, ләкин беренче булу – үзеңне тарихта калдыру дигән сүз, – дип уртаклашты Россия командасы уенчысы Юрий Беспалов. – Без Казанда беренче тапкыр түгел, тамашачылар да, шәһәр дә, оештыручылар да безне һәрчак шатландыра. Әлеге БРИКС Уеннары – мин булган иң яхшы спорт чараларының берсе».

Казанның теннис академиясендә хатын-кызлар арасындагы командалы турнирның финалистлары билгеле булды. Составында Полина Кудерметова һәм Елена Приданкина чыгыш ясаган Россия җыелмасы 2:0 исәбе белән Сербия Республикасын җиңде, ә Беларусь спортчылары шундый ук исәп белән Һиндстан командасыннан өстен калды. Ир-атлар турнирының финалында да Россия белән Беларусь спортчылары очрашачак.

«Финалда мин, әлбәттә, җиңү һәм, иң мөһиме, тамашачыларга ошарлык яхшы уен көтәм. Аруын армадым, чөнки безнең ял итәр өчен вакыт күп булды, очрашулар арасындагы тәнәфесләр зур иде. Шуңа иртәгә без яхшы формада булачакбыз һәм яхшы теннис күрсәтә алачакбыз дип уйлыйм», – диде Беларусь җыелмасы спортчысы Дарья Хомутянская.

Ир-атлар арасында бронза медаль ияләре билгеле булды, бу – Һиндстан җыелмасы. Ул Үзбәкстан командасын җиңде.

«Безнең төп максат – илебез өчен алтын медаль яулау иде, ләкин мин командадагыларның барысының да нык тырышканын беләм: уенчылардан алып, капитан белән тренерга кадәр. Шулай булгач, бар да яхшы. Шулай ук безгә көч биреп торучылар да күп иде. Алтын медаль яулый алмасак та, бронза медальгә шатбыз. Без бар көчебезне куйдык, шуңа, әйе, мин шат.

Мин Казанда һәм Россиядә беренче тапкыр. Бу минем өчен бик яхшы сәфәр дип уйлыйм. Табигать бик ошый. Бик күп яхшы кешеләрне очраттым, яңа дусларым барлыкка килде. Мондагы кешеләр бик ачык йөзле. Монда була алу мөмкинлеге килеп чыгуына бик шатмын, кабат килә алырмын дип өметләнәм», – диде Һиндстан теннисчысы Чирэг Духан.

IT-Паркта шахмат уйнау ярышларының беренче көне узды. Ир-атлар арасындагы «Тиз шахмат» дисциплинасында киеренкелек максималь дәрәҗәгә җитте. Лидерлар өчлеге үз матчларын тигез исәп – 7,5 балл белән тәмамлады, шуңа урыннарны өстәмә күрсәткечләр буенча бирделәр. Алтын Россия спортчысы Владислав Артемьевта, көмешне Беларусь вәкиле Максим Царук яулады, бронза исә Кытай шахматчысы Бай Цзиньшида.

Хатын-кызлар арасында пьедесталга берьюлы ике Россия спортчысы менде: Екатерина Лагно 7,5 балл белән алтын яуласа, Валентина Гунина (6,5) өченче урынны алды. Призерлар өчлегендә алар арасында Кытай кызы Сун Юйсинь (6,5 балл, Гунинадан өстәмә баллар буенча өстәрәк) урнашты.

«Валентина Гунина белән уйнаган бер партия авыр булды, аны катлаулы ситуациядән тартып чыгардым, чак җиңелмәдем. Тиз шахмат уеннарының графигы җиңел түгел, уен көне 10:00 дә башланды һәм бер тәнәфессез дәвам итте. Җиңгәндә бар да яхшы кебек тоела, уйлаганның барысы да килеп чыкты, шуңа, әлбәттә, үземнән канәгатьмен. Мин алдан ук турнирның рейтинг лидеры идем, бар да минем белән яхшы көрәшергә, яхшы уйнарга тели. Уен көне дәвамында һәрчак тулы көчкә уйнадым, һәм моның нәтиҗәсе булды», – дип уртаклашты үз кичерешләре белән алтын медаль иясе Екатерина Лагно.

Ярышлар чәршәмбе көнне «Блиц» дисциплинасында дәвам итәчәк, уен көне 10:00 дә башлана.

Сишәмбе көнне спорт көрәше турнирының беренче җиңүчеләре билгеле булды – ирекле стиль көрәшчеләре 10 медаль комплекты уйнатты. «Ак Барс» көрәш сарае келәмнәрендә Россия җыелмасы вәкилләре өстенлек итте – алар ун алтын һәм бер бронза медаль яулады. Триумфаторлар арасында – дөнья чемпионы Абасгаджи Магомедов һәм Европа чемпионы Корбан Шираев.

57 килограммга кадәрге авырлык категориясе

1. Рәмиз Гамзатов (Россия)

2. Нодирбек Жуманазаров (Үзбәкстан)

3. Джимчик Батамункуев (Беларусь)

61 кг кадәр

1. Бәшир Магомедов (Россия)

2. Сардар Рузимов (Үзбәкстан)

3. Джейхун Аллахвердиев (Азәрбәйҗан)

65 кг кадәр

1. Абасгаджи Магомедов (Россия)

2. Мурад Хагвердиев (Азәрбәйҗан)

3. Даниил Харчилава (Абхазия) һәм Андрей Бекренев (Беларусь)

«Монда бары җиңү өчен генә килдем. Өстәмә уеннарсыз җиңә алуыма шатмын. БРИКС Уеннары – минем спорт карьерасында яңа нәрсә. Үземнең коллекциямә тагы бер медаль өстәү бик рәхәт, –дип белдердеАбасгаджи Магомедов. – Турнирның оештыру дәрәҗәсе ошады – монда дөнья һәм Европа чемпионатларына караганда яхшырак. Бердәнбер теләгем шул – киләчәктә көндәшлек дәрәҗәсе югарырак булсын иде».

70 кг кадәр

1. Корбан Шираев (Россия)

2. Бегиджон Кулдашев (Үзбәкстан)

3. Нюргун Скрябин (Беларусь) һәм Марат Кокоскерия (Абхазия)

«Мондый дәрәҗәдәге ярышларда җиңә алуыма бик шатмын. Мин БДБ илләре уеннарында да, Спартакиадада да көрәштем – состав шул ук иде диярлек. Инде хәзер БРИКС Уеннары. Казанда мин инде өченче тапкыр, һәм хәзер кабат шул ук сарайда җиңәм. Өметләрне аклавыма, әти-әниемне, үземнең тренерымны шатландыра алуыма, әлбәттә, шатмын. Бу медаль алга таба көрәшү өчен тагы бер этәргеч бирәчәк, мотивация өстәлде, – дип билгеләп узды Корбан Шираев.

74 кг кадәр

1. Анзор Закуев (Россия)

2. Мурат Джакупов (Казахстан)

3. Егор Акулич (Беларусь) һәм Джабраил Гаджиев (Азәрбәйҗан)

79 кг кадәр

1. Магомед Магомаев (Россия)

2. Орхан Аббасов (Азәрбәйҗан)

3. Азамат Джиоев (Көньяк Осетия)

86 кг кадәр

1. Мәлик Шаваев (Россия)

2. Бабур Исламов (Үзбәкстан)

3. Алан Засеев (Көньяк Осетия) һәм Аркадий Пахасян (Беларусь)

92 кг кадәр

1. Алан Багаев (Россия)

2. Шамил Зөбәеров (Азәрбәйҗан)

3. Ярослав Ядковский (Беларусь)

97 кг кадәр

1. Гаджимурад Магомедсаидов (Азәрбәйҗан)

2. Рөстәм Шодиев (Үзбәкстан)

3. Бады-Маадыр Самдан (Россия) һәм Нуркали Нуркайпулы (Казахстан)

125 кг кадәр

1. Шамил Мусаев (Россия)

2. Азамат Зассеев (Көньяк Осетия)

3. Нурсултан Азов (Казахстан)

Чәршәмбе көнне келәмгә ярышырга хатын-кызлар көрәше вәкилләре һәм грек-рим стиле көрәшчеләре чыгачак.

Чәршәмбе көнне бокс турнирында ир-атлар арасында 46-48, 51, 54, 57, 60, 63,5, 67, 71, 75, 80, 86, 92 кг һәм аннан артыграк, ә хатын-кызлар арасында 45-48, 50, 52, 54, 57, 60, 63, 66, 70, 75, 81 кг һәм аннан артыграк авырлык категорияләрендә беренчел ярышлар узды.

Ярышларда Россия, Үзбәкстан, Беларусь, Казахстан, Венесуэла, Кытай, Көньяк Африка Республикасы, Һиндстан, Азәрбәйҗан, Сүрия, Кыргызстан, Әфганстан, Таҗикстан һәм башка илләр боксчылары катнашты. Беренчел ярышлар пәнҗешәмбе дә дәвам итәчәк.

БРИКС Уеннарындагы байдаркалар һәм каноэларда ишү ярышларының беренче көне Россия һәм Беларусь өчен уңышлы булды. Финалда Россия спортчысы Максим Оселёдко җиңде – ул 200 метр араны байдаркаларда ишүдә иң көчлесе булып чыкты. Икенче һәм өченче урынны Беларусь вәкилләре Дмитрий Третьяков һәм Алексей Мисюченко яулады.

«Көндәшлек зур. Без белоруслар белән инде өченче ел узышабыз. БРИКС илләре уеннарында берьюлы өч спортчының катнаша алуы бик әйбәт. Әгәр бу Европа яки дөнья чемпионаты булса, илдән бер генә кеше чыгыш ясар иде. Ә мондагы формат осталыгыңны күбрәк күрсәтү мөмкинлеге бирә», – дип билгеләп узды җиңүче.

200 метрга каноэларда ишү ярышы бик киеренке булып чыкты – призерлар өчлегенә эләккән спортчыларны секундның уннан ничәдер өлеше генә аерды. Җиңүне Үзбәкстан спортчысы Артур Гулиев яулады. Көмеш Россия вәкиле Сергей Свинаревта, бронза исә Беларусьтан килгән Александр Зубокта.

«Җиңүдән бик әйбәт тәэсирләр калды, чөнки монда зур көндәшлек һәм танылган спортчылар чыгыш ясый. Коллегаларыма көрәш өчен рәхмәт, шулай ук рәхмәтемне безгә көч биреп торганнарга һәм безнең өчен җан атканнарга рәхмәт әйтәсем килә», – дип уртаклашты үз кичерешләре белән чемпион.

Хатын-кызлар арасында 200 метрга каноэда ишүдә беренче һәм икенче урынны Беларусь Республикасы ишүчеләре – Елена Ноздрева белән Инна Неделькина лаек булды, өченче урында Россия спортчысы Екатерина Шляпникова урнашты. Ә менә 500 метрга байдаркаларда ишү ярышында пьедестал тулаем Беларусь спортчыларыныкы иде – җиңүгә Елизавета Вилкова, Марина Литвинчук һәм Ольга Худенко иреште.

Иң соңгы булып ир-атлар арасында 1000 метрга байдаркалар һәм каноэларда ишү ярышларының җиңүчеләре билгеле булды. Беренче дисциплинада җиңүне Владислав Кравец (Беларусь) яулады, икенче булып Максим Спесивцев (Россия) килде, бронза белорус спортчысы Денис Ермоленкода. 1000 метрны каноэда узуда чемпион исеменә Илья Первухин (1 нче урын) лаек булды, икенче урында Илья Штокалов (көмеш), бронза Иван Потапенкода (Беларусь).

«Казан» күп функцияле ат спорт комплексында ат спорты ярышлары башланды, алар 21 июньгә кадәр дәвам итәчәк.

Чәршәмбе көнне «джигитовка» дисциплинасының шәхси зачет чыгышлары булды, беренчел ярышларның лидерлар өчлеге Россия спортчыларыннан тора: беренче урында 148.50 балл белән Кирилл Нефедов, икенче урында Георгий Феофанов (119.50), өченче булып Иван Капсамун (107,50) килде.

Тентпеггингның беренчел ярышларында (шәхси зачетта) беренче урында Көньяк Африка Республикасы вәкиле Норман Йим Мостер (46 балл), икенче булып Россия спортчысы Федор Ефимов (40) килде, өченче урын белорус спортчысы Игорь Песецкийда (39,5). Командалы зачетның беренчел ярышларында да беренчелек Көньяк Африка Республикасында – Уиллем Петрус Нортйе һәм Норман Йим Мостер 24 балл җыйды.

Пәнҗешәмбе, 20 июнь көнне, БРИКС илләре уеннарының ат спорты ярышларында 4 медаль комплекты уйнатылачак.

БРИКС илләре уеннарының беренче ярыш көнендә йөзүчеләр унике медаль комплекты уйнаттылар.

400 метрны ирекле стиль белән йөзүдә алтын медальне Софья Дьякова яулады. Шул ук дистанциядә ир-атлар арасында иң яхшы нәтиҗәне Николай Колесников (Россия) күрсәтте, ул секундның ничәдер өлешенә Стефан Александр Де Фрейтас Стеверинкны (Бразилия) узды. 50 метрны аркада йөзүдә җиңүче исеменә Милана Степанова (Россия) лаек булды. 200 метрны аркада йөзүдә Мирон Лифинцев җиңде.

«Нәтиҗәм белән бик канәгать түгелмен. Йөзәргә, йөзәргә һәм тагы бер кат йөзәргә кирәк, өйрәнәсе нәрсәләр күп әле, – дип уртаклашты Мирон. – Минем өчен ярышларда трибуналарның никадәр тулу булуы һәм тамашачыларның ничек көч биреп торулары мөһим. Биредә әлеге мәсьәләдә бар да бик әйбәт».

100 метрны баттерфляй белән йөзүдә алтын медальне Герман Зажирский (Россия), ә 200 метрны йөзүдә – Серафима Фокина (Россия) яулады. Ә менә брасс стилендә йөзүдә тиңнәр белорус спортчыларына булмады – Алина Змушко 200 метр дистанциясендә, ә Илья Шиманович 100 метрга йөзүдә җиңде.

«Хәзер Олимпиадага әзерләнәбез, якын арада тагы берничә старт булачак, мөһим ярышларга форма җыябыз, – дип билгеләп үтте Шиманович. – Мондагы атмосферага килсәк, ул шәп. Авылдагыларның барысы да күңел ача, ярышларда алган стресс турында онытып тора, анда кызык. Ләкин безне алда әле тагы ике ярыш көне көтә».

Кыска дистанциядә (50 м) ирекле стиль белән йөзүдә җиңүе белән Бразилиянең медальләр коллекциясен Виктор Гимараеш Алкара баетты. Хатын-кызлар арасында бу дистанциядә Россия спортчысы Мария Полещук җиңде.

Ир-атлар арасындагы 4х100 метр эстафетасы финалы барысы өчен дә киеренке булып чыкты. Дүртенче сегментка җиткәндә Россия командасының Бразилия командасы алдында бер секундтан артык диярлек өстенлеге бар иде. Ләкин соңгы 50 метрда, лидер артыннан барганда, Бразилия спортчысы көчле ыргылыш ясады, ләкин нәтиҗәдә барыбер 0,01 секундка артта калды. Нәтиҗәдә Россия беренче, Бразилия икенче, Беларусь өченче урында. Хатын-кызлар эстафетасында Россия җыелмасы күпкә ышанычлырак җиңү яулады, Бразилия спортчылары икенче урын алды, өченче урында Көньяк Африка Республикасы командасы урнашты.

Чәршәмбе көнне БРИКС илләре уеннарында хатын-кызлар көрәшендәге 10 медаль комплект ияләре билгеле булды. Россия җыелмасы вәкилләре җиде алтын, бер көмеш һәм бер бронза медаль яулады.

50 кг кадәр

1. Елизавета Смирнова (Россия)

2. Тянь Ай Ши (Кытай)

3. Ксения Станкевич (Беларусь)

«Тренерларымның өметләрен аклый алуыма бик шатмын. Көндәшлек дәрәҗәсе шактый югары иде, шуңа җиңүгә җиңел ирештем дип әйтә алмыйм, – дип белдерде Россия чемпионатлары призеры Елизавета Смирнова. – БРИКС илләре уеннарында бар да югары дәрәҗәдә оештырылган, барлык шартлар да тудырылган – яшәү һәм ашау ягы да, күңел ачу программасы ягы да. Миңа бар да ошады».

53 кг кадәр

1. Эльнура Мамедова (Азәрбәйҗан)

2. Цзинь Чжан (Кытай)

3. Милана Дадашева (Россия)

55 кг кадәр

1. Александра Скиренко (Россия)

2. Арина Мартынова (Беларусь)

3. Гултакин Ширинова (Азәрбәйҗан)

57 кг кадәр

1. Алеся Гетманова (Беларусь)

2. Марина Симонян (Россия)

3. Венруи Хай (Кытай)

59 кг кадәр

1. Светлана Липатова (Россия)

2. Надежда Буланая (Беларусь)

3. Дилфуза Аимбетова (Үзбәкстан)

«Үзебездә, шундый тулы трибуналар булганда җиңүе бик рәхәт булды. Нәкъ минем өчен җан атучы җанатарлар күп иде. Җиңәсе һәм Россиянең дә көрәштә үсеш алуын күрсәтәсе килде. Бу медаль миңа алда көтелүче яңа стартлар алдыннан зур этәргеч бирә. Турнирның югары дәрәҗәдә оештырылганын билгеләп үтәр идем. Көндәшлеккә килсәк, көндәшлек дәрәҗәсенең һәр Уеннар саен арта барачагына ышанам», – диде Европа чемпионатының көмеш призеры Светлана Липатова.

62 кг кадәр

1. Екатерина Кошкина (Россия)

2. Нигина Сабирова (Үзбәкстан)

3. Джулиана Оливейра Сантос (Бразилия)

65 кг кадәр

1. Валерия Дондупова (Россия)

2. Татьяна Павлова (Беларусь)

3. Динара Рөстәмова (Үзбәкстан)

68 кг кадәр

1. Вусала Парфианович (Россия)

2. Юки Рао (Кытай)

3. Анна Садченко (Беларусь)

72 кг кадәр

1. Олеся Безуглова (Россия)

2. Елена Шалыгина (Казахстан)

3. Светлана Окназарова (Үзбәкстан)

76 кг кадәр

1. Анастасия Зименкова (Беларусь)

2. Гульмарал Еркебаева (Казахстан)

3. Жингру Сан (Кытай)

«Әлегә җиңү хисе, эмоцияләр юк. Мөгаен, бар да иртәгә булырдыр. Келәмдер нидер план буенча бармады, ләкин мин үземне кулга ала алдым, тренерлар да нишләргә кирәклеген әйтте, моның өчен аларга рәхмәт. Көндәшләремнең дәрәҗәсе шактый югары иде, барлык ил вәкилләре дә җиңәргә әзер иде», – дип билгеләп узды 2018 елгы Европа чемпионатының бронза призеры Анастасия Зименкова.

Грек-рим көрәшендә беренчел һәм ярымфинал ярышлар узды. Пәнҗешәмбе көнне алтын медальләр өчен Олимпия уеннары призеры Сергей Емелин, Беларусь чемпионы Дмитрий Зарубский һәм башка атлетлар көрәшәчәк.

Казанның теннис академиясендә теннис буенча командалы ярышлар тәмамланды, аның кысаларында ике медаль комплекты уйнатылды. Ике финалда да Россия һәм Беларусь командалары очрашты, бронза медальләрне ир-атлар разрядында да, хатын-кызлар разрядында да Һиндстан командасы яулады.

Ир-атлар финалында Россия белән Беларусь җыелмалары уйнады. Беренче очрашуда Илья Симакин беренче сетта (4:6) Эрик Арутюнянга оттырды, икенче партиядә исә тай-брейкта (7:6, 12:10) җиңде, ә аннары өстенлекне үз кулына алды һәм көндәшкә җиңәргә бернинди өмет калдырмады – 6:1. Аның партнеры Данил Панарин ике сетта Даниил Остапенковны отты һәм Россия җыелмасына алтын медаль китерде.

Хатын-кызлар арасында алтын өчен көрәш тынычрак булды. Очрашу барышында Полина Кудерметовага медицина таймауты кирәк булса да, ул өч сетта да Эвелина Ласкевичны (6:2, 5:7, 7:5) җиңә алды. Елена Приданкина 2-0 (6:3, 6:0) исәбе белән Дарья Хомутянскаяны җиңде һәм БРИКС Уеннарында Россия җыелмасын тагы бер җиңүгә баетты.

«Көчемне тигез бүлә алдым һәм кортка формамның иң югары чагында чыга алдым. Эчтә, әлбәттә, җиңел булмады. Бөтен хәлиткеч тупларга җавап бирә алдым, үзем дә яхшы туплар очырттым. Икенче сетны идеаль сетка якын иде дияр идем. Финал этапта уйнавы кызыклы иде, гади булмаган көндәшләр эләкте. Ләкин ярышларга мин бик яхшы формада килдем, шуңа уңышлы уйный алдым. БРИКС Уеннары миңа үзенең Авылы белән истә калды. Оештыручыларга кичке чаралар өчен рәхмәт. Бар да бик кызык булды», – дип уртаклашты үз кичерешләре белән Елена Приданкина.

Фехтование ярышларының беренче көнендә өч алтын медальне дә россиялеләр алды, шунысы кызык, алар финалларда үзләренең милләттәшләре белән очрашы. Шпага белән ярышуда Георгий Бруев тигез ярышта Артем Саркисянны җиңде, бронза медальләргә Марк Семоненко (Беларусь) һәм Алексей Удовиченко (Россия) лаек булды. Рапиралар көрәшендә иң көчлесе булып финалда Анна Соловьеваны җиңгән Марта Мартьянова танылды. Бронза Владислава Панюшкина (Россия) белән Дарья Власовада (Беларусь).

Кылыч белән көрәшүче спортчы кызларның дүртесе дә турнирның ярымфиналына чыкты. Бронзаны Вероника Булукова белән Яна Егорян алды.

«Безнең дүртлегебез – иң мөһиме. Без бит бирегә беренче чиратта үзебез өчен түгел, ә илебез данын яклар өчен килдек. Һәм бу бик мөһим. Ярый әле без беренче ярышларда очрашмадык һәм барыбыз да ярымфиналларга чыктык», – дип уртаклашты Яна Егорян. Алтынны 14:12 исәбе белән милләттәше Ольга Никитинадан өстен калган Софья Великая яулады.

Чәршәмбе көнне Бәшир Рәмиев исемендәге IT-Паркта шахматның «Блиц» дисциплинасында тагы 2 медаль комплекты уйнатылды.

Ир-атлар турнирында 11 тур нәтиҗәләре буенча җиңүне Россия гроссмейстеры Андрей Есипенко (9 балл) яулады, ул үзенең милләттәше Владислав Артемьев (8,5) һәм белорус Максим Царуктан (7,5) өстен калды.

Хатын-кызлар турнирында җиңүгә Россия спортчысы Екатерина Лагно (10,5 балл) иреште, ул БРИКС илләре уеннары-2024 тә инде икенче алтынын яулады. Икенче һәм өченче урыннарны Кытай вәкилләре Сун Юйсинь (9) һәм Го Ци (8,5) алды.

«Үземнең бүгенге чыгышым белән канәгатьмен, аеруча кичәге әллә ни уңышлы булмаган тиз шахматтагы чыгыштан соң. Бөтен партия дә катлаулы булды, җитди көндәшләр эләкте. Җиңә алуыма шатмын. Кытай, Үзбәкстан һәм Һиндстаннан килгән көндәшләремне билгеләп үтәр идем, алар көндәшлек тудыра белә. Влад белән лаеклы уйный алуыма бик шатмын, безнең аерма – нибары 0,5 балл, әлеге очрашу бүгенге көн нәтиҗәсенә йогынты ясады. Бу минем өчен бик мөһим турнир, җыелма өчен 2021 елдан соң беренче тапкыр уйныйм, шуңа Уеннарга бик җитди карыйм. Шахматның БРИКС илләре уеннары программасына кертелүе бик мөһим дип саныйм, ярышларга гомер буе әзерләндем дисәк тә була», – дип уртаклашты үз кичерешләре белән Россия гроссмейстеры Андрей Есипенко блицта җиңгәннән соң.

Ярышлар пәнҗешәмбе, 20 июнь көнне дәвам итәчәк.

«Бокс һәм өстәл теннисы» спорт комплексында БРИКС илләре уеннарының бокс ярышларының икенче көнендә ир-атлар һәм хатын-кызлар арасында беренчел ярышлар узды.

Узган ярышлар нәтиҗәләре буенча ярымфиналга 2018 елгы яшүсмерләр Олимпиадасы җиңүчесе Илья Попов (63,5 кг), Азәрбәйҗанда күп тапкыр чемпион булган Нәби Исгандаров (67 кг), 2019 елгы дөнья чемпионатының көмеш призеры Людмила Воронцова, 2022 елгы Азия уеннарының бронза призеры Турабек Хабибуллаев (80 кг) һәм Үзбәкстанны тәкъдим итүче 2021 елгы яшьләр дөнья чемпионатының җиңүчесе Нигина Уктамова, Россия чемпионнары Аршак Товмасян (60 кг) һәм Анна Аэдма (52 кг) һәм башкалар чыкты.

БРИКС Уеннарының байдарка һәм каноэларда ишү ярышларының икенче көнендә спортчылар командалы дисциплиналарда дүрт медаль комплекты уйнаттылар. 500 метрны байдардкада узуда алтынны Иван Епишин белән Василий Погребан (Россия) яулады, каноэда узышуда иң көчлеләре булып Дмитрий Шаров белән Михаил Павлов (Россия) танылды. Хатын-кызлар арасында каноэларда соңгы ярышларда Россия спортчылары Марина Гуреева белән Екатерина Шляпникова җиңде, ә менә байдаркалар ярышында бар пьедестал Беларусь спортчы кызларында иде. Чемпион исеменә Ольга Худенко белән Марина Литвинчук лаек булды.

«Әлегә һава торышы гына бераз сыната – кайчак, җилнең кайсы яктан исүенә карап, кайбер спортчыларның беренче су юллыкларында өстенлек була. Ләкин көчле спортчыларга бу комачауламаска тиеш, – дип уртаклашты җиңүдән соң Ольга Худенко. – Казанда беренче тапкыр без Универсиадада булдык. Монда Лондондагы Олимпиададан соң килгән идек, һәм биредәге оештыру дәрәҗәсе күпкә югарырак булып чыкты. Ә хәзер безнең өчен БРИКС Уеннары – сезонның иң төп старты».

Бәшир Рәмиев исемендәге IT-Паркта шахмат ярышларының өченче көне тәмамланды.

«Тиз шахмат» дисциплинасында катнаш парлар арасында бер медаль комплекты уйнатылды. Алтын медальләрне Россия җыелмасы (Владислав Артемьев, Андрей Есипенко, Екатерина Лагно, Валентина Гунина) яулады, икенче урын һәм БРИКС илләре уеннарының көмеш медальләре Кытай җыелмасында (Бай Цзиньши, Сюй Сянъюй, Ци Го, Сун Юйсинь), бронза медальләргә Үзбәкстан җыелмасы шахматчылары (Абдималик Абдисалимов, Саидакбар Сайдалиев, Умида Омонова, Маржона Маликова) лаек булды.

«Дөрес, команда белән уйнауның үз хикмәте бар, нәтиҗә өчен команданың һәрбер әгъзасы җаваплы, җиңелсәң – нәтиҗәң өчен бераз уңайсызланасың инде, икенче яктан караганда, яхшы яклары да бар, гел шәхси ярышларда гына катнашмыйсың. Бүгенге уен катлаулы булып чыкты, аны идеаль дип әйтеп булмый, яхшы мизгелләр белән беррәттән начарлары да булды, иртәгә һичшиксез ныграк тырышырга кирәк. БРИКС илләре уеннары – бик яхшы старт. Озак әзерлек алып барылганы сизелә, шәһәр үзгәрә, матурлана. Оештыру югары дәрәҗәдә, бар да бик әйбәт», – дип уртаклашты бүгенге җиңүдән үзенең тәэсирләре белән Россия гроссмейстеры Владислав Артемьев.

«Казан» күпфункцияле ат спорты комплексында ат спорты ярышларында дүрт медаль комплекты уйнатылды. «Джигитовкада» тамашачыларны җиде ил – Россия, Казахстан, Беларусь, Монголия, Төркия, Индонезия һәм Кыргызстан чабышкылары чыгышлары көтә иде.

Шәхси зачетта БРИКС илләренең алтын медален Аполлон кушаматлы ат белән Казахстан спортчысы Ернат Султан (115,2 балл) яулады, Уеннарның көмеше һәм бронзасы Россия спортчылары Григорий Феофанов (114,9) белән Кирилл Нефедовка (110,7) эләкте. Командалы зачетта алтынга Уеннарның хуҗалары лаек булды. Россия җыелмасы (Григорий Феофанов / Кирилл Нефедов) урыннар суммасы буенча 5 балл җыйды. Көмеш Казахстан җыелмасында (Ернат Султан / Жалгасбек Сулейменкулов, 6 балл) булса, бронза Беларусь вәкилләрендә (Илья Дацкевич / Николай Плотницкий, 13 балл).

«БРИКС илләре уеннарында, чит ил спортчылары мондагы шартларга яраклаша алсын өчен, оештыручылар «джигитовка» дисциплинасын берникадәр үзгәрткәннәр, чөнки дисциплина Россиядә дә, калган илләрдә дә аерыла. Аларга яңа шартларга бик тиз яраклашу бик авыр булыр иде. Казахларны билгеләп үтәсем килә – алар бик яхшы чыгыш ясады, барлык сынауларны да уздылар. Атларны монда гына бирүләренә карамастан, без «джигитовкада» ярыйсы чыгыш ясадык. Халыкара стартлар өчен бу гадәти, барысы да тигез шартларда. Атларны, бу планда, әйтик, машиналар белән чагыштырып була, аларга чагыштырмача тиз ияләшәбез», – дип сөйләде БРИКС илләре уеннарындагы чыгышларыннан соң Григорий Феофанов белән Кирилл Нефедов «джигитовка» ярышларының нечкәлекләре турында.

Ярыш көненең икенче сессиясендә тамашачылар тентпеггинг ярышларын карады. Бу дисциплинаның фаворитлары сыйфатында Көньяк Африка Республикасы спортчылары (Уиллем Петрус Нортйе/Норман Йим Мостерт, 42 балл) һәм Кувейт вәкилләре (Мөхәммәд Алайми/Абдулла Альхенди, 35,5 балл) чыгыш ясады, алар командалы зачетта алтын һәм көмеш медальләр яуладылар. Бронза медальләргә Беларусь спортчылары (Илья Дацкевич/Николай Плотницкий, 34 балл) лаек булды.

Шәхси зачетта алтынны Россия спортчысы Федор Ефимов (79 балл) яулады, көмеш Көньяк Африка Республикасы узышчысы Норман Йим Мостертта (77,5), бронза белорус Игорь Песецкийда (71,5).

«Безнең Россиягә, Казанга беренче килүебез. Оештыру мәсьәләсендә безгә бар да бик ошады, Россия һәм Казан безнең өчен бик яхшы шартлар әзерләгәннәр. Без БРИКС уеннарында беренче катнашабыз, ләкин мондый масштабтагы ярышларда катнашуыбыз, һичшиксез, сөенечле. Тентпеггингта катнашучы көндәшләрнең дәрәҗәсе начар түгел, барысы да ярыш шартларына әзер иде. Безнең өчен монда көчсез көндәшләр юк иде дип уйлыйм. Фаворитларның күбесе оста чыгыш ясый, алар мондагы, Казандагы кебек ярыш шартларына яраклашканнар инде», – дип уртаклашты үз тәэсирләре белән БРИКС Уеннарының алтын медален яулаган Көньяк Африка Республикасы вәкиле Йорман Йим Мостерт.

Фехтованиедә, индивидуаль беренчелекнең беренче көнендә кебек үк, бөтен беренче урыннарны да Россия спортчылары яулады. Рапирачылар турнирында алтын медальгә финалда милләттәше Тимур Сафинны җиңгән Кирилл Бородачев лаек булды. «Көндәшлек дәрәҗәсе югары. Кайбер илләрнең вәкилләре килде, аларның үз осталык дәрәҗәсе, безнең – үз дәрәҗәбез, барыбызга да өйрәнәсе нәрсәләр бар. Ләкин аларның күзләре янып тора, җиңүгә омтылышлары зур, аларга уңышлар телим. Үземнең җиңүемне миңа көч биреп торучыларның барысына – тренерларга, туганнарыма багышлыйм, – дип уртаклашты Кирилл Бородачев. – БРИКС Уеннарының масштабы зур, бу миндә соклану тудыра». Бронзаны бу дисциплинада Үзбәкстан спортчысы Мөхәммәд Юсуф Асранов һәм Россия спортчысы Антон Бородачев яулады.

Кылыч белән ярышучылар арасындагы нәтиҗә дә шундый ук булып чыкты: Россия спортчылары ярышкан финалда Дмитрий Даниленко тигез көрәштә җиңүне Кирилл Тюлюковтан тартып алды. «Шәп, хисләр кайнап тора. Бу ярышларга ел буе әзерләндем, сайлау турлары үттем. Монда килдем һәм җиңдем. Шәп. Тормышта моннан да яхшырак була алмый. Күптән түгел минем балам туды. Шуңа җиңүемне хатыныма һәм аңа багышлыйм, – дип сөйләде Дмитрий. – Миңа калса, Россиянең дөньядагы иң яхшы ярышлар уздыруы беркем өчен дә сер түгел. Бар да бик яхшы оештырылган, оештыру дәрәҗәсе, һәрвакыттагыча, югары». Кылыч белән ярышучылар турнирының бронзасы Муса Аймуратов (Үзбәкстан) белән Камилә Ибраһимовада (Россия).

Шпагачылар турнирының финалында Татьяна Гудкова Милен Бавуге Хабимананы (Россия) җиңде. Бронзаны исә Александра Цурская (Беларусь) белән Айзанат Муртазаева (Россия) яулады.

БРИКС илләре уеннарының футбол ике төр ярышының беренче көнендә төркем этабы уеннары узды. Беренче матч ук җанатарларга пенальти сериясен бүләк итте – Куба һәм Вьетнам цифрлы һәм физик этапны 4:4 исәбе белән тәмамлады. Әмма пенальти сериясендә кубалылар барыбер көчлерәк булып чыкты – дебют матч аларның файдасына 3:1 исәбе белән тәмамланды.

Икенче очрашуда Россия ышанычлы рәвештә 18:2 исәбе белән Көньяк Осетияне җиңде. Абхазия 8:5 исәбе белән Иранны отты, ә Казахстан җыелмасы турнир фаворитларының берсе – Бразилиядән көчлерәк булып чыкты (5:4).

«Тулаем алганда, футбол ике төр ярышының форматы ошады, бу безнең өчен кызыклы һәм яңа. Болай без классик «футзалны» уйныйбыз, ә монда капкалар зур, кырлар кечерәк, бортлар бар. Бик кызык, әлегә ияләшәбез һәм бар осталыгыбызны күрсәтергә тырышачакбыз, – дип уртаклашты Казахстан командасы уенчысы Владислав Черномордов. – Уеннар атмосферасы искиткеч. Турнир хуҗаларына гына түгел, Казахстанга, күршеләре һәм туганнарына көч биреп торырга килүләре өчен җанатарларга аерым рәхмәт. Бик рәхмәтлебез».

Куба һәм Беларусь командалары арасындагы төп вакыт 10:10 исәбе белән тәмамланды, ләкин пенальти сериясендә кубалыларга кабат бәхет елмайды – алар 8:7 исәбе белән җиңде һәм ярымфиналга чыкты.

Плей-оффка чыгу бәхетенә Россия җыелмасы да иреште – ул 15:4 исәбе белән Венесуэланы җиңде. Абхазия белән Үзбәкстан арасындагы очрашу 10:10 исәбе белән тәмамланды һәм көннең инде өченче матч нәтиҗәсен пенальти сериясе хәл итте. Нәтиҗәдә Үзбәкстан вәкилләре төгәлрәк булып чыкты.

Пәнҗешәмбе көнне БРИКС илләре уеннарының нәфис гимнастика ярышларында юниор һәм сениор кызлар арасында индивидуаль программада квалификация узды.

Сениор кызлар арасында берьюлы өч төрдә иң югары нәтиҗәне нәфис гимнастикада кабынып килүче йолдыз Анна Попова (Россия) күрсәтте – ул туплы (36.050 балл), чукмарлы (35.800) һәм предметсыз (38.900) күнегүләрдә җиңде. Кыршаулы күнегүләрдә беренче урынны турнирда «Небесная грация» командасын тәкъдим итүче Россия спортчысы Мария Борисова (36.350 балл) яулады. Тасмалы күнегүләрдә исә Россия вәкиле Диана Чугунихинага (33.850) тиңнәр булмады. Аерым төрләрдәге финаллар 22 июнь көнне узачак.

21 июнь көнне төркемле күнегүләрдә аерым төрләр финалларына квалификация һәм күп төр ярыш, шулай ук индивидуаль программада күп төр ярыш финалы узачак.

Йөзү ярышларының өченче көнендә БРИКС илләре уеннары катнашучылары унике медаль комплекты уйнаттылар. Алдагы көнне кебек үк, иң яхшы нәтиҗәләрне Россия, Беларус һәм Бразилия җыелмалары күрсәтте.

БРИКС уеннарының икенче алтынын яшь Россия йөзүчесе Мирон Лифинцев яулады – ул 50 метрны аркада йөзү дистанциясендә җиңде. Шул ук дистанцияне брасс белән барысыннан да тизрәк Беларусь вәкиле Илья Шиманович йөзеп узды. Хатын-кызлар арасында 50 метрны баттерфляй белән йөзүдә Анастасия Кулешова (Беларусь) беренче булды.

Россия спортчысы Роман Жидков 100 метрны ирекле стиль белән йөзү ярышларында җиңде. Шул ук дистанциядә брасс белән йөзүдә беренче урынга Алина Змушко (Беларусь) лаек булды – бу аның әлеге БРИКС илләре уеннарында икенче алтыны. «Бу дистанцияне шактый җиңел җиңдем, алай да яхшырак чыгыш ясыйсы килгән иде. Бераз арыганлык сизәм, ә болай мин канәгать, – дип уртаклашты ике тапкыр чемпион калган кыз. – Әзерлек катлаулы булды. Без тренер белән техникага үзгәрешләр кертү һәм физик әзерлек өстендә тәҗрибәләр үткәрдек, старт саен нәтиҗәләрне карадык».

Йөз метрны аркада йөзүдә алтынны тагы бер Беларусь спортчысы Анастасия Шкурдай яулады, ә 200 метрны ирекле стиль белән йөзү дистанциясендә чемпион булып Софья Дьякова (Россия) калды – бу аның ике көн эчендә икенче алтыны.

«Мин үз вакытымны яхшырттым, ул начар түгел, лаеклы вакыт, ләкин һәрчак тагы да яхшырагын күрсәтәсе килә. Бу сезонда нәтиҗәләремне тагын яхшыртырга тырышачакмын. Бүген минем соңгы чыгышым булды, ике көн эчендә ике алтын – бик әйбәт, бу мине бик шатландыра», – дип сөйләде Софья. Шул ук дистанцияне комплекслы йөзүдә Михаил Щербаков (Россия) җиңде, ә баттерфляйда иң яхшы нәтиҗәне Иван Шамшурин (Беларусь) күрсәтте. Виктория Блинова (Россия) 400 метр араны комплекслы йөзү дистанциясендә җиңү яулады. Бразилия өчен көннең бердәнбер алтынын 1500 метр араны ирекле стиль белән йөзүдә беренче килгән Тьяго Матурена Руффини китерде.

Берничә стильне берләштергән катнаш эстафетада җиңүне соңгы секундларда диярлек Беларусь командасы эләктерде. Россия йөзүчеләре – көмеш, ә бразилиялеләр бронза алды.

Бөтенроссия йөзү федерациясе башлыгы Владимир Сальников БРИКС илләре уеннары перспективаларын югары бәяләде.

«БРИКС илләре уеннары халыкара спорт календарендә үз урынын һичшиксез алыр дип уйлыйм. Бу – спортчылар, тамашачылар, прессаның игътибарын җәлеп итүче кызыклы ярышлар, шуңа аларның әһәмияте арта барачак. Күбрәк ил катнашачак, көндәшлек үсәчәк, кызыксыну, хис-кичерешләр артачак. Шуңа күрә мин без хәзер БРИКС илләре уеннары үсешенең башлангыч стадиясендә генә дип уйлыйм», – дип билгеләп узды Сальников.

Пәнҗешәмбе көнне Казанда узучы БРИКС илләре уеннарында спорт көрәше ярышлары тәмамланды. Грек-рим стиле көрәшчеләре 10 медаль комплекты уйнатты. Үз авырлык категорияләрендә чемпион булып Россия, Казахстан, Беларусь һәм Азәрбәйҗан вәкилләре калды.

55 кг кадәр

1. Исхар Курбаев (Казахстан)

2. Виталий Кабалоев (Россия)

3. Ихтиёр Ботиров (Үзбәкстан)

60 кг кадәр

1. Әмин Сефершаев (Россия)

2.​​ Мехрой Бахрамов (Үзбәкстан)

3. Глеб Макаренко (Беларусь)

63 кг кадәр

1. Сергей Емелин (Россия)

2. Зия Бабашов (Азәрбәйҗан)

3. Хусниддин Олимбоев (Үзбәкстан)

«БРИКС уеннарында бар да шәп. Оештыру ягы Россия чемпионатындагы кебек түгел инде, ни дисәң дә, халыкара турнир. Һәм бездә команда рухы, «ажиотаж» бар, бу спортчыларга бик кирәк. Көрәшчеләр дәрәҗәсе шактый югары. Мисал өчен минем Азәрбәйҗаннан килгән көндәшемне генә алыйк – ул 23 яшькә кадәрге Европа чемпионаты җиңүчесе, теге елны мин аңа хәрбиләр арасындагы дөнья чемпионатында җиңелдем. Шуңа күрә җиңел булмады», – дип сөйләде Токиода узган Олимпиаданың бронза призеры Сергей Емелин.

67 кг кадәр

1. Руслан Бичурин (Россия)

2. Тавакгул Хазиев (Азәрбәйҗан)

3. Нозимжон Бойкузиев (Үзбәкстан)

«БРИКС Уеннары халыкара ярышларны алыштырырга сәләтле дип уйлыйм. Минем авырлык категориясендә җиде катнашучы иде, барысы да төрле илдән. Кайсының кыюлыгы җиткән, шул килгән. Универсиада Авылы Олимпия Авылына охшаган: шул ук атмосфера, бар да шатлана, чын спорт бәйрәме», – дип белдерде Европа чемпионатының көмеш призеры Руслан Бичурин.

72 кг кадәр

1. Нарек Оганян (Россия)

2. Мейржан Шермаханбет (Казахстан)

3. Жамол Жумабаев (Үзбәкстан) һәм Никита Мурашко (Беларусь)

77 кг кадәр

1. Сергей Степанов (Россия)

2. Рамазан Арапханов (Абхазия)

3. Тулкин Туйев (Үзбәкстан)

82 кг кадәр

1. Станислав Шафаренко (Беларусь)

2. Рафаэль Юнусов (Россия)

3. Тунджай Вазирзаде (Азәрбәйҗан)

«Җиңүне киеренке көрәштә яуладым. Беренче алышта мин зур аерма белән җиңелдем, һәм шулай килеп чыкты, мин шул ук көндәш белән финалда да очраштым. Реванш алу өчен үземне психологик яктан әзерләргә туры килде. Минем югалтырлык нәрсәм юк иде, шуңа соңгы секундкача көрәштем. Әлеге җиңү – киләчәктәге зур нәтиҗәләргә таба бер адым. Ярышларны ничек оештырулары ошады, бар да югары дәрәҗәдә иде – яшәү шартлары да, туклану да, мәдәни программа да», – диде Беларусьта ике тапкыр чемпион булып калган Станислав Шафаренко.

87 кг кадәр

1. Вааг Маргарян (Россия)

2. Игорь Ярошевич (Беларусь)

3. Мөхәммәд Әхмәдиев (Азәрбәйҗан)

97 кг кадәр

1. Ариф Нифтуллаев (Азәрбәйҗан)

2. Владислав Пустошилов (Беларусь)

3. Николай Хоменко (Россия)

130 кг кадәр

1. Нохчо Лабазанов (Россия)

2. Дмитрий Зарубский (Беларусь)

3. Сархан Маммадов (Азәрбәйҗан) һәм Ислам Умаев (Казахстан)

Казанда узучы БРИКС илләре уеннарының ирекле көрәш, хатын-кызлар көрәше һәм грек-рим көрәше ярышларында Россия җыелмасы вәкилләре барлыгы 29 медаль яулады: 23 алтын, 3 көмеш һәм 3 бронза. Беларусь исәбендә 3 алтын, 6 көмеш һәм 10 бронза, Азәрбәйҗанның – 3-5-7, Казахстанның – 1-4-3. Призлы урыннарны шулай ук Үзбәкстан (7 көмеш, 7 бронза), Кытай (3 көмеш, 2 бронза), Көньяк Осетия (1 көмеш, 3 бронза), Абхазия (1 көмеш, 2 бронза) һәм Бразилия (1 бронза) спортчылары да алды.

Казанда узучы БРИКС илләре уеннарындагы бокс ярышларының өченче көнендә ир-атлар арасында ярымфинал алышлар узды. Турнирның төп йолдызы, Олимпия чемпионы һәм ике тапкыр дөнья чемпионы, Үзбәкстан спортчысы Баходир Жалолов үз статусын раслады һәм бертавыштан кабул ителгән карар белән Россия җыелмасы әгъзасы Давид Суровны җиңде. Тагы бер россияле-үзбәк көрәшендә Дилшод Абдумуродов Аршак Товмасянны җиңде. Үзбәкстанның ир-атлар җыелмасы составында финалга барлыгы 10 спортчы чыкты. Ир-атлар турниры алтыны өчен Россия спортчылары 11 авырлык категориясендә көрәшәчәк. Шулай ук финал ярышларында Беларусь, Венесуэла, Абхазия һәм Азәрбәйҗан вәкилләре чыгыш ясаячак.

«Бокс һәм өстәл теннисы» спорт комплексында финал көрәшләр 22 июнь көнне узачак.

Бүген каноэ һәм байдаркаларда ишүдә ун медаль комплекты уйнатылды. Көннең беренче финалы – 500 метрны байдаркаларда үтүдә бар пьедесталны Беларусь спортчылары алды: Владислав Кравец, Никита Бориков һәм Владислав Литвинов. «БРИКС уеннарына охшаган ярышлар күбрәк булуын телим, бары шундый масштабтагы чаралар күбрәк узсын иде. Җиңүемне үземнең икеле һәм дүртле дисциплинада бергә катнашучы кулдашыма багышлыйм, ул техник сәбәпләр буенча дисквалификациягә эләкте, аңа теләктәшлек күрсәтергә телим», – дип уртаклашты Владислав Кравец.

Каноэда 500 метрга узышуда җиңүне тагы бер Беларусь вәкиле – Иван Потапенко яулады. Көмешне Россия спортчысы Максим Каратаев алса, бронза Үзбәкстан вәкиле Камронбек Ахтамовка эләкте. Хатын-кызлар арасында 500 метрны каноэларда үтүдә иң көчлесе булып Беларусь спортчысы Елена Ноздрева булып чыкты. «Без ныклап әзерләндек, чөнки бу – безнең өчен сезонның төп старты, начар чыгыш ясау һич ярамый иде. Шуңа баштан ук бары югары урыннарга гына исәп тоттык, һәм әлегә безнең бар да килеп чыга, – дип сөйләде Елена. – Без ярышларсыз артык күп утырдык, спорт бәйрәме, атмосферасы теләгән идек, һәм БРИКС уеннарында болар бар да бар».

Бу дистанциядәге көмешне Екатерина Шляпникова (Россия), ә бронзаны Инна Неделькина (Беларусь) яулады. Һәм бер-бер артлы тезелеп киткән алтын медальләрнең дүртенчесен Беларуська 200 метрны байдаркаларда ишүдә җиңгән Марина Литвинчук китерде. Көмеш Юлия Бабашкинская (Россия) белән Алина Свитада (Беларусь).

Соңрак командалы узышлар башланды. Байдаркаларда 200 метрга узышуда җиңүне Ольга Худенко белән Марина Литвинчук яулады – Беларусьның әлеге пар катнашучылары ике көн эчендә командалы ярышларның икенче алтынын алды. Моңа охшаш хәл Россия кызлары Марина Гуреева һәм Екатерина Шляпникова белән дә булды – бүген алар каноэлар узышында икенче алтыннарын яуладылар, дистанция генә 200 м иде. Байдаркаларда ишүче ир-атлар арасында иң көчлеләре булып Россия спортчылары Андрей Ласкорунский белән Дмитрий Мамцев, ә каноэда Уеннар хуҗалары җыелмасы вәкилләре Дмитрий Шаров белән Михаил Павлов булып чыкты.

Ниһаять, көннең иң озын дистанциясен – 1000 метрны каноэларда йөзүдә Беларусьтан килгән Владислав Палешко белән Данила Верещако җиңсә, байдаркаларда җиңүне Россия спортчылары Виталий Ершов белән Максим Спесивцев яулады.

БРИКС илләре уеннарының дзюдо ярышлары җиде медаль комплектын уйнатудан башланды. Шуларның дүртесе – хатын-кызлар арасында. Ике авырлык категориясендә алтын медальләрне – Кытай спортчылары, ә берсендә Бразилия вәкиле яулады, 78 кг авырлык категориясендә исә иң көчлесе булып Дарья Концевая (Беларусь) булып чыкты. «Бар да килеп чыкмады, ләкин мин нәтиҗә белән канәгать. Алга таба да шөгыльләнәчәкмен һәм әзерләнәчәкмен. Ярышлардагы кызлар әйбәт, көндәшлек югары. Бу алар белән соңгы күрешүебез булмас дип уйлыйм. Җиңүемне исә әниемә, шулай ук тренерларыма багышлыйм», – диде Дарья бүләкләүдән соң.

Хатын-кызлар. 63 кг авырлык категориясе:

1. Цзюнь Ли (Кытай)

2. Маржона Нуруллоева (Үзбәкстан)

3. Кетелин Араухо Насименто (Бразилия)

Хатын-кызлар. 70 кг авырлык категориясе:

1. Кайллани Валентим Родригес Кардосо (Бразилия)

2. Дарья Храмойкина (Россия)

3. Судаба Агхайева (Азәрбәйҗан)

Хатын-кызлар. 78 кг авырлык категориясе:

1. Дарья Концевая (Беларусь)

2. Беатриз Фуртадо Петри Де Фреитас (Бразилия)

3. София Пажич (Россия)

Хатын-кызлар. 78+ кг авырлык категориясе:

1. Аймэнь Цзинь Усину А (Кытай)

2. Джованна Мело Дос Сантос (Бразилия)

3. Дарья Владимирова (Россия)

Дзюдо ярышларының беренче көнендә ир-атлар арасында иң көчлеләре булып турнир хуҗалары танылды. 60 һәм 66 кг авырлык категорияләрендә алтын медальләрне Гамзат Заирбеков һәм Иван Черных яулады. 73 кг авырлык категориясендә алтынны үз җыелмаларына Ахмадзод Масъуди (Таҗикстан) китерде.

Ир-атлар. 60 кг авырлык категориясе:

1. Гамзат Заирбеков (Россия)

2. Артем Колосов (Беларусь)

3. Хусеин Аллахяров (Азәрбәйҗан)

Ир-атлар. 66 кг авырлык категориясе:

1. Иван Черных (Россия)

2. Абдурахим Нутфуллоев (Үзбәкстан)

3. Рашад Елкиев (Азәрбәйҗан)

Ир-атлар. 73 кг авырлык категориясе:

1. Ахмадзод Масъуди (Таҗикстан)

2. Нариман Мирзаев (Азәрбәйҗан)

3. Винициус Ардина (Бразилия)

Бүген БРИКС илләре уеннары кысаларында узган көрәш ярышларында Россия спортчылары 10 алтын медаль яулады. Үзбәкстан көрәшчеләре 2 көмеш һәм 6 бронза медаль алды, Кыргызстан командасының – 2 көмеш һәм 3 бронза, Азәрбәйҗанның – 2 көмеш һәм 2 бронза, Иранның – 2 көмеш, Таҗикстанның – 1 көмеш, 6 бронза, Казахстанның – 1 көмеш. Әрмәнстан, Беларусь һәм Монголия атлетларында берешәр бронза.

60 кг кадәр

1. Алексей Абрамов (Россия)

2. Ариз Гусейнов (Азәрбәйҗан)

3. Нодирбек Абдумаликов (Үзбәкстан) һәм Нарек Сафарян (Армения)

«Алтын медаль яулавыма бик шатмын. Тренерга, командага һәм миңа әзерләнергә ярдәм иткәннәрнең барысына да рәхмәт. Без озын юл үттек, һәм мин шундый нәтиҗә килеп чыгуына бик шат. Көндәшләрем лаеклы иде, барысы да әзерләнеп килгән һәм бар көчкә ярышты», – дип билгеләп узды Россиянең көрәш буенча күп тапкыр чемпионы Алексей Абрамов.

65 кг кадәр

1. Артур Хәкимов (Россия)

2. Дониёр Абдурахмонов (Үзбәкстан)

3. Дрлен Эстебесов (Кыргызстан) һәм Одинамахмад Зиёев (Таҗикстан)

70 кг кадәр

1. Ислам Фәләхов (Россия)

2. Азизжон Азимжонов (Үзбәкстан)

3. Мухаммадсалмон Курбонов (Таҗикстан) һәм Джасур Мехтиев (Азәрбәйҗан)

75 кг кадәр

1. Динар Кәримуллин (Россия)

2. Хабибулло Тынчтык Уулу (Кыргызстан)

3. Раджабзода Худоёр (Таҗикстан) һәм Нусратбек Султонбоев (Үзбәкстан)

80 кг кадәр

1. Артур Зөлкәрнаев (Россия)

2. Мехди Гаджиев (Азәрбәйҗан)

3. Эрбол Турапбаев (Кыргызстан) һәм Хатанболд Хурелбаатар (Монголия)

85 кг кадәр

1. Ранис Галимуллин (Россия)

2. Адилет Жанбыршы (Казахстан)

3. Анвар Муратбек Уулу (Кыргызстан) һәм Ильхомджон Машрабов (Үзбәкстан)

«Хисләремне аңлатып бетермәслек! Мондый дәрәҗәдәге ярышларда чыгыш ясау һәм Россия гимнын ишетү – минем өчен зур дәрәҗә. Кечкенәдән бу атмосфераны тоярга теләдем. Алтын медаль яулавым һәм үз илемне лаеклы рәвештә тәкъдим итә алуым белән горурланам», – диде Россия чемпионы Ранис Галимуллин.

90 кг кадәр

1. Азат Габдерәшитов (Россия)

2. Юнес Пахлаванзадех (Иран)

3. Иван Дубина (Беларусь) һәм Сариф Абдулла (Азәрбәйҗан)

100 кг кадәр

1. Руслан Рәфыйков (Россия)

2. Баяман Мыктыбеков (Кыргызстан)

3. Дилшод Курбонов (Таҗикстан) һәм Зайлобиддин Артиков (Үзбәкстан)

130 кг кадәр

1. Радик Сәләхов (Россия)

2. Азимджон Хомидов (Таҗикстан)

3. Фардавс Файзуллоев (Таҗикстан) һәм Ильёсбек Мирзахматов (Үзбәкстан)

130+ кг

1. Ранис Гыйләҗетдинов (Россия)

2. Шадман Азими (Иран)

3. Абдулсалом Саломов (Таҗикстан) һәм Хислат Пирматов (Үзбәкстан)

БРИКС илләре уеннарында йөзү ярышлары тәмамланды. Өч көн дәвамында 17 илдән килгән спортчылар 37 медаль комплекты өчен көрәштеләр. Бүгенге ярышлар Уеннар хуҗалары өчен уңышлы булды – сигез алтын, алты көмеш һәм алты бронза медаль.

400 м, комлекслы йөзү. Ир-атлар

1. Ярослав Лозе (Россия)

2. Стефан Александр Де Фрейтас Стеверинк (Бразилия)

3. Ярослав Соколовский (Россия)

800 м, ирекле стиль. Хатын-кызлар

1. Ксения Мишарина (Россия)

2. Арина Пантина (Россия)

3. Алеся Акинчиц (Беларусь)

100 м, баттерфляй. Хатын-кызлар

1. Анастасия Кулешова (Беларусь)

2. Беатрис Безерра (Бразилия)

3. Влада Егги (Россия)

50 м, баттерфляй. Ир-атлар

1. Григорий Пекарский (Беларусь)

2. Арсений Боржаков (Беларусь)

3. Абеку Гекье Джексон (Гана)

200 м, аркада йөзү. Хатын-кызлар

1. Дарья Зарубенкова (Россия)

2. Анастасия Шкурдай (Беларусь)

3. Милана Степанова (Россия)

100 м, аркада йөзү. Ир-атлар

1. Мирон Лифинцев (Россия)

2. Иван Тарасов (Россия)

3. Станислав Макровский (Беларусь)

50 м, брасс. Хатын-кызлар

1. Алина Змушко (Беларусь)

2. Ралинә Гыйләҗева (Россия)

3. Анна Петруцкая (Беларусь)

200 м, брасс. Ир-атлар

1. Илья Шиманович (Беларусь)

2. Михаил Быков (Россия)

3. Роман Ячменев (Россия)

«Тулаем алганда, нәтиҗәм белән канәгатьмен, әмма нинди халәттә икәнебезне карау һәм бәяләү, ә аннары әзерлеккә төзәтерлек үзгәрешләр кертү өчен безнең хәзер артык вакытыбыз булмавы гына бераз кәефне төшерә. Уеннардагы көндәшлек начар түгел, яшь йөзүчеләр, шул исәптән, Россиянекеләр, яхшы йөзә. Оештыру дәрәҗәсе белән дә канәгатьмен. Шунысын да әйтим, безнең өчен халыкара дәрәҗәдә кабат Беларусь гимнын ишетүе бик рәхәт», – дип билгеләп узды Илья Шиманович.

100 м, ирекле стиль. Хатын-кызлар

1. Кира Манохина (Россия)

2. Елизавета Прохорова (Россия)

3. Лоррейн Кристина Версиани Феррейра (Бразилия)

200 м, ирекле стиль. Ир-атлар

1. Николай Колесников (Россия)

2. Бруно Сантос Дутра (Бразилия)

3. Андрей Черепков (Россия)

200 м, комплекслы йөзү. Хатын-кызлар

1. Дарья Рогожинова (Россия)

2. Наталия Сикейра Алмейда (Бразилия)

3. Виктория Машкина (Россия)

4×100 м эстафетасы, берничә стиль. Ир-атлар

1. Россия

2. Беларусь

3. Бразилия

4×100 м эстафетасы, берничә стиль. Хатын-кызлар

1. Беларусь

2. Россия

3. Бразилия

Өч ярыш көне нәтиҗәләре буенча иң күп медальне Мирон Лифинцев (Россия) һәм Беларусь вәкилләре Алина Змушко белән Илья Шиманович яулады. Аларның өчесе дә өчәр алтын медаль алды. Россия спортчысы Софья Дьякова ике алтын яулады, ә Дарья Рогожинова медальләрнең тулы комплектын җыйды. БРИКС илләре уеннарының йөзү ярышларында Россия җыелмасы барлыгы 20 алтын, 19 көмеш һәм 16 бронза яулады, Беларусьның медаль күрсәткечләре – 13-4-6, ә Бразилиянеке – 2-12-9.

«Санкт-Петербург» волейбол үзәгендә фехтование ярышларында – шпагачы ир-атлар, кылыч һәм рапира белән ярышучы хатын-кызлар арасындагы командалы турнирларда өч медаль комплекты уйнатылды.

Ир-атлар арасындагы финалда алтын медальне Артем Саркисян җитәкчелегендәге Россия җыелмасы яулады, ул соңгы тугызынчы өч минутта 12:2 исәбе белән белорус Марк Семоненконы отты. Уеннар хуҗалары өчен гомуми исәп 22:24 тән 34:26 га әйләнде. Уеннар чемпионы исеменә Георгий Бруев, Павел Бузинов, Алексей Удовиченко һәм Артем Саркисян лаек булды. Бронза Һиндстан командасында.

Рапирачы хатын-кызлар турнирында чемпион булып Россия җыелмасы өчен чыгыш ясаучы Владислава Пенюшкина, Марта Мартьянова, Анна Соловьева һәм Полина Волобуева калды – алар финалда 44:28 исәбе белән Беларусьны җиңде. Бу ярышта да өченче урынны Һиндстан спортчылары яулады.

«Котлаулар өчен рәхмәт, без Беларусь спортчылары белән инде ике ел дәвамында бергә шөгыльләнәбез, шуңа финалда безнең уеннарда, безнең очрашуларда шундый җылы атмосфера булды. Хәтта иң яхшы дустың белән көрәшсәң дә, анда һәрчак көндәшлек табыла – бу яхшы көндәшлек. Без җиңүгә исәп тоттык, һәм хәзер сезонны яхшы кәеф белән тәмамладык, БРИКС илләре уеннары безнең өчен сезонда соңгы ярышлар иде», – дип уртаклашты үз тәэсирләре белән Олимпия чемпионы Марта Мартьянова БРИКС илләре уеннарында җиңгәннән соң.

Кылыч белән көрәшүче хатын-кызлар ярышлары иң соңгысы иде. Финалда Россия җыелмасы Үзбәкстанга каршы көрәш барышын үзгәртә алды һәм бер ярыш көнендә өченче алтын медален яулады – 45:26. Команда өчен Софья Великая, Ольга Никитина, Яна Егорян һәм Вероника Булукова чыгыш ясады.

«БРИКС уеннары илчесе буларак, югары дәрәҗәдәге оештыру, бик яхшы итеп әзерләнгән зал өчен рәхмәт белдерәсем килә. Барысына да рәхмәт, Казан безне җылы каршы алды. Безгә көч биреп торыр өчен, җанатарлар төрле шәһәрләрдән килгәннәр, бу безнең өчен бәһасез һәм бик кадерле», – дип рәхмәт белдерде көч биреп торучыларга Софья Великая.

Җомга көнне «Баскет-Холл» баскетбол спорт корылмасында БРИКС илләре уеннарының футбол ике төр көрәшенең төркем этабы тәмамланды, шулай ук ¼ финал матчлары уйналды.

Турнирның ярымфиналларында Казахстан футболчылары 12:8 исәбе белән Беларусьны җиңде, фиджитал-этапта лаеклы уйнавы ярдәмендә Бразилия Кубаны отты – 8:6, Россия җыелмасы диджитал-этапта ук 6 туп аермасы ясап, 9:3 исәбе белән ышанычлы рәвештә Абхазияне җиңде.

«Абхазия җыелмасына аерым «респект», безгә мәйданчыкта бирешмәделәр. Иртәгә без Бразилия спортчылары белән очрашабыз, алар һәрчак көчле, тынычланудан мәгънә юк. Барысы да безгә тиңләшә, чөнки уен һәм команда балансы күзлегеннән караганда, без – дөньядагы иң яхшы команда, диджитал-этапта уйнау өчен иң-иңнәре генә җыелган. Казанга кире кайту һәрчак рәхәт, сөенечле. Оештыру ягы антураж, судьялар эше, техник як, ашау, яшәү шартлары күзлегеннән искиткеч яхшы дәрәҗәдә. Безнең өчен барысы да җан ата, җылы итеп каршы алалар, уйнау – үзе бер ләззәт», – дип уртаклашты үз кичерешләре белән ярымфиналга чыккан Россия җыелмасы уенчысы Роберт «Ufenok77» Фәхретдинов.

Приставкада уйнагач, Венесуэла туплар аермасын югалты язды, ләкин алай да Үзбәкстанны 8:6 исәбе белән җиңде.

«Тәэсирләр һәрчак әйбәт, мондый турнирда катнашу – зур бәхет. Үз илемнең флагын яклау – минем өчен зур дәрәҗә. Кичә без БРИКС илләре уеннарында караулар саны буенча рекорд куйдык, безнең матчны карарга 101 мең кеше кергән. Без Үзбәкстанда медиакоманда сыйфатында, шуңа да безгә зур теләктәшлек күрсәтәләр һәм ышаналар. Атмосфера искиткеч, турнир бик әйбәт уза, безгә бар да ошый», – дип уртаклашты үз тәэсирләре белән Үзбәкстан җыелмасы уенчысы Родион Яниров.

Шимбә, 22 июнь көнне, турнирның хәлиткеч матчлары узачак. 12:00 дә ½ финал узачак, ә 17:00 дә – финал һәм бронза өчен көрәш.

Җомга көнне БРИКС илләре уеннарындагы нәфис гимнастика ярышларының беренче җиңүчеләре билгеле булды. Юниор кызлар турнирында төркемле күнегүләрдә, күп төр ярышта 66,550 балл җыйган Россия җыелмасы җиңде. Икенче урынны нәфис гимнастика клубларының халыкара ассоциациясе командасы «Небесная грация» (63,900) гимнастлары яулады, өченче урында исә Беларусь җыелмасы урнашты (60,450).

Сениор кызлар арасында күп төр көрәштә медальләрне «Небесная грация» командасы вәкилләре яулады, әлеге команда составында Янина Сиротинина, Виктория Кирнус, Софья Ивашина, Алла Корягина, Анна Тринеева һәм Злата Девятьярова чыгыш ясады. Команданың чыгышын 68,450 баллга бәяләделәр. Икенче урынны Россия җыелмасы (63,300), өченчене – Үзбәкстан җыелмасы (59,500) алды.

Юниорларның индивидуаль күп төр ярыш финалында җиңүгә «Небесная грация» өчен чыгыш ясаучы Россия гимнасты Кристина Войтенко (131,250) лаек булды. Көмеш Россия җыелмасы вәкиле Арина Ковшовада (129,600), бронзаны исә Беларусь җыелмасы спортчысы Николь Леута (119,400) отты.

Россия гимнасты Лала Крамаренко дүрт күнегү нәтиҗәләре буенча 143,750 балл җыеп, сениор кызларның индивидуаль күп төр ярышында алтын яулады. Икенче урынны «Небесная грация» командасын тәкъдим итүче Россия спортчысы Мария Борисова (142,600) алды, бронза белорус кызы Анастасия Салоста (133,450).

«Безнең спортчылар элек тә, хәзер дә дөньяда иң көчлеләре. Моны күрсәтәчәкләр һәм исбатлаячаклар. Безнең программалар бик кызыклы, артистизмга бай. Көндәшлек дәрәҗәсе бик югары, аеруча белорус командасы, «Небесная грация» һәм Россия җыелмасы арасында. Бик принципиаль көрәш булды», – диде Бөтенроссия нәфис гимнастика федерациясе президенты Ирина Винер.

Шимбә көнне нәфис гимнастика ярышларында аерым төрләрдәге төркемле чыгышлар һәм индивидуаль программа җиңүчеләре билгеләнәчәк.

Шахматтагы соңгы медаль комплекты җомга көнне уйнатылды. Катнаш парлар арасындагы «Блиц» дисциплинасында җиңүне 40,5 балл җыеп, Россия шахматчылары (Владислав Артемьев, Андрей Есипенко, Екатерина Лагно, Валентина Гунина) яулады. Көмеш 35,5 балл җыйган Кытай җыелмасында (Бай Цзиньши, Сюй Сянъюй, Ци Го, Сун Юйсинь). Бронза 32,5 балл туплаган Үзбәкстан җыелмасына (Абдималик Абдисалимов, Саидакбар Сайдалиев, Умида Омонова, Маржона Маликова) китте.

«Бернигә карамастан, көндәшләр шактый көчле иде, җитди көндәшлек тудырдылар. Кытайлар, индуслар белән уйнаган кайбер партияләр бик авыр бирелде. Бу Уеннар бер дә җиңел ярышлар булмады. Беларусь егетләре дә, Үзбәкстан егетләре дә бик сәләтлеләр, Максим Царукны аерым билгеләп үтәр идем, аның зур перспективалары бар дип уйлыйм. БРИКС илләре уеннары минем өчен шактый әһәмиятле, шәһәрдә зур әзерлек алып барылган, бу бик популяр һәм тарихи вакыйга, ни дисәң дә, мондый чаралар төрле илләрне берләштерә. Минем өчен медальләр зур әһәмияткә ия», – диде Казандагы БРИКС илләре уеннарында өч алтын һәм бер көмеш медаль яулаган Россия гроссмейстеры Владислав Артемьев.

Шимбә көнне БРИКС илләре уеннарында нәфис гимнастика ярышлары тәмамланды. Соңгы көнне 14 медаль комплекты уйнатылды. Сениор кызлар турнирында Россия һәм Беларусь җыелмалары төркемле күнегүләрдә берешәр алтын медаль яулады. Индивидуаль күнегүләрдә чемпион исеменә «Небесная грация» командасын тәкъдим итүче кызлар – Анна Попова (туп, предметсыз), Лала Крамаренко (тасма), Диана Чугунихина (чукмарлар) һәм Мария Борисова (кыршау) лаек булды.

«Атмосферага килсәк, бар да искиткеч иде, бик нык көч биреп тордылар. Бу – тормышта була торган иң шәп нәрсә. Мондый хис-кичерешләрне мин башка беркайда да тапмам, мөгаен. Үземнең нәтиҗәм белән канәгатьмен, чөнки бик каты авырдым, ике стартны үткәреп җибәрергә мәҗбүр булдым, шуңа да бер атна гына әзерләндем. Ләкин Ирина Александровна Винер канәгать. Мин дә канәгать», – дидеАнна Попова.

«Уеннарның тагын дәвам итүен теләр идем, миңа бу бәйрәмнең тәмамлануы бик кызганыч. Әлбәттә, яшереп тормыйм, тагы да күбрәк ил булуын теләр идем. Кайберләре үз сәбәпләре аркасында берничә генә көн кала катнашудан баш тартты. Бик кызганыч, көндәшлек күбрәк булуын теләр идем. Ләкин шунысын әйтим, ахыргача кемнең җиңәсе аңлашылмаган ярышларның инде күптән булганы юк иде. Юниорлар арасында да, сениорлар арасында да шул ук хәл – соңгы секундкача без киеренке халәттә идек. Бу бик шәп һәм кызык», – дип билгеләп узды нәфис гимнастика буенча биш тапкыр дөнья чемпионы Яна Батыршина.

Юниор һәм сениор кызлар арасындагы нәфис гимнастика ярышлары нәтиҗәләре буенча Россия җыелмасы 15 алтын һәм 2 көмеш яулады. «Небесная грация» командасының өч алтын, 5 көмеш һәм 3 бронза. Беларусь гимнастлары 2 алтын, 10 көмеш һәм 6 бронза яулады.

Бокс һәм өстәл теннисы үзәгендә ир-атлар һәм хатын-кызлар арасында БРИКС уеннарының бокс ярышлары финаллары узды

Ир-атлар арасында чемпионнар исеменә Россия спортчылары Владимир Мнацаканян (48 кг кадәрге авырлык категориясе), Баир Батлаев (51 кг кадәр), Максим Кузнецов (54 кг кадәр), Андрей Пегливанян (57 кг кадәр), Илья Попов (63,5 кг кадәр), Сергей Сергеев (75 кг кадәр), Бешто Шавлаев (80 кг кадәр) һәм Вадим Щеблыкин (86 кг кадәр), Үзбәкстан вәкилләре Шавкатжон Болтаев (67 кг кадәр), Хавасбек Асадуллаев (71 кг кадәр), Мадияр Сайдрахимов (92 кг кадәр) һәм Баходир Жалолов (92+ кг), шулай ук Абхазия спортчысы Герман Арджения (60 кг кадәр) лаек булды.

«БРИКС илләре уеннарының бер өлеш булуына шатмын. Абхазия Республикасы флагы астында чыгыш ясау һәм алтын алу – бу тарих, мин бик горурланам. Соңгы көрәш авыр бирелде, физик көч тә, мораль көч тә бетеп килә иде, ләкин мин түзә алдым», – диде Герман Арджения.

«Бу масштаблы ярышлар, барысы да бик югары дәрәҗәдә. Мондый чараларны ешрак уздырырга кирәк. Боксчылар турнирына килсәк, монда көндәшлек тудыручы спортчылар күп. Мин финал ярышны ничек үткәрүем белән канәгатьмен», –дип билгеләп узды Баир Батлаев.

Хатын-кызлар арасында җиңүчеләр исеменә Россия спортчылары Анна Аэдма (52 кг кадәр), Людмила Воронцова (57 кг кадәр), Надежда Голубева (60 кг кадәр), Алина Пушкарь (63 кг кадәр), Азалия Әминева (66 кг кадәр), Елена Гапешина (75 кг кадәр), Салтанат Меденова (81 кг кадәр) һәм Ксения Олифиренко (81 кг кадәр), Һиндстан вәкилләре Минакши (48 кг кадәр) һәм Анамика (50 кг кадәр), шулай ук Үзбәкстан спортчылары Нигина Уктамова (54 кг кадәр) һәм Кытайдан Шу Ли (70 кг кадәр) лаек булды.

Бокс турниры нәтиҗәләре буенча Россия спортчылары 24 медаль яулады (15 алтын, 4 көмеш, 5 бронза), Үзбәкстанның – 19 (5-6-8), Һиндстанның – 9 (2-3-4), Кытайның – 7 медале (1-4-2).

БРИКС илләре уеннарының байдарка һәм каноэларда ишү ярышлары тәмамланды. Ярыш көне 200 һәм 500 метрга командалар белән узышу финалларыннан башланды, ә аннары вакыт буенча иң озакка сузылган 5000 метрга индивидуаль узышлар старт алды.

Дүрт катнашучыдан торган командаларның байдаркаларда ишү ярышында беренче урынга Беларусь җыелмасы спортчылары – Никита Бориков, Владислав Кравец, Владислав Литвинов һәм Дмитрий Натынчик чыкты. Шул ук дистанциядә, ләкин каноэларда узышуда беренчелекне Россия спортчылары – Дмитрий Шаров, Михаил Павлов, Павел Скрябин һәм Александр Боц яулады. «Әлбәттә, җил комачаулый, ләкин ярышларның масштабы һәм зурлыгы таң калдыра, биредә халыкара спорт рухы сизелә. Казан, катнашучылар санына һәм аларның дәрәҗәсенә карап, мондый гына түгел, тагы да масштаблырак уеннар кабул итәргә сәләтле. Хәзер дә каноэда көндәшлек искиткеч югары, Беларусь һәм Үзбәкстан спортчылары бик яхшы чыгышлар күрсәтә, монда дөнья чемпионнары һәм Олимпия уеннары призерлары күп, бу факт та күп нәрсә турында сөйли», – дип уртаклашты чемпионнар.

Хатын-кызлар арасында байдаркаларда 500 метрга ишүдә беренче урынны Беларусь спортчылары – Надежда Кушнер, Маргарита Ткачева, Ольга Худенко һәм Марина Литвинчук яулады. «Соңгы тапкыр Казанда 2013 елгы Универсиадада булдым. Ул чакта мин дүрт алтын алдым, шуңа хәзер шундый ук, ә бәлки, тагы да яхшырак нәтиҗә күрсәтәсем килде. Ә болай без һәрчак төп максат итеп алтын яулауны түгел, ә яхшы чыгыш күрсәтүне куябыз. Эшебезне яхшы башкарып, ул югары нәтиҗәләргә китерсен дип тырышабыз, – дип сөйләде быелгы БРИКС илләре уеннарында өч тапкыр чемпион калган Марина Литвинчук. – Иң мөһиме, без дөнья һәм Европа чемпионатлары дәрәҗәсендәге ярышлар белән чагыштырырлык яхшы секундлар күрсәтәбез. Мин үземнең медалемне Беларусь Республикасына һәм безнең барлык җанатарларга, байдарка һәм каноэларда ишү ярышларын яратучыларга, барлык спорт сөючеләргә багышлыйм».

Катнаш парлар арасында 200 метрга байдаркаларда ишү ярышларында Россия пары -Анастасия Панченко белән Иван Епишин җиңде. «Без Беларусьтан әллә ничә экипаж катнашачагын, аларның барысы да көчле икәнен аңлый идек. Гомумән, алар халыкара ишү спортының элитасы, һәм без алар килгәнгә, алар белән рәхәхәтләнеп узыша алуыбызга бик шатбыз. Әлбәттә, без җиңүгә исәп тоттык, ләкин бу соңгы метргача авыр көрәш булачагын аңлый идек», – дип сөйләде җиңүчеләр. Шул ук дисциплинаны каноэларда йөзүдә җиңүне шулай ук Россия пары – Сергей Свинарев белән Екатерина Шляпникова яулады.

5000 метрга индивидуаль узышларда барлык алтыннарны да Беларусь ишүчеләре алды. Байдаркаларда узышуларда иң көчлесе булып Владислав Кравец, ә каноэларда Иван Потапенко булып чыкты. Хатын-кызлар узышларында байдаркаларда Марина Литвинчук, ә каноэларда Екатерина Семенцова җиңде.

Бүген яулаган җиңүләре ярдәмендә Беларусь рәсми булмаган медаль зачетында беренче урынга чыкты – аның 16 алтын, 14 көмеш һәм 19 бронза медале. Берьюлы биш алтын медальне һәм бер көмешне Владислав Кравец яулады. Россия 12-15-8 күрсәткече белән икенче урында, өченче урында исә Үзбәкстан – аның спортчылары бер алтын һәм ике бронза яулады.

БРИКС илләре уеннарында дзюдо ярышларының финаллары узды, аларның нәтиҗәләре буенча тагы җиде чемпион исеме билгеле булды.

Хатын-кызлар арасында 48 кг авырлык категориясендә иң көчлесе булып финалда Кытай спортчысы Хань Шуайсяны җиңгән Үзбәкстан вәкиле Лазила Хайдарова булып чыкты. 52 кг авырлыкта алтынны россияле Глафира Борисова яулады, көмешне исә Үзбәкстан кызы Гальхаё Жураева алды. 57 кг категориясендә җиңүгә финалда россияле Ирина Зуевадан көчлерәк булып чыккан Бразилия спортчысы Ширлен Тайс До Насцименто иреште.

Ир-атлар арасында 81 кг авырлык категориясендә җиңүче булып россияле Абас Азизов танылды – ул финалда Габриэл Фалцао Лираны (Бразилия) җиңде. «Авыр булды, ләкин иң мөһиме – җиңдем. Минем өчен бу принципиаль мөһим старт иде, мин җиңүгә исәп тоттым, һәм бар да килеп чыкты. Җиңү белән канәгатьмен, тик көрәш белән – әллә ни юк. Ярышларның үзләренә килсәк, алар искиткеч, оештыру дәрәҗәсе – Олимпиададагы кебек», – дип сөйләде Абас Азизов.

90 кг авырлык категориясе финалында Беларусьның ике спортчысы очрашты – Александр Сидорик милләттәше Егор Воропаевтан көчлерәк булып чыкты. «Көндәшләрнең дәрәҗәләре яхшы иде. Барысы да җиңү яуларга килгән, үзләренең иң яхшы чыгышларын күрсәтергә тырыштылар. Җиңүемне хатыныма багышлыйм, – диде финалдан соң Александр Сидорик. – Мин Казанда беренче тапкыр түгел, бу шәһәр миңа ошый, ул Россиянең иң яхшы шәһәрләренең берсе. Оештыру ягына да сораулар юк, бар да бик әйбәт».

Ир-атлар арасында 100 кг авырлык категориясендә алтынны россияле Нияз Билалов яулады, көмешкә Ицие Шен (Кытай) лаек булды. Ә 100 килограммнан артык авырлыкта җиңүгә бразилияле Лукас Антонио Мартинс Лима иреште – ул финалда россияле Александр Шалимовны җиңде. «Үземнең көчемне һәм мөмкинлекләремне күрсәтү һәм мондый ярышларда чемпион калу бәхете һәркөнне тәтеми. Минем җиңү китергән барлык хисләрне белдерергә сүзләрем җитмәс, бу – тормышымдагы иң мөһим мизгелләрнең берсе. Һәрбер алыш үзенчә катлаулы иде. Дзюдо – шахмат кебек, син анда эш итәсең, хаталар җибәрәсең, һәм акыл һәм көчеңне кулланып, аларны төзәтергә тиешсең. Мин көрәшләремне уңышлы уздырдым һәм моңа бик шатмын», – дип уртаклашты Бразилия спортчысы.

Нәтиҗәдә дзюдода иң күп медальне россиялеләр яулады – биш алтын, өч көмеш һәм бер бронза. Икенче урында 3-3-4 күрсәткече белән Бразилия. Алардан соң Кытай һәм Беларусь – әлеге илләрнең икесе дә икешәр алтын, икешәр көмеш һәм берәр бронза медаль яулады.

«Санкт-Петербург» волейбол үзәгендә фехтование ярышларының соңгы көне узды, аның кысаларында рапира һәм кылыч белән көрәшүче ир-атлар, шпага белән ярышучы хатын-кызлар арасында өч медаль комплекты уйнатылды.

Хатын-кызлар арасында җиңүне Россиянең шпагачы кызлары (Яна Бекмурзова, Татьяна Гудкова, Айзанат Мурзанаева, Милен Бавуге Хабимана) яулады. Алар финалда 45:23 исәбе белән Беларусь җыелмасын (Александра Цурская, Агата Царькова, Екатерина Пошернева, Валерия Никонова) отты. Бронза исә Һиндстан җыелмасында.

Рапирачы ир-атлар финалында да тамашачылар Россия (Антон һәм Кирилл Бородачевлар, Тимур Сафин, Владислав Журавлев) һәм Беларусь (Владимир Бутенко, Владислав Николюк, Егор Рябцев, Георгий Ткаченко) җыелмалары көрәшен күзәтте. Бу дисциплинада да җиңүне россиялеләр яулады – 45:11. Бронза медальләргә кабат Һиндстан командасы лаек булды.

Ярыш көне «кылыччы» ир-атлар финалы белән тәмамланды: Россия җыелмасы (Кирилл Тюлюков, Дмитрий Даниленко, Анатолий Костенко, Камил Ибраһимов) Азәрбәйҗан (Мурад Акберов, Салех Мамедов, Магсуд Хусейнли, Аббас Гусейнов) җыелмасы белән очрашты. Очрашу Россия командасы файдасына, 45:23 исәбе белән тәмамланды. Бронза медальләрне Беларусь җыелмасы яулады.

БРИКС илләре уеннарының футбол ике төр көрәше чемпионнары исеменә финалда Казахстан командасын җиңгән Россия җыелмасы лаек булды. Цифрлы этапта командалар тигез уен алып барды диярлек, ләкин алай да Россия җыелмасының аз гына өстенлеге бар иде – 6:5. Аңа җиңүне Даниил Абельдяев, Роберт Фәхретдинов, Антон Кленов һәм Степан Михович китерде. Әмма алда команданы чын мәйданчыктагы уен көтә иде, һәм бар да үзгәрә ала иде. Россия җыелмасына Александр Кригер, Артём Елькин, Даниил Ильин һәм Александр Кузьминых кушылды, һәм уртак тырышлык белән бу этапны да җиңү белән тәмамлап булды. Матчның гомуми исәбе – 9:7.

«Бик киеренке матч булды, Казахстан командасы егетләренә зур «респект», минем хәтта тавышым да бетте. Ике этапта да уен мөмкин кадәр кызды, бу – без лаек финал иде. Бөтен уенчылар белән дә горурланам, алар мактауга лаек. Оештыру ягы супер. Казан – искиткеч шәп шәһәр, биредә мөмкин кадәр әйбәт һәм ярдәмчел кешеләрне очратырга була», – дип белдерде Россия җыелмасының уенчысы Даниил Абельдяев.

Өченче урын Венесуэла җыелмасында. Ул бронза өчен матчта бразилияләрне җиңде – 6:5. «Чарага әзерлек югары дәрәҗәдә, дөнья чемпионатларындагы кебек, без бар нәрсә белән дә бик канәгать. Безгә Казанда бик ошады. Казан Кремлендә, Бауман урамында булдык, миндә бу бик зур тәэсирләр калдырды», – дип уртаклашты үз тәэсирләре белән Венесуэла җыелмасының баш тренеры Густаво Бресенья 3 нче урын матчында җиңү яулаганнан соң.

«Ак Барс» көрәш сараенда билбаулы көрәш ярышлары узды. Классик стильдә алтын медальләрне Россия спортчылары Тамирлан Керефов (82 кг кадәр), Санджи Каруев (90 кг кадәр), Гази Хәлилов (100 кг кадәр) һәм Айнур Сыртаев (100+ кг), Үзбәкстан вәкилләре Абдулахад Носиров (57 кг кадәр), Диёрбек Полвонбоев (68 кг кадәр) һәм Самандар Анваров (75 кг кадәр), шулай ук Кыргызстан көрәшчесе Нурлан Садыралы Уулу (62 кг кадәр) яулады.

Ирекле көрәштә җиңүгә Россия көрәшчеләре Рәсүл Адуев (57 кг кадәр), Габдеҗәлил Сөләйманов (62 кг кадәр), Данила Зубрилов (68 кг кадәр) һәм Эмиль Незаметдинов (90 кг кадәр), Үзбәкстан егетләре Муроджон Хамидов (75 кг кадәр), Хуснидин Рузиев (82 кг кадәр) һәм Нодирбек Ахатжонов (100 кг кадәр), шулай ук Кыргызстан данын яклаучы Бахтииар Мирлан Уулу (100+ кг) иреште.

«Минем чыгышлар тәҗрибәсе зур, ләкин мондый грандиоз вакыйгада катнашу аңлатып бетермәслек хисләр бирә. Мин үземнең җиңүем белән якыннарымны шатландыра алуыма шат һәм бәхетле. Казан элеккечә спорт чараларын уздыру өчен топ-урын булып кала бирә. 2013 елгы Универсиадада мин икенче идем, ә хәзер – беренче. Куып тоттым», – диде Габдеҗәлил Сөләйманов.

«Нәтиҗә белән бик канәгатьмен, финалда мин күп тапкыр чемпион булган көрәшче белән көрәштем. Үземнән күп нәрсә көттем, чөнки озак һәм тырышып әзерләндем. Бүген бар нәрсә дә минем яклы иде. Турнирдагы көндшлек уннан ун иде. Көчле көндәшләр күп иде, аеруча финалда. Ярышларны ничек оештырулары ошады», – дип белдерде Данила Зубрилов.

Хатын-кызлар көрәшендә беренче урыннарны Жанна Исламгалиева (58 кг кадәр), Алина Пухова (66 кг кадәр), Динә Гыйзәтуллина (76 кг кадәр) һәм Замират Кусаева (76+ кг), шулай ук Үзбәкстан спортчысы Фарангиз Абдунабиева (52 кг кадәр) яулады.

Билбаулы көрәш турниры нәтиҗәләре буенча Россия 21 медаль (12 алтын, 5 көмеш, 4 бронза) яулады. Үзбәкстанның 20 медале (7-9-4). Шуның кадәр медальләргә Кыргызстан да ия (2-5-13).

Мәскәүнең «Динамо» спорт академиясендә брейкинг ярышларының беренче көне тәмамланды.

1х1 (шәхси ярышлар) һәм 4х4 (командалы ярышлар) дисциплиналарында сайлап алу туры, топ-16, топ-8 һәм топ-4 матчлары узды.

«Спортчыларның дәрәҗәләре бик әйбәт. Мин Россия, Япония, Көньяк Корея, Казахстанны билгеләп үтәр идем – хәзерге чакта дәрәҗәләре бик югары булган әлеге дүрт ил чемпион титулы һәм призлы урыннарга дәгъва кылачак. БРИКС илләре уеннары – яхшы халыкара ярышлар дәрәҗәсендәге ярышлар дип уйлыйм. Уеннар алдыннан безнең яхшы, яңа спорт базасында әзерлек җыеннары булды, күнекмәләр көненә ике тапкыр иде, яхшы ашаттылар, төрле процедуралар бар иде – бар да яхшы булды», – дип уртаклашты үзенең тәэсирләре белән Россия өчен чыгыш ясаучы «B-boy Footrockets» төркеме биючесе Руслан Фәйзрахманов.

БРИКС илләре уеннары Мәскәүдә дәвам итәчәк, 23 һәм 24 июнь көннәрендә анда брейкинг һәм акробатик рок-н-ролл турнирлары узачак.

Бүген Мәскәүнең «Динамо» спорт академиясендә БРИКС илләре уеннарының соңгы, сан буенча 387 нче медаль комплекты уйнатылды. Акробатик рок-н-ролл ярышларында дөньяның 23 иленнән килгән биючеләр катнашты.

«Б класс-микст» дисциплинасында Россия җыелмасына алтын медальләрне Иван Райлян/Елизавета Клопыжникова дуэты китерде. Көмеш медальләрне Мисырдан килгән Александр Бойко белән Валерия Арафа яулады, бронза исә Молдова биючеләрендә (Алексей Донос һәм Александра Николаева).

«Беренчедән, бу барыбыз өчен дә шәп мөмкинлек, чөнки БРИКС илләре уеннары барлык илләр өчен дә бик мөһим. Спортның бөтенесен дә берләштерүче тыныч тормыш һәм ярату икәнен күрсәтү мөһим. Бу чараны оештырганнары өчен Россия һәм Бию спорты федерациясенә рәхмәтемне белдерәм. Мин әлеге ярышларның киләчәге бар, алар тагы да яхшырак һәм матуррак булыр дип ышанам», – дип уртаклашты БРИКС илләре уеннарында алган тәэсирләре белән Һиндстан биючесе Акшай Джагдиш Унеча.

«М класс-микст» дисциплинасында да алтын медальләрне Россия спортчылары — Максим Чеботарев белән Виктория Адамова яулады. Көмеш Венгрия җыелмасында (Алекс Дели һәм Лука Бехари) булса, бронза медальләр – Мисыр командасында (Кирилл Рохлин һәм София Арафа).

«Әле шул көннәрдә генә без Татарстан Республикасында 25 спорт төре буенча ярышлар уздырдык, кичә Мәскәүдә брейкинг ярышы иде, бүген акробатик рок-н-ролл ярышы тәмамлана. Болар барысы да – БРИКС илләре уеннарының киңәйтелгән форматы. Бөтенроссия бию спорты федерациясе президенты Надежда Викторовна Ерастовага шәхсән зур рәхмәт. Нәкъ менә аның ярдәме белән брейкинг һәм акробатик рок-н-ролл Уеннар программасында үз урынын тапты.

Үз осталыкларын күрсәтү өчен безнең илебезгә, безнең бөек Россиябезгә килгән барлык спортчыларга да чын күңелдән һәм чын йөрәктән зур рәхмәтемне белдерәм. Барыгызны да Россиягә, Мәскәүгә чакырам, һәм, әлбәттә инде, Татарстан Республикасында, Казанда көтеп калам. Рәхмәт Сезгә!» – дип мөрәҗәгать итте катнашучыларга Татарстан Республикасының спорт министры Владимир Леонов.

12-24 июнь көннәрендә Казан һәм Мәскәүдә БРИКС илләре уеннары 2024 узды. Россия бу ярышларны беренче тапкыр уздырды, һәм алар күп күрсәткечләр буенча рекордлы булдылар.

- 82 катнашучы ил. БРИКС Уеннары ачык форматта узды, һәм барлык спортчылар да ярышларда катнашуга тигез хокукка ия иде. Казан һәм Мәскәүдә Көньяк һәм Төньяк Америка, Европа, Азия һәм Африка спортчылары җыелган иде.

- 2852 спортчы. Казанда Олимпия һәм дөнья чемпионнары, Европа, Азия һәм Көньяк Америка беренчелекләре, шулай ук милли чемпионатлар җиңүчеләре һәм призерлары чыгыш ясады. Уеннарның иң олы яшьтәге катнашучысы 65 яшьлек Төркия спортчысы Мостафа Енис Юрдакок иде, ул ат спорты ярышларында катнашты. Иң яшь катнашучы – 12 яшьлек Ксения Савинова Россиянең нәфис гимнастика җыелмасы составында чыгыш ясады.

- 27 спорт төре. Якынча 20 төр, әйтик, авыр һәм җиңел атлетика, спорт гимнастикасы һәм нәфис гимнастика, синхрон йөзү һәм башкалар БРИКС уеннары программасына беренче тапкыр эләкте. Моннан тыш, Уеннар кысаларында футбол һәм баскетбол ике төр ярышы турнирлары узды.

- 387 медаль комплекты. Медальләрне 38 ил спортчысы яулады, БРИКС уеннары чемпионнары исеменә 15 ил спортчысы лаек булды. Иң күп медальләрне Россия җыелмасы спортчылары алды – 509 медальнең 266сы – алтын. Икенче урында Беларусь (барлыгы 247, 55 – алтын), өченче урында – Кытай (62, 20).

- 5 алтын медальне БРИКС уеннарының каноэда ишү ярышларында Беларусь Республикасы спортчысы Марина Литвинчук яулады. Ул ярышларның иң күп титуллы спортчысы булып танылды. Синхрон йөзү спортчылары Александр Мальцев һәм Майя Дорошко, йөзүче Мирон Лифинцевта дүртешәр алтын медаль.

- 41:57.80 – шундый нәтиҗә белән Россиянең җиңел атлетика спортчысы Рәйхан Каграманова 10000 метрга йөрүдә җиңде. Бу – сезонның дөньядагы иң яхшы нәтиҗәсе. БРИКС Уеннары вакытында авыр атлетика, җиңел атлетика һәм йөзүдә милли рекордлар куелды.

- Ярышлар уздыру һәм спортчыларга күнекмәләр ясау өчен 17 спорт объекты җәлеп ителгән иде (Казанда 16 һәм Мәскәүдә 1). Тулаем алганда, аларга 108 меңнән артык тамашачы килде, ә күп кенә финаллар вакытында трибуналарда аншлаг иде.

- БРИКС илләре уеннарын оештыруда һәм үткәрүдә Россия Федерациясенең 18 төбәгеннән килгән 1920 волонтер ярдәм итте.

- БРИКС уеннарын 18 илдән килгән 750 СМИ вәкиле яктыртты.

- Уеннар трансляциясен Vkontakte социаль челтәрендә 22 миллион катнашучы карады.

- БРИКС уеннары ярышларын күрсәткән ТВ эфирларның гомуми вакыты 150 сәгать тәшкил итте. Трансляцияләрнең 36 сәгате Матч ТВ телеканалында, калган 96 сәгате – тематик каналларда узды.

Шулай ук БРИКС уеннары кысаларында берләшмә илләренең спорт министрларының очрашуы узды, ул киңәйтелгән форматта үткәрелде. Анда Россия, Бразилия, Һиндстан, Иран, Кытай, Берләшкән Гарәп Әмирлекләре, Эфиопия, Көньяк Африка Республикасы, Беларусь, Венесуэла, Казахстан, Үзбәкстан, Джибути, Азәрбәйҗан, КХДР, Куба, Кыргызстан һәм Никарагуа министрлары һәм вәкилләре катнашты. Катнашучылар БРИКС берләшмәсендә спорт үсеше һәм Бразилия кабул итәчәк киләсе Уеннар мәсьәләләре буенча фикер алыштылар.

Россиядә беренче тапкыр, 12-24 июнь көннәрендә узган БРИКС илләренең спорт уеннарына йомгакны Казанда үткән матбугат конференциясендә ясадылар.

БРИКС илләре уеннары Казан һәм Мәскәүнең спорт объектларында узды. Алар үзләренә 82 ил данын яклаучы 5640 катнашучыны җыйды, ярышлар 27 спорт төре буенча үтте.

Татарстан Республикасының спорт министры Владимир Леонов сүзләренә караганда, Уеннарны оештыручылар спортчылардан бик күп уңай бәяләмәләр алган.

«Спортчыларның күбесе БРИКС Уеннарындагы сервислар дәрәҗәсен Олимпия уеннарыныкы белән чагыштырды, Казандагы кайбер сервисларны хәтта яхшырак та, диделәр. Барысы да объектлар, туклану, телевизион эшчәнлек, волонтерлар эшенә зур бәя бирде. Казандагы барлык хезмәтләр дә бар көчен куеп эшләде, шуңа бар да ничек кирәк, шулай килеп чыкты. Спортчыларга Казанда шулкадәр ошар дип, үзебез дә көтмәгән идек», – дип билгеләпуздыВладимир Леонов.

Казандагы Уеннар БРИКС берлегендә уздырылучы спорт турнирлары тарихында күп күрсәткечләр буенча рекордлар куйды.

«Моңа охшаш чараны без 11 ел элек Казанда уздырдык – бу җәйге Универсиада иде. Без Универсиада эффектын кабатладык дисәк тә була. Бу проект турында актив ишетелмәде һәм сөйләмәделәр, ләкин без төгәл, аңлаешлы һәм перспективалы продукт җыйдык. Киләсе Уеннар Бразилиядә үтәчәк дип планлаштырыла, һәм аларның делегацияләрен озатканда, без кечкенә генә киңәшмә уздырдык. Алар Казанда булган нәрсәне хәтта кабатлау да авыр булачак, диделәр. Ләкин без булышачакбыз», – дип ассызыклады Татарстан Республикасының спорт министры.

Россия җыелмасы 266 алтын медаль яулап, Уеннарның гомуми команда зачетының җиңүчесе булды, медальләрне исә барлыгы 38 җыелма яулады.

«Казанга барлык лидерларны да алып килү техник яктан авыр иде, чөнки бер айдан Олимпия уеннары башлана. Командалар сезонга 4 ел элек булган календарьдән чыгып әзерләнделәр, ә спорт белән шөгыльләнүчеләр ярты, бер ел кала Олимпия циклына яңа ярышлар кертү мөмкин түгел икәнен аңлый. Без килүчеләрнең барысына да рәхмәтле. Кайбер спорт төрләрендә көчле көндәшлек иде. Уеннар белән бер вакытта футбол буенча Европа чемпионаты узуга карамастан, Уеннар яхшы телерейтинглар җыйдылар. Матч ТВ телеканалындагы трансляцияләрне 19 миллионнан артык кеше караса, тагын 22 миллионнан артык кеше интернеттан карады», – дип билгеләп узды Владимир Леонов.

«Безнең федераль, шулай ук республика һәм шәһәр дәрәҗәсендәге барлык партнерлар, дуслар һәм оештыручыларга зур рәхмәт әйтәсем килә. Зур команда җиң сызганып эшләде. Татарстан Рәисе Рөстәм Миңнеханов әйтмешли, яңа проектлар көтеп калабыз», – дип өстәде Татарстан Республикасының спорт министры.

Казан шәһәренең Спорт һәм социаль проектлар дирекциясенең генераль директоры Максим Денисов БРИКС илләре уеннарын оештыруда һәм үткәрүдә катнашкан һәркемгә рәхмәт белдерде.

«Әле бүген төнлә генә Казаннан соңгы катнашучы китте, шуңа хәзер экспресс-нәтиҗәләр ясарга була, аннары безнең нәрсә килеп чыгуын анализларбыз. Дирекция командасы эчендә без безнең барыбер килеп чыкты дип саныйбыз. Проектны оештыру һәм уздыру вакытында объектларга рәсми керү рөхсәте булган 25 мең кешегә бейдж бирелде. Бүген, проектта катнашкан һәркемгә диярлек, рәхмәт сүзеннән кала, башка әйтер сүзем юк», – диде Максим Денисов.